2 Tesalonikɛ̀n anmàn-bɔ̀ 3:4 - Ɛmɛẅi ankà ankrànkràn 2003

⁴ Kɩ Ɛẅɛnwrɔn kɛ tán bɔ̀ esɛ́ ny'ɛwú: bɔ̀ ẅɛn esɛ́ le nyɛ hán, kɩ nye le dú ɛmɛ̀n nyɛ́n hán eci léyi bɔ̀ wá bɔ̀ tán nyɛ̀n nɔn.

2 Tesalonikɛ̀n anmàn-bɔ̀ 3:4 Iomraidhean Croise

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Rɔmɛ̀n-anmàn-bɔ̀ 15:14

Nmàn-ẅì hɔ̀n, mɛ́n dùku mɛ́n nyrì le, eci-hán ankrankran yɩ́ nyɛ̀n edomɛ̀n, nyɛ́n cɔ̀ nyɛ́n yá eci léyi ke ji le nyɛ́n nyrì, kɩ nyɛ́n krɔn kpehɛ́n nyɛ́n woro ankà nyɛ́n yé ny'edomɛ̀n.

Rɔmɛ̀n-anmàn-bɔ̀ 15:18

Annanwɔrɛ mɛ̀n lɔ, ke dú kɛ mɛ dɔ́ eci tɔ̀n ankà hô, dú eci tɔ̀n léyi Krisì hán tán mɛ̀n, ô mɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ ẅɛn Ɔwɔ wá. Nɛ̀n hán eci lɔ ankà-dɔ́ mɛ̀n mán eci-hán mɛ̀n,

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

1 Korɛntɛ̀n anmàn-bɔ̀ 14:37

Ke dú kɛ Ɔwrɔn tɔ̀n ke tro le nɛ̀n dú Ɔwɔ mɛẅi ankà-dɔ́-wrɔn, kɩ ne tro le nɛ̀n cɔ́ ɛnhɛ́n mɛ̀n cice, ke ji le nɛ̀n nyrì le owrú léyi mɛ̀n merɛ́n nɔn, dú Ɛẅɛnwrɔn nyànmàn tɔ̀n.

1 Korɛntɛ̀n anmàn-bɔ̀ 7:19

Ye wi mɛ́n, kɩ ye sɩ̀ wi mɛ́n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: hɩ le ẅɛn vɔ̀nshɛ́ nɔn, dú Ɔwɔ nyànmàn-wá.

2 Korɛntɛ̀n anmàn-bɔ̀ 2:3

Nyàn eci le kruhú léyi mɛ̀n merɛ́n owrú hán ɔmu le mɛ̀n hán nɔn hɔ́: mɛ́n sɩ́ ji le mɛ vá ny'edúyri hô, anwrɔn dùku léyi kɛ lɛ tán mɛ̀n pɔpüɛ̀-brà nɔn, kɛ̀ hán mɛ̀n, mɛ̀n dú obòto mɛ̀n. Mɛ̀n nyri annanwɔrɛ mɛ̀n le: ɛnvra léyi me dú pɔ̀püɛ̀-bra mɛ̀n nɔn, nyɛ́n mán nyɛ́n dú ɛnbɔrɛbruemɛ̀n nyɛ lɛ fɛn.

2 Korɛntɛ̀n anmàn-bɔ̀ 2:9

Annanwɔrɛ mɛ̀n lɔ, nyàn eci le kruhú léyi mɛ̀n merɛ́n nyɛ̀n owrú nɔn: me ji mɛ̀n wɔɛn nyɛ̀n mɛ̀n nyan, ô mɛ̀n kán ɔmu le ɛnvra lɔ fɛn, nyɛ́n krɔn kpehɛ́n nyɛ́n ẅɛn m'ankà-yé lɔ nyɛ́n hɛ́n nɔn.

2 Korɛntɛ̀n anmàn-bɔ̀ 8:22

Bɔ̀ hán yɔ, yɔ hɔ̀n, yɔ mán bɔ́ muan-ẅì mɛhi; bɔ̀ ci eci-hán bobrebe mɛ̀n, bɔ̀ wɔɛn nɛ̀n bɔ̀ nyan, kɩ nɛ̀n yé ɛnvra lɔ fɛn n'edùyì ci-hán ɔwɔ̀ɛn-nyan lɔ mɛ̀n. Tɛ́n zɛtɛ̀ lɔ, nɛ̀n vru nɛ̀n dú edùyiemɛ̀n, esɛ́ vri léyi nɛ̀n ẅɛn ny'ɛwú nɔn hɩ kruhú.

Galasi anmàn-bɔ̀ 5:10

Tɛ́n, Ɛẅɛnwrɔn kɛ tán mɛ̀n esɛ́ eci léyi kɛ crɛ nyan nyɛ̀n nɔn hɩ wú: mɛ̀n nyri annanwɔrɛmɛ̀n le nyɛ́n mán nyɛ́n sɩ̀ ẅɛn ankà-tro vɛ́n nyantɛn ke dú kɛ kè sɩ̀ dù m'ankà-tro lɔ. Tɛ́n ɔwrɔn léyi kɛ wá nyɛ̀n gbɔ̀gbɔ̀ edomɛ̀n nɔn, eci totɔtɔ̀n léyi dú nɛ̀n nɔn, nɛ lɛ cɔ́ Ɔwɔ nwù-bɔ̀.

Filipɛ̀n anmàn-bɔ̀ 1:6

Mɛ̀n ẅɛn esɛ́ ndɔ lɔ le: Ɔwɔ léyi bú ɔkɔ̀hɔ̀n ankrànkràn ndɔ lɔ ɛnkru ny'ɛmɛ̀n nɔn, kɛ lɛ hán nɛ̀n, nɛ̀n trɔ ɛnkru ɛnvra léyi Zhezü vá bì lɔ kɛ lɛ cɔ̀ nɔn.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

1 Tesalonikɛ̀n anmàn-bɔ̀ 4:10

Ɛcüɛ̀n ndɔ de nye yé tán nyɛ́n muan-ẅì hɔ̀n lɔ fɛn léyi dú Maseduhanɛ̀n kpɔsɔ wú nɔn. Tɛ́n bɔ́ yɩ́ nyɛ̀n edù, anwrɔn-nɛ́n-muan-ẅì hɔ̀n, nyɛ́n vru nyɛ́n hán kɛ̀ vrán ndɔ lɔ.

2 Tesalonikɛ̀n anmàn-bɔ̀ 3:12

Anwrɔn ɔmu hɔ̀n lɔ bɔ́ sán yɔ, bɔ́ wá tán yɔ eci-hán ndɔ lɔ Ɛẅɛnwrɔn Zhezü Krisì bɩmɛ̀n: yɔ hán ɔkɔ̀hɔ̀n ɛnvra lɔ fɛn, ô yɔ cɔ́ y'ɔmùanmɛ̀n ci-zî.

2 Tesalonikɛ̀n anmàn-bɔ̀ 3:6

Anwrɔn-nɛ́n-muan-ẅì hɔ̀n, bɔ́ sán nyɛ̀n ndɔ lɔ Ɛẅɛnwrɔn Zhezü Krisì bɩmɛ̀n: nyɛ́n mrɛ́n ny'edomɛ̀n nyɛ́n sɔhɔ́ anwrɔn-nɛ́n-muan-ẅì hɔ̀n ɛjɛ-bɔ̀ lɔ y'ɛtɛ̀sɛ̀n, yɔ léyi yɔ sɩ́ hán ankà-yé léyi bɔ̀ tán yɔ nɔn hɩ ci.

Filemɔn 1:21

Mɛ̀n ẅɛn esɛ́ le, owrú léyi mɛ̀n merɛ́n mɛ́n nɔn, ɛ lɛ hán eci léyi mɛ sán mɛ́n nɔn; mɛ̀n nyri ɔmu le ɛ lɛ hán kɛ lɛ vrán ndɔ lɔ mán.