2 Tesalonikɛ̀n anmàn-bɔ̀ 3:14 - Ɛmɛẅi ankà ankrànkràn 2003

¹⁴ Ke dú kɛ ɔwrɔn tɔ̀n ke sɩ́ wá ɛnyànmàn hɔ̀n léyi bɔ́ tán owrú ndɔ lɔ mɛ̀n nɔn, nyɛ́n wá ndɔ lɔ owrúemɛ̀n, ô nyɛ́n cɔhɔ́ nɛ̀n ɛtɛ̀sɛ̀n, ô anvɛvrà kè dú nɛ tɛn.

2 Tesalonikɛ̀n anmàn-bɔ̀ 3:14 Iomraidhean Croise

Matie 18:17

Tɛ́n ke dú kɛ nɛ́n sɩ́ ji nɛ̀n die yɔ nukùɛ, ɛ̀ dɔ́ Ɔwɔ-fɛcüè-bɔ̀; ke dú kɛ nɛ́n sɩ́ ji nɛ̀n die Ɔwɔ-fɛcüè-bɔ̀ nukùɛ, è bú nɛ̀n ɛ̀ hán ɔwrɔn léyi kè sɩ̀ nyrì Ɔwɔ nɔn, ɛnvra tɔ̀n hô, ɛci-yerɛ-wrɔn.

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

1 Korɛntɛ̀n anmàn-bɔ̀ 4:14

Me yüre nyɛ̀n owrú ɔmu lɔ, kè sɩ̀ dù hɩ le mɛ lɛ hán nyɛ̀n anvɛvrà-ci, tɛ́n mɛ̀n yé nyɛ̀n ankà kɛ̀ hán m'ɛẅì hɔ̀n ankrankran hɔ́.

1 Korɛntɛ̀n anmàn-bɔ̀ 5:11

Me ji mɛ̀n dɔ́ nyɛ̀n le nyɛ́n bɩ́ ẅɛn ɔbɔ̀sɔ̀ nyɛ́n mán ɔwrɔn tɔ̀n léyi kɛ tán n'edomɛ̀n ebɩ́ Krisì-sɛ̀nkɛn-wrɔn, hɩ ke le dú esùnàn gbàngbàn ci-hán-wrɔn, kɛ lɛ wá nɛ́n nyran ci ɛvɛ̀-ɛwú, ke le dú antɛ̀-buri-sɛ́n-wrɔn, ɛyɔ̀n-wrɔn, ɛntàn-kɔ́n-wrɔn mán ɛci-yerɛ-wrɔn nɔn. Ke sɩ́ ji le, ɔwrɔn ɔmu lɔ, nɛ́n mán nyɛ́n mɛhi nyɛ́n zî ɛci ɛyri zri.

1 Korɛntɛ̀n anmàn-bɔ̀ 5:9

Mɛ́n kpàkpà wrú léyi mɛ̀n merɛ́n nyɛ̀n nɔn, mɛ̀n dɔ́ nyɛ̀n le nyɛ́n mán esù-gbàngbàn-nán-bɔ̀ mɛhi nyɛ́n bɩ́ hán eci zri.

2 Korɛntɛ̀n anmàn-bɔ̀ 10:6

Kɩ bɔ̀ krɔn kpehɛ́n, ô bɔ̀ kɔrɛ ezìkɛ̀n lɔ fɛn, kɩ ndɔ lɔ, ɛnvra léyi nye le yé ɔwá ci-hán anvrɛnvrɛn nɔn.

2 Korɛntɛ̀n anmàn-bɔ̀ 2:9

Annanwɔrɛ mɛ̀n lɔ, nyàn eci le kruhú léyi mɛ̀n merɛ́n nyɛ̀n owrú nɔn: me ji mɛ̀n wɔɛn nyɛ̀n mɛ̀n nyan, ô mɛ̀n kán ɔmu le ɛnvra lɔ fɛn, nyɛ́n krɔn kpehɛ́n nyɛ́n ẅɛn m'ankà-yé lɔ nyɛ́n hɛ́n nɔn.

2 Korɛntɛ̀n anmàn-bɔ̀ 7:15

Kɩ ɔmu lɔ, ɛcüɛ̀n léyi nɛ̀n ẅɛn ny'ɛwú vru sevri, ɛnvra léyi ke bru nɛ̀n le, nyɛ lɛ fɛn nyɛ́n ẅɛn n'ɔwá mán ɔmu le nyɛ́n hán nyɛ́n bɩ́ nɛ̀n edòmɛ̀n ɛnhisɩemɛ̀n, mán ɔwá mɛ̀n mɛhi.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

Kɔlɔsèn anmàn-bɔ̀ 4:16

Ɛnvra léyi nyɛ krɛ́ owrú ndɔ lɔ nɔn, nyɛ́n hán ô yɛ krɛ́ nɛ̀n yɛ tán Laodise Wɔ-fɛcüè-bɔ̀; nyɛ́n dùku nyɛ́n krɛ́ owrú léyi ye le dú nanvrɛn ye yüre nyɛ̀n nɔn.

1 Tesalonikɛ̀n anmàn-bɔ̀ 4:8

Hɩ le kruhú de, ɔwrɔn léyi kɛ kɔ́n ankà-yé ndɔ hɔ̀n lɔ ke die nɔn, nɛ́n sɩ́ kɔ́n ɔwrɔn zriɛmɛ́n nɛ́n diɛ, tɛ́n Ɔwɔ léyi kɛ tán nyɛ̀n n'Ɛnhɛ́n Prɔnprɔn de nɛ kɔ́n die nɔn.

2 Tesalonikɛ̀n anmàn-bɔ̀ 3:6

Anwrɔn-nɛ́n-muan-ẅì hɔ̀n, bɔ́ sán nyɛ̀n ndɔ lɔ Ɛẅɛnwrɔn Zhezü Krisì bɩmɛ̀n: nyɛ́n mrɛ́n ny'edomɛ̀n nyɛ́n sɔhɔ́ anwrɔn-nɛ́n-muan-ẅì hɔ̀n ɛjɛ-bɔ̀ lɔ y'ɛtɛ̀sɛ̀n, yɔ léyi yɔ sɩ́ hán ankà-yé léyi bɔ̀ tán yɔ nɔn hɩ ci.

Titɛ̀n 2:8

Ɛ̀ dɔ́ ɛnyrɔnnan ankà léyi ye sɩ̀ cɔ́ n'edù-jrɛ́-yri, ô kɛ hán tán v'egbri-bɔ̀ kè dú anvɛvrà mɛ̀n, ɔmuhi ye sɩ̀ cɔ́ ankà gbàngbàn yɔ dɔ́ bɔ́ ɛwú nɔn.

Titɛ̀n 3:10

Ɔwrɔn léyi kɛ hán ɛsɔ̀nvoyan kɔ̀hɔ̀n nɔn, è bi ankà ɛ̀ dɔ́ nɛ̀n ɛdɛ̀n zri mán anhyrɛ̀; zɛtɛn, è sɩ́ nɛ̀n ɔhɔ́nan.

Filemɔn 1:21

Mɛ̀n ẅɛn esɛ́ le, owrú léyi mɛ̀n merɛ́n mɛ́n nɔn, ɛ lɛ hán eci léyi mɛ sán mɛ́n nɔn; mɛ̀n nyri ɔmu le ɛ lɛ hán kɛ lɛ vrán ndɔ lɔ mán.

Ebre-bɔ̀ 13:17

Nyɛ́n die ny'ɛnyrɔnnan-bɔ̀ nukùɛ, ô nyɛ́n sɩ́ ny'edomɛ̀n ɛnhi nyɛ́n tán yɔ. Annanwɔrɛ mɛ̀n lɔ, yɔ dú bɔ́ ɛnán mɛ̀n ɛnbì lɔ fɛn, ɔmuhi yɔ ẅɛn eci-krɛ̀ yɔ mán Ɔwɔ mɛhi nɔn. Nyɛ́n hán tán, ô yɔ cɔ́ y'ɔkɔ̀hɔ̀n lɔ n'ɛhán-yri pɔpüɛ̀ mɛ̀n, kɩ ke bɩ́ dú obòto mɛ̀n, eci-hán ndɔ lɔ ke sɩ̀ sɩ́ nyɛ̀n vɔ̀nshɛ́ zriɛmɛ́n.

2 Zhan 1:10

Ke dú kɛ ɔwrɔn tɔ̀n ke ji nyɛ̀n kɛ và kɩ kɛ vá sɩ́ nyɛ̀n ankà-yé nyantɛn tɔ̀n, nyɛ́n bɩ́ sɩ́ nɛ̀n ɛbemɛ̀n, kɩ nyɛ́n bɩ́ bi nɛ̀n nyɛ́n nyan mán;