2 Tesalonikɛ̀n anmàn-bɔ̀ 2:8 - Ɛmɛẅi ankà ankrànkràn 2003

⁸ Zɛtɛn, anbɔrɛ-wrɔn kɛ lɛ srɔ, kɩ Ɛẅɛnwrɔn Zhezü kɛ lɛ hán nɛ̀n, ne le wú n'ɔmùan dɔ̀nwrɔ̀n mɛ̀n, nɛ lɛ jrɛ́ yi, n'ɛvà vrisì lɔ mɛ̀n.

2 Tesalonikɛ̀n anmàn-bɔ̀ 2:8 Iomraidhean Croise

Matie 13:19

Anwrɔn hɔ̀n léyi kɛ yá Anhobɩ́ ankà hɩ ke sɩ́ nyriɛn nɔn, yɔ dù yɔ cá ɛnlevri mùan léyi ɛci-ẅì ke bore nɔn: Anwa-wrɔn kɛ và kɩ ke frɛ́ ɛci léyi yɛ tɛ́ y'ɛnbɔrɛ lɔ mɛ̀n nɔn.

Matie 13:38

ɛkɛ̀tɛ̀ lɔ, dú ɛnhibù; ɛci-ẅì ankrànkràn dú anwrɔn hɔ̀n léyi ke bɩ́ Anhobɩ́ nɛ̀ncüì-dúyri ankà nɔn, ɛfi gbàngbàn dú anwrɔn hɔ̀n léyi dú Anwa-wrɔn mɛ̀n-bɔ̀;

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 16:28

Mɛ dɔ́ nyɛ̀n annànwɔrɛ mɛ̀n le: anwrɔn hɔ̀n léyi dú ɛnu lɔ nɔn, ɛnjanbɔ̀ ke sɩ̀ wù, ke dú kɛ yɔ sɩ̀ kàn ɔwrɔnẅì Ẅì kɛ̀ và kɛ̀ hán ɛnnɛ̀ncüì hɔ́.”

1 Korɛntɛ̀n anmàn-bɔ̀ 1:28

nɛ̀n mrɛ́n eci léyi dú ɛnhi, dú egbri-ci, hɩ kè sɩ̀ ẅɛ̀n vɔ̀nshɛ́ ɛnhibù zìwú nɔn nɛ́n bɩ, ô kɛ̀ jrɛ́ eci léyi ẅɛn anhàn n'ezìwú nɔn.

2 Tesalonikɛ̀n anmàn-bɔ̀ 2:3

Eci zriɛmɛ́n mán mɛ̀n, nyɛ́n bɩ́ teze ɔwrɔn zriɛmɛ́n kɛ frɛ́n nyɛ̀n. Ɔmuhi ɛnbì ndɔ lɔ ke sɩ̀ và ke dú kɛ Ɛmɛẅitrɔ zìkɛ̀n ankà lɔ mán anbɔrɛ ci-hán-wrɔn kɛ vá srɔ, nɛ́n léyi nɛ́n dú ɛjrɛ́ tɛn nɔn.

Kpàkpà timote 6:14

Ɛ̀ wá ɛnyanmàn léyi ɛ cɔ̀ nɔn, ɛ̀ ẅɛn nɛ̀n ɛ̀ hɛ́n ɛfifiemɛ̀n, ɛnbrá ke bɩ́ dú nɛ̀n edomɛ̀n hàn kɩ kɛ̀ cɔ̀ ɛnbɩ̀ léyi bɔ́ Ɛẅɛnwrɔn Zhezü Krisì kɛ lɛ srɔ nɔn.

Anhyrɛmɛ̀n timote 1:10

tɛ́n nɛ̀n yé bɔ̀ nboafɔ̀n ndɔ lɔ zɛtɛ̀ lɔ ɛnvra léyi bɔ́ Ebɩdiewrɔn Zhezü Krisì nvà nɔn. Nɛ́n de nɛ̀n trɔ owù kɔrɛ̀srɔn lɔ kɩ, Ɛmɛẅi ankà Ankrankran bɩmɛ̀n lɔ, nɛ̀n yé ɛwúvà léyi ke sɩ́ trɔa nɔn.

Anhyrɛmɛ̀n timote 4:1

Mɛ sán mɛ́n eci ndɔ lɔ ɔmùan ɛwú siemɛ̀n Ɔwɔ zìwú mán Zhezü Krisì zìwú, nɛ́n léyi ne le ci ɔkɔrɛ-bɔ̀ mán owú-bɔ̀ ɛmrɛ̀n, mɛ sán mɛ́n eci lɔ Krisì và lɔ mán n'ɛnnɛ̀ncüì-dúyri bɩ́mɛ̀n:

Anhyrɛmɛ̀n timote 4:8

Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Ebre-bɔ̀ 10:27

Wɔrɔ bɔ̀ Ɔwɔ mrɛ̀nci shishi léyi ke ji le bɔ̀ vrá ɛnkrɛ̀ta-kuemɛ̀n, mán ɛnhyà-ẅì léyi kɛ lɛ biɛ n'egbri-bɔ̀ hɔ̀n nɔn.

1 Zhan 2:13

Me merɛ́n nyɛ̀n owrú, dàde hɔ̀n, ɔmuhi nyɛ́n nyri ɔwrɔn léyi dú ɛnkrubɔmɛ̀n hàn hɛ́n nɔn. Me merɛ́n nyɛ̀n owrú, sùgban-bɔ̀, ɔmuhi nyɛ́n kɔ̀nká eci gbàngbàn nɔn.

1 Zhan 3:12

Ke sɩ́ ji le bò dù kɛ̀ hán Kaɛ́n hɔ́; nɛ̀n dú Eci-gbàngbàn tɛn, kɩ nɛ̀n wri nɛ́n muan-ẅì. Kɩ cɛci kruhú kɛ ne wri yi hɛ́? Ɔmuhi Kaɛ́n ci-hán hɔ̀n lɔ fɛn dú ɛgbàn, tɛ́n nɛ́n muan-ẅì tɛn lɔ dú ɛnyrɔnnan mɛ̀n.

1 Zhan 5:18

Bɔ́ nyri ɔmu le Ɔwɔ ẅì zriɛmɛ́n ke sɩ́ vru dú ɛgbàn hán mɛ̀n, ɔmuhi Ɔwɔ Ẅì kɛ nan nɛ̀n kɩ Eci gbangbàn-hán-wrɔn ke sɩ̀ ẅɛ̀n ɛkɔrɛ̀levri zriɛmɛ́n n'ɛwú nɔn.

Ɔwɔ-mɛ̀n-yrikàn 1:16

Okùcankrò hɔ̀n ɔbɔ̀ɛn dú nɛ̀n ezì-kɔrɛ̀ màn mɛ̀n, kɩ ezì-anhyrɛ̀-nyan-she piɛnpiɛn tɔ̀n dú nɛ̀n anmùan mɛ̀n kɛ srɔ ɛntrɛ. N'ezì lɔ kɛ gbrɛ́n kɛ hán ɛnbri-shɛ́n bri hɔ́.

Ɔwɔ-mɛ̀n-yrikàn 13:5

Yɛ tán ɔnɔn lɔ ɛkɔrɛ̀levri kɛ dɔ́ ɔwora ankà gbàngbàn kɛ̀ tán Ɔwɔ; nɛ̀n cɔ́ ɛkɔrɛ̀srɔn, ô nɛ̀n hán eci okù ɛkoẅi anhyrɛ̀ mán ɛẅì anhyrɛ̀.

Ɔwɔ-mɛ̀n-yrikàn 19:15

Anhà-kɔ́n-nyan piɛnpiɛn tɔ́n dú nɛ̀n anmùan mɛ̀n srɔ, hɩ de ne bɩ ne gorɛ ɛnhi wú anmàn hɔ̀n nɔn. Nɛ lɛ nyrɔn yɔ ɛngbɛn ẅì kɔrɛ̀levriemɛ̀n, kɩ nɛ lɛ boyɛ ɛntàn wɔnsɛn tɛ̀-ẅì lɔ, ɛkɔrɛ̀srɔn Wɔ mɛ̀nhyì shishi tàn-borɛ-ci lɔ mɛ̀n.

Ɔwɔ-mɛ̀n-yrikàn 2:16

Ɛ̀ crɔn v'eci-hán-ci. Kè sɩ̀ dù ɔmu lɔ hô, mɛ lɛ và cɔ́ mɛ́n ɛnvra bruemɛ̀n, kɩ anwrɔn ndɔ hɔ̀n lɔ, mɛ lɛ kɔ́n yɔ anhà, ɛnyan-shé léyí dú mɛ̀n anmùan mɛ̀n kɛ srɔ nɔn, mɛ̀n.

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.