Biblia Todo Logo
Bìoball air-loidhne

- Sanasan -




Ɔkɔ̀hɔ̀n-wá-bɔ̀ kɔ̀hɔ̀n hán 1:11 - Ɛmɛẅi ankà ankrànkràn 2003

11 kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”

Faic an caibideil Dèan lethbhreac




Ɔkɔ̀hɔ̀n-wá-bɔ̀ kɔ̀hɔ̀n hán 1:11
23 Iomraidhean Croise  

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.


Mɛ dɔ́ nyɛ̀n annànwɔrɛ mɛ̀n le: anwrɔn hɔ̀n léyi dú ɛnu lɔ nɔn, ɛnjanbɔ̀ ke sɩ̀ wù, ke dú kɛ yɔ sɩ̀ kàn ɔwrɔnẅì Ẅì kɛ̀ và kɛ̀ hán ɛnnɛ̀ncüì hɔ́.”


Zɛtɛn, ɔwrɔnẅì Ẅì vá vra ci-woroan-ci kɛ lɛ srɔ anhobɩ́; zɛtɛn, ɛnhibù wú fɛcüè lɔ fɛn ke le dú obòto mɛ̀n, yɔ lɛ kán ɔwrɔnẅì Ẅì ke le dú ɛwì-gbú mɛ̀n anhobɩ́ kɛ̀ và, nɛ́n mán ɛkɔrɛ̀srɔn bobrebe mán eci-zrɔ mɛhi.


“Ɛnvra léyi ɔwrɔnẅì Ẅì kɛ lɛ vá n'eci-zrɔ lɔ mɛ̀n, nɛ́n mán Ɔwɔ-kùyüre-bɔ̀ lɔ fɛn mɛhi nɔn, nɛ lɛ yɛ́ n'eci-zrɔ-gbú-tobù lɔ wú.


Zɛtɛn yɛ lɛ kán ɔwrɔnẅì Ẅì, ke le dú ɛwì-gbú wanzi kɛ lɛ và, nɛ́n mán n'ɔkɔrɛ̀srɔn bobrebe mán n'eci-zrɔ lɔ fɛn mɛhi.


Kɩ Piɛrɛ̀n, vru kɛ wrɔn-anmanta. Ɛnvra cá vacì, anwrɔn hɔ̀n léyi nyɔn nanvrɛn lɔ nɔn vru kɛ dɔ́ Piɛrɛ̀n le: “Vɛ́n mán è dú yɔ ɛmɛ̀n, ɔmuhi ɛ dɔ́ ankà kɛ cá Galile wrɔn hɔ́ nɔn.”


Ɛnvra léyi nɛ̀n dɔ́ n'ɛsɛ̀nkɛn-bɔ̀ ankà trɔ nɔn, Ɛẅɛnwrɔn Ɔwɔ hán Zhezü tú hɔ́n anhobɩ́, kɩ Zhezü yɛ́ nɛ̀n ezì-kɔrɛ̀a.


Zɛtɛn, yɛ lɛ kán ɔwrɔnẅì Ẅì ke le dú ɛnwì-gbú mɛ̀n kɛ̀ và nɛ́n mán ɛkɔrɛ̀-srɔn vri mán eci-zrɔ mɛhi.


Ɔmuhi ɛnjansù kɛ ẅɛn yɔ kɩ yɔ sɩ́ sɩ́ ɛzì ɛwú rɔa nɔn, wúcɔ̀ hɔ̀n lɔ kɛ dɔ́ yɔ le: “Cɛci kruhú kɛ nye jí owú-bɔ̀ mɛ̀n, ɔwrɔn léyi dú ɔkɔrɛ-bɔ̀ mɛ̀n nɛ́n?


Kɩ ɛnvra léyi mɛ lɛ hɔ̀n mɛ̀n hán ɛyri lɔ nɔn, me le vru mɛ̀n và kɩ me le bɩ́ nyɛ̀n mɛ̀n sɩ́ ɛtɛ̀sɛ̀n, ô ɛyri léyi mɛ́n dù nɔn, nyɛ́n mán nyɛ́n dú nanvrɛn.


hàn mán cɔ́ ɛnbì léyi nɛ̀n tɔhú nɛ̀n hɔ́n anhobɩ́ nɔn. Ɛnvra léyi nɛ lɛ tɔhú nɛ̀n hɔ́n anhobɩ́ nɔn, nɛ̀n tán anwrɔn hɔ̀n léyi nɛ̀n mrɛ́n nɛ́n bɩ, dú ɔkɔ̀hɔ̀n-wá-bɔ̀ nɔn, n'ankà-yé Ɛnhɛ́n Prɔnprɔn kɔrɛ̀srɔn mɛ̀n.


Ɔwrɔn ndɔ lɔ, ke ji le nɛ̀n dú anwrɔn hɔ̀n léyi hɔ́n sɩ́ bɔ̀ ɛyri lɔ fɛn léyi Ɛẅɛnwrɔn Zhezü mɛhi bɔ́ cì nɔn ɔtɔ̀n, ɛnvra léyi Zhan wá nɛ̀n ɛnshi ɛnkru hàn kɩ cɔ́ ɛnbì léyi ye bɩ́ nɛ̀n yɛ sɔhɔ́ b'antamɛ̀n, ô nɛ̀n hɔ́n anhobɩ́ nɔn.”


Ɛnvra léyi Zhezü dɔ́ ankà ndɔ hɔ̀n lɔ trɔ nɔn, nɛ̀n tɔhú nɛ hɔ́n anhobɩ́, kɩ yɔ lɛ fɛn yɔ nyan nɛ̀n; Zɛtɛn ɛnwì-gbú tɔ̀n wá sɛ́n y'ezì.


Ɛnvra bobrebe, Zhezü bɩ́ n'edomɛ̀n yé anwrɔn hɔ̀n léyi dú Galile kpɔsɔ wú hɔ́n sɩ́ nɛ̀n Zherüzalɛmɛ̀n anmàn, hɩ zɛtɛn dú nɛ́n dalɛfuɛ-di-bɔ̀ Izraɛlɛ̀n fɛcüè zìwú nɔn.


Yɔ lɔ fɛn yɔ dú anvɛmɛ̀n-frɛ́n mɛ̀n mán pɔpüɛ̀ mɛ̀n kɩ yɔ dɔ̀ le: “Anwrɔn ndɔ hɔ̀n lɔ, hɩ kɛ dɔ́ ankà nɔn, yɔ lɔ fɛn yɔ sɩ̀ dù Galile anmàn-bɔ̀a?


Ɛnvra léyi Piɛrɛ̀n kán ndɔ lɔ, nɛ dɔ́ fɛcüè le: “Izraɛlɛ̀n-bɔ̀, cɛci kruhú kɛ anvɛmɛ̀n kɛ frɛ́n nyɛ̀n ɔwrɔn ndɔ lɔ n'ɔkɔrɛ̀ lɔ kruhúɛ? Cɛci kruhú kɛ nyɛ nyan bɔ̀, kɛ hán le, bɔ́ ɛkɔrɛ̀srɔn mɛ̀n mán b'Ɔwɔ tɛ̀sɛ̀n dù de hán ɔwrɔn ndɔ lɔ nán esù nɛ́n?


Zɛtɛ̀ vra lɔ, ke ji le Zhezü kɛ yɛ́ anhobɩ́ hàn kɩ kɛ cɔ́ ɛnvra léyi eci lɔ fɛn kɛ lɛ crɔn owrù, hán ɔmu le Ɔwɔ gɔ́ dɔ́ Ɔwɔ-mùanwú-ankà-dɔ́-bɔ̀ prɔnprɔn hɔ̀n mùan mɛ̀n ɛnvra sheshemɛ̀n hàn hɛ́n nɔn.


Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.


Yɛ lɛ yá ɛnyànmàn-tán bobo tɔ̀n, Ɔwɔ-kùyüre-wrɔn cüìcüì sùva mán Ɔwɔ brɛ̀n kù-dì, kɩ Ɛẅɛnwrɔn dùku ke le dú anhobɩ́ kɛ lɛ kàkɛ. Anwrɔn hɔ̀n léyi wú Krisì ankàẅì-bùtan lɔ mɛ̀n nɔn, yɔ le dú kpàkpà-bɔ̀ yɔ vá ɔkɔrɛ-bɔ̀ mɛ̀n;


Ɔmu zri lɔ, Krisì mán ye bɩ ye ce eci ɛdɛ̀n zri, ô kɛ̀ mrɛ́n anwrɔn fɛcüè hɔ̀n ɛgbàn mɛ̀n kɛ̀ sɔhɔ́. Nɛ lɛ srɔ andɛ̀n anhyrɛmɛ̀n, kè sɩ̀ dù hɩ le ne le gbú ɛgbàn nɛ̀n sɔhɔ́ nɔn, tɛ́n, nɛ̀n bɩ́ ɛnkrukɔrɛ̀ nɛ̀n tán anwrɔn hɔ̀n léyi kɛ vrá nɛ̀n nɔn.


Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.


Lean sinn:

Sanasan


Sanasan