2 Tesalonikɛ̀n anmàn-bɔ̀ 3:1 - Ɛmɛẅi ankà ankrànkràn 2003

¹ Ɔtrɔmɛ̀n lɔ, anwrɔn-nɛ́n-muan-ẅì hɔ̀n, nyɛ́n sɛ̀n nyɛ́n tán bɔ̀, ô Ɛẅɛnwrɔn mùan-ankà-dɔ̀ lɔ ke bonyi kpràkprà, ô kɛ̀ cɔ́ ɛmrɛ́n, hán ɔmu le eci-hán ndɔ lɔ dú nyɛ̀n ɛmɛ̀n nɔn.

2 Tesalonikɛ̀n anmàn-bɔ̀ 3:1 Iomraidhean Croise

Matie 9:38

Nyɛ́n sɛ́n ɛkɛ̀tɛ̀-nɛ́n-zi kɛ̀ hán ɔkɔ̀hɔ̀n-hán-bɔ̀ bobrebe kɛ̀ hɔ̀n küɛ ɛci kè sɩ́ ɛbemɛ̀n.”

Lükɛ̀n 10:2

Nɛ dɔ́ yɔ le: “Ɛci-kuɛ kɔhɔ̀n vri ndù, tɛ́n ɔkɔhɔ̀n-hán-bɔ̀ ẅiɛ kɩ dù. Nyɛ́n sɛ́n ɛkɛ̀tɛ́-nɛ́n-zi kɛ̀ wá ɔkɔhɔ̀n-hán-bɔ̀ bobrebe ɔkɔhɔ̀n kɛ̀ hɔ̀n kuɛ ɛci kè sɩ́ ɛbemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 12:24

Tɛ́n Ɔwɔ-mùan-ankà-dɔ̀ lɔ kɛ sán bonyì.

Ɔkɔ̀hɔ̀n-wá-bɔ̀ kɔ̀hɔ̀n hán 19:20

Ɔmu lɔ de Ɛẅɛnwrɔn kɔrɛ̀srɔn mɛ̀n lɔ n'ankà-dɔ̀ bonyì, kɩ bɩ́ ecüì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 6:7

Ɔwɔ ankà-dɔ̀ lɔ kɛ sán bonyi ɛyri lɔ fɛn. Ɛsɛ̀nkɛn-bɔ̀ lɔ kɛ sán cüɛn Zherüzalɛmɛ̀n anmàn, kɩ Ɔwɔ-bɔ̀ bobrebe sɩ́ y'edomɛ̀n ɛnhi tán ankaẅì-bùtan, Zhezü bɩmɛ̀n.

Rɔmɛ̀n-anmàn-bɔ̀ 15:30

Tɛ́n nyàn eci léyi mɛ sán nyɛ̀n, anwrɔn-nɛ́n-muan-ẅì hɔ̀n, bɔ́ Ɛẅɛnwrɔn Zhezü Krisì mán ɛcüɛ̀n léyi Ɛnhɛ́n Prɔnprɔn kɛ tán bɔ̀ nɔn bɩmɛ̀n: nyɛ́n cɔ́ mɛ̀n mɛhi bɔ̀ kɔ́n anhà, ny'Ɔwɔ-sɛ̀n tán mɛ̀n.

1 Korɛntɛ̀n anmàn-bɔ̀ 16:9

Ɔmuhi ɛnvra anvrɛnvrɛn tɔ̀n kɛ wá tán mɛ̀n vɔ̀nshɛ́ ci-hán tɔ̀n, kɩ mɛ̀n nyri ɔmu le ɛgbri-bɔ̀ cüɛn.

2 Korɛntɛ̀n anmàn-bɔ̀ 1:11

kɩ nyɛ́n dùku ny'Ɔwɔ-sɛ́n mɛ̀n lɔ, nyɛ lɛ wá bɔ̀ ɛkɔrɛ̀. Ɔmu lɔ de Ɔwɔ kɛ lɛ yá Ɔwɔ-sɛ̀n léyi bobrebe kɛ hán tán bɔ̀, nɛ lɛ hán bɔ̀ anvrɛn ndɔ lɔ kɩ bobrebe kɛ lɛ tán nɛ̀n ɔkùɛn bɔ́ kruhú.

2 Korɛntɛ̀n anmàn-bɔ̀ 13:11

Kɩ zɛtɛ̀ lɔ, anwrɔn-nɛ́n-muan-ẅì hɔ̀n, Ɔwɔ kè dú nyɛ tɛ́n! Nyɛ́n ji prɔnprɔn mɛ̀n dù ci-hán, nyɛ́n yɩ́ ny'edomɛ̀n edù, ɔmùan kɛ̀ krɔn nyɛ̀n, nyɛ́n dú anwɔwɔmɛ̀n, kɩ Ɔwɔ lɛ́yi dú ɛcüɛ̀n mán anwɔwɔ nɔn, mɛhi nye le dù.

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 1:8

Annanwɔrɛ mɛ̀n lɔ, kè sɩ̀ dù Maseduhanɛ̀n mán Akahi kpɔsɔ wú tɛ̀kɩ Ɛẅɛnwrɔn ankà-dɔ̀ lɔ kè bonyì hɛ̀n, tɛ́n ɛyri lɔ fɛn de ny'Ɔwɔ mɛ̀n ankaẅì-bùtan lɔ bonyì nɔn. Bɔ́ sɩ̀ ẅɛ̀n ankà b'á dɔ́ hɩ wú lɔ.

1 Tesalonikɛ̀n anmàn-bɔ̀ 2:1

Anwrɔn-nɛ́n-muan-ẅì hɔ̀n, nyɛ́n dùku mán nyɛ́n nyrì le: kè sɩ̀ dù ankora de bɔ̀ hɔ̀n ny'anmàn nɔn.

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

1 Tesalonikɛ̀n anmàn-bɔ̀ 5:17

nyɛ́n sɛ́n ɛnvra lɔ fɛn,

1 Tesalonikɛ̀n anmàn-bɔ̀ 5:25

Anwrɔn-nɛ́n-muan-ẅì hɔ̀n, bɔ́ mán nyɛ́n sɛ̀n nyɛ́n tán bɔ̀.

Anhyrɛmɛ̀n timote 2:9

Ɛmɛẅi ankà Ankrankran ndɔ lɔ kruhú de mɛ̀n dú ɛgbànkán mɛ̀n, kɩ yɛ wá mɛ̀n angán hán eci gbàngbàn-hán-wrɔn hɔ́. Tɛ́n Ɔwɔ mùan ankà-dɔ̀ lɔ, kè sɩ̀ dù angán mɛ̀n!