2 Tesalonikɛ̀n anmàn-bɔ̀ 2:9 - Ɛmɛẅi ankà ankrànkràn 2003

⁹ Anbɔrɛ-wrɔn lɔ kɛ lɛ vá Anwa-wrɔn cüìcüì kɔrɛ̀-srɔn mɛ̀n, nɛ lɛ hán anvɛmɛ̀n-frɛ́n-ci mɛ̀ntɛ mɛ̀ntɛ mán ɛyɔ̀n ci-woroan-ci;

2 Tesalonikɛ̀n anmàn-bɔ̀ 2:9 Iomraidhean Croise

Matie 12:22

Zɛtɛn ye bɩ́ ɔwrɔn tɔ̀n léyi anvɛ̀ bɔyɛ hɩ ke sɩ́ dɔ́ ankà mán, yɛ vá sɩ́ Zhezü, ɔmuhi ɛnhɛ́n gbàngbàn tɔ̀n dú nɛ̀n edòmɛ̀n nɔn. Zhezü kɔrɛ ɔwrɔn ndɔ lɔ, hán tán kɩ nɛ̀n bukru nɛ dɔ́ ankà kɩ nɛ kán ɛyri.

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Matie 4:10

Zɛtɛn Zhezü kɛ dɔ́ nɛ̀n le: “Sɔ̀n hɔ́n ɛmɛẅi, Anwa-wrɔn! Ɔmuhi Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ ankɔ̀rɛ̀ ezìwúɛ, ô ɛ̀ sɛ́n nɛ́n zri kɩ.’ ”

Markɛ̀n 13:22

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci bobrebe yɔ frɛ́n anwrɔn; nyɛ́n sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le dú ɛmɛ̀n.

Lükɛ̀n 11:25

Ne vru ɛmɛẅi nɛ và, kɩ nɛ cɔ́ ɔwɔn léyi nɛ́n teze nɔn, yɛ taka ɛyri ɛmɛ̀n nfì; yɛ sán hɛ́n ɛci ɛmɛ̀n anvrɛnvrɛn.

Zhan 4:48

Zhezü kɛ dɔ́ nɛ̀n le: “Ɛnvra lɔ fɛn nyɛ́n sɩ̀ bùtan ankàẅì ke dú kɛ nyɛ́n sɩ̀ kàn anvɛmɛ̀n-frɛ́n-ci mán eci-woran-ci!”

Zhan 8:41

Nyɛ hán ɛci zri hɔ̀n léyi nyɛ́n zi (anwawrɔn) kɛ hán nɔn.” Yɔ mrɛ́n nɛ̀n ɔmùan le: “Bɔ̀ sɩ̀ dù ɛmɛ̀ntɛ̀-wá-ẅì hɔ̀n. Bɔ̀ ẅɛ̀n bɔ zi zri dú Ɔwɔ.”

Zhan 8:44

Nyɛ́n zi dú anwawrɔn kɩ nye ji nyɛ́n hán eci léyi nyɛ́n zi anwawrɔn ke ji nɔn. Nɛ̀n dú ɔwrɔn wri-wrɔn ɛnkrubɔmɛ̀n hán hɛ́n. Ɛnbi zriɛmɛ́n nɛ vá nyɔn annanwɔrɛ ankà mɛ̀n, ɔmuhi annanwɔrɛ bada nɛ̀n ɛmɛ̀n nɔn. Ɛnvra léyi nɛ dɔ́ ɛyɔ̀n ankà, nɛ dɔ́ yi kɛ hán n'edù-ci hɔ́, ɔmuhi nɛ́n dú ɛyɔ̀n wrɔn mán ɛyɔ̀n nɛ́n zi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:10

kɩ kɛ dɔ́ nɛ̀n le: “Ɛfrɛ́n-wrɔn mán anbɔrɛ-wrɔn, anwa-wrɔn ẅì, ɛci anvrɛnvrɛn lɔ fɛn y'egbri-wrɔn! Vɛ́n eci-jrɛ́ kɔ̀hɔ̀n léyi ɛ hán Ɛẅɛnwrɔn kɔrɛ̀-ci wú nɔn, è sɩ̀ teze mrìmrì hɛ̀n?

2 Korɛntɛ̀n anmàn-bɔ̀ 11:14

Ɛnu lɔ anvɛmɛ̀n-frɛ́n-ci zriɛmɛ́n bàdà nɛ̀n ɛmɛ̀n, ɔmuhi Anwa-wrɔn dùku mán kɛ srɔ n'edòmɛ̀n ɛyri-kán Wɔ-kùyüre-wrɔn nɔn.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Anhyrɛmɛ̀n timote 3:8

Ɔmu zri léyi Zhannɛsɛ̀n mán Zhanbrɛsɛ̀n kɛ́n Mohizì ezì nɔn, ɔmu zri lɔ de anwrɔn ndɔ hɔ̀n lɔ mán kɛ kɛ́n annanwɔrɛ ezì nɔn. Yɔ dú anwrɔn hɔ̀n léyi ɛnhɛ́n ke sɩ̀ nyrɔ̀n hàn, kɩ y'ankaẅìbùtan lɔ dú oworo.

Zhakɛ̀n 3:15

Ankà-nyrì ndɔ ɔmu lɔ, nɛ̀n sɩ̀ dù anhobɩ́ nɛ̀n và; nɛ̀n dú ɛnu ɛnhibù wú ci mán anwrɔnẅiemɛ̀n ci, kɩ nɛ̀n dú anwa mán.

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 18:23

Kèniɛn hyà ke sɩ̀ vru kán ɛyri mrìmrì v'ebɩ́ lɔ mɛ̀n. Ye sɩ̀ vru yá eyiri-bɔ̀ ɔmùan. V'anhàn-zhrɛ-bɔ̀ ẅɛn vɔ̀nshɛ́ ɛnhibù mumù lɔ fɛn wú, kɩ vɛ́n seke-kɔ̀hɔ̀n-hán mɛ̀n lɔ, ɛ̀ zrɛ́n fɛcüè hɔ̀n lɔ fɛn.”

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 9:11

Yɔ ẅɛn ɛnnɛncüì tɔ̀n ndù, nɛ́n de nɛ̀n dú ɛnnànmàn léyi n'ɛvrɛn kè sɩ̀ ẅɛ̀n ɛnkrutrɔ nɔn n'ɛnnan-wrɔn. Ye bi nɛ̀n ebre mɛ̀n, “Abàdɔn”, kɩ grɛkɛ̀n mɛ̀n “Apoliɔn”, n'ɛmɛ̀n kɛ dɔ̀ le “Eci-jrɛ́-wrɔn vri”.