2 Tesalonikɛ̀n anmàn-bɔ̀ 3:13 - Ɛmɛẅi ankà ankrànkràn 2003

¹³ Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n.

2 Tesalonikɛ̀n anmàn-bɔ̀ 3:13 Iomraidhean Croise

Lükɛ̀n 18:1

Zhezü kɛ dɔ́ yɔ nyandrɛn ndɔ lɔ mɛ̀n ankà, ô kè yé yɔ le, ke ji le yɛ sɛ́n Ɔwɔ, edùyiemɛ̀n ɛnvra lɔ fɛn, ô edù ke bɩ́ ká yɔ mrìmrì.

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

1 Korɛntɛ̀n anmàn-bɔ̀ 15:28

Ɛnvra léyi ɛci hɔ̀n lɔ fɛn ke le dú Krisì kɔrɛ̀levri wú nɔn, zɛtɛn, nɛ́n dùku, ɛnẅì, ne le sɩ́ n'edomɛ̀n ɛnhi nɛ̀n tán Ɔwɔ léyi bɩ́ eci lɔ fɛn wá nɛ̀n antamɛ̀n nɔn; Ɔmu lɔ de Ɔwɔ kɛ lɛ ẅɛn ɛyri anvrɛnvrɛn mɛ̀n eci lɔ fɛn wú nɔn.

2 Korɛntɛ̀n anmàn-bɔ̀ 4:1

Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

2 Korɛntɛ̀n anmàn-bɔ̀ 4:16

Hɩ le kruhú de bɔ̀ dú edùyiemɛ̀n ɛnvra lɔ fɛn nɔn. Tɛ́n ke dú kɛ b'ɔwrɔnẅì dùwrú ke dú ɛjrɛ́ mɛ̀n janjan hô, bɔ́ ɛnhɛ́n dùwrú kɛ sán srɔ owrù ɛnbì ɛnbì.

Filipɛ̀n anmàn-bɔ̀ 1:9

Nyàn eci léyi mɛ sán m'Ɔwɔ-sɛ̀n lɔ mɛ̀n nɔn: ke ji le ny'ɛcüɛ̀n lɔ ke sevri ɛnvra lɔ fɛn, nɛ̀n di ɛnnɛ̀ncüì annanwɔrɛ-ci-nyriemɛ̀n mán ankà-yá anvrɛnvrɛn mɛ̀n,

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

2 Tesalonikɛ̀n anmàn-bɔ̀ 3:15

Kɩ, nyɛ́n bɩ́ hán nɛ̀n egbri-wrɔn ci, tɛ́n nyɛ́n bi-dɔ́ nɛ̀n ɔwrɔn-nɛ́n-muan-ẅì mɛ̀n.

Ebre-bɔ̀ 12:3

Nyɛ́n tro n'ankà, kɛ̀ hán ɔmu le nɛ́n shrì nɛ̀n bɩ́ ezì léyi ɛgbàn-hán-bɔ̀ kɛ́n nɛ̀n nɔn. Kɩ ɔmu lɔ de nyɛ́n sɩ̀ cɔ́ ɛjɛ̀, edù ke sɩ̀ wú nyɛ̀n.

Ebre-bɔ̀ 12:5

Esùva yru nyɛ̀n eduyì léyi Ɔwɔ kɛ tán nyɛ̀n, hán n'ɛẅì hɔ̀n hɔ́ nɛ́n? “M'ɛnẅì ɛnjansù ke bɩ́ ẅɛn mɛ́n ɛnvra léyi Ɛẅɛnwrɔn kɛ lɛ ẅɛn mɛ́n nuku, kɩ ke sɩ́ ji le edù kè wú mɛ́n ɛnvra léyi ne le di mɛ́n ebrè nɔn.

Ɔwɔ-mɛ̀n-yrikàn 2:3

Ɛ̀ ẅɛn ɛnbɔrɛ-ẅɛ̀n-hɛ́n-sɛ́, ɛ̀ kán ɛgbàn m'ɛkruhú, kɩ è sɩ̀ wù v'edomɛ̀n edù.