2 Tesalonikɛ̀n anmàn-bɔ̀ 3:2 - Ɛmɛẅi ankà ankrànkràn 2003

² Nyɛ́n vru nyɛ́n sɛ́n Ɔwɔ kɛ̀ mrɛ́n bɔ̀ anwrɔn gbàngbàn hɔ̀n mán anbɔrɛ-bɔ̀ tamɛ̀n kɛ̀ sɔhɔ́. Ɔmuhi kè sɩ̀ dù anwrɔn lɔ fɛn de kè shrì ankaẅì-bùtan ankà lɔ kè bɩ́ɛ nɔn.

2 Tesalonikɛ̀n anmàn-bɔ̀ 3:2 Iomraidhean Croise

Matie 17:17

Zhezü sɩ́ ɔmùan ɛwú kɛ dɔ̀ le: “Anwrɔn gbàngbàn, ankàẅì-bùtan woro bɔ̀ léyi dú nyɛ̀n nɔn! Ɛnvra ɛ̀bɛ de ke ji le mɛ̀n cɔ́ nyɛ̀n mɛhi bɔ̀ yɛ́ nɛ́n? Ɛnvra ɛ̀bɛ de ke ji le mɛ̀n shrì mɛ̀n bɩ́ nyɛ̀n nɛ́n? Nyɛ́n bɩ́ ɛnẅì lɔ nyɛ́n và sɩ́ mɛ̀n ɛnu lɔ.”

Matie 23:23

Muzhie dú nyɛ tɛn, ɛnyànmàn-gbànvri-ankà-yé-bɔ̀ mán ɛnyànmàn-sùva-wá-bɔ̀, anmùan-anhyrɛ̀-bɔ̀! Nyɛ tán Ɔwɔ ny'ɛci-tɛ́-ci hɔ̀n léyi du ɛẅí banban nɔn n'ɛvá mɛ̀n tɛn, tɛ́n nyɛ kɔ́n ankà-yé hɔ̀n léyi ẅɛn vɔ̀nshɛ́, hɩ dú ɛnyànmàn wú nɔn ze, yɔ hɔ̀n léyi dú ɛnyrɔnnan, ɛnbɔrɛ-wɔ̀ mán ɔmùan-zri-dì: ndɔ lɔ de dú eci-hán-ci, ô ndɔ léyi wɔrɔ nɔn, ke bɩ́ yuru nyɛ̀n esùva.

Lükɛ̀n 18:8

Mɛ dɔ́ nyɛ̀n le: Ɔwɔ ke le ci ɛmrɛ̀n anvrɛnvrɛn kpràkprà kɛ lɛ tán yɔ. Tɛ́n, ɛnvra léyi ɔwrɔnẅì Ẅì kɛ lɛ và nɔn, nɛ lɛ cɔ́ ankàẅì-bùtan ɛnhi lɔ wúɛ?”

Ɔkɔ̀hɔ̀n-wá-bɔ̀ kɔ̀hɔ̀n hán 13:45

Ɛnvra léyi Zhüifɛ̀n-bɔ̀ kán fɛcüè ndɔ lɔ nɔn, yɔ dú ɛcüìhi-kɔ́n mɛ̀n; Yɔ kɛ́n ankà wá Pɔlɛ̀n kɩ yɔ wora nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:50

Tɛ́n Zhüifɛ̀n-bɔ̀ kɛ wá anmàn wúyɔ̀ hɔ̀n léyi ẅɛn ɛwúvà ankrankran, hɩ kɛ sɛ́n Ɔwɔ nɔn ankà, yɔ mán anmàn kpàmán-bɔ̀ mɛhi; yɔ hán Pɔlɛ̀n mán Barnabasɛ̀n ejüezì mán ɛgbànkán-ci, kɩ yɔ wrɔ́ yɔ y'ɛnhi-nan lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 14:2

Tɛ́n Zhüifɛ̀n-bɔ̀ léyi krɔ, kè sɩ̀ bù tàn ankaẅì nɔn, kɛ wá anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankà, ô yɔ ẅɛn Pɔlɛ̀n mán Barnabasɛ̀n ankà-tro gbangbàn.

Ɔkɔ̀hɔ̀n-wá-bɔ̀ kɔ̀hɔ̀n hán 17:5

Tɛ́n Zhüifɛ̀n-bɔ̀ kɛ kɔ́n ecüì-hi. Yɔ bɔrɛ ɛbrɔsà-bɔ̀ janbɔ̀ léyi yɔ cɔ́ anmàn drɛnmɔɛ́n mɛ̀n nɔn ɛkru, kɩ yɔ wá ɛdrɛ̀ sɩ́ fɛcüè mɛ̀n mán anmàn mɛ̀n. Yɔ hɔ́n Zhasɔn bɩ́ lɔ mɛ̀n ô yɛ ẅɛn Pɔlɛ̀n mán Silasɛ̀n yɔ sɩ́ fɛcüè zìwú.

Ɔkɔ̀hɔ̀n-wá-bɔ̀ kɔ̀hɔ̀n hán 25:27

Ndɔ lɔ dú ɔbrɔ̀sà ankà, ke dú kɛ yɛ hán anwɔn-mɛ̀n-wá-wrɔn kɛ hɔ́n Rɔmɛ̀n anmàn ɛnhi wú, kɩ ye sɩ̀ dɔ̀ eci léyi nɛ̀n hán nɔn yi ankà.”

Ɔkɔ̀hɔ̀n-wá-bɔ̀ kɔ̀hɔ̀n hán 28:24

Anwrɔn ndɔ hɔ̀n ke bɩ́ ankà hɔ̀n léyi nɛ dɔ̀ nɔn, tɛ́n ɛnjanbɔ̀ ke sɩ̀ ji ke bú tán ankaẅì.

Rɔmɛ̀n-anmàn-bɔ̀ 10:16

Tɛ́n yɔ lɛ fɛn yɔ sɩ̀ bɩ́ Ɛmɛẅi ankà Ankrankran lɔ. Annanwɔrɛ mɛ̀n lɔ Ezàhi kɛ dɔ̀ le: “Ɛẅɛnwrɔn, antɔnwrɔn de bú Ɛmɛẅi ankà Ankrankran léyi bɔ́ dɔ̀ nɔn, n'ankà tán ankaẅì nɛ́n?”

Rɔmɛ̀n-anmàn-bɔ̀ 15:31

Nyɛ́n sɛ́n Ɔwɔ, ô anwrɔn hɔ̀n léyi kè sɩ̀ ẅɛ̀n ankaẅì-bùtan Zhüde kpɔsɔ wú nɔn, mɛ̀n di yɔ antá, ô ɛkɔrɛ̀-wá léyi me sɩ́ Zherüzalɛmɛ̀n anmàn nɔn, kè dú eci léyi ankaẅì-bùtan-ẅɛn-bɔ̀ kɛ lɛ cüɛ̀n nɔn.

1 Korɛntɛ̀n anmàn-bɔ̀ 15:32

Ke dú kɛ ke dú anwrɔnẅì domɛ̀n ankà kruhú de mɛ lɛ kɔ́n ovú-nɔ̀n anhà, ɛnu Efɛzɛ̀n anmàn, vɔ̀nshɛ́ tán de mɛ lɛ cɔ́ n'ɛwú nɛ́n? Ke dú kɛ owú-bɔ̀ ke sɩ́ frɔ́a, zɛtɛn, hán ɔmu le yɛ dɔ̀ nɔn, “Bɔ́ zî ɛci, ô bɔ́ mi ɛnshi, ɔmuhi ɛnɛ̀n lɔ bɔ́ le wù nɔn”.

1 Tesalonikɛ̀n anmàn-bɔ̀ 2:18

Zɛtɛn bɔ̀ ji ɛyri ô bɔ̀ vru bɔ̀ hɔ́n ny'anmàn, kɩ mɛ̀n Pɔlɛ̀n mɛ̀n ji n'ɛhán-yri, wi ɛdɛ̀n zri. Tɛ́n Anwa-wrɔn kɛ́n bɔ̀ hɛ́n.

Anhyrɛmɛ̀n timote 4:17

Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́.