2 Tesalonikɛ̀n anmàn-bɔ̀ 2:15 - Ɛmɛẅi ankà ankrànkràn 2003

¹⁵ Ɔmu lɔ, anwrɔn-nɛ́n-muan-ẅì hɔ̀n, nyɛ́n nyɔn ɛshishiemɛ̀n, ô ankà-yé léyi bɔ̀ tán nyɛ̀n ankà-dɔ́ mɛ̀n mán b'owrú yüre mɛ̀n nɔn, nyɛ́n ẅɛ̀n hɛ́n.

2 Tesalonikɛ̀n anmàn-bɔ̀ 2:15 Iomraidhean Croise

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

1 Korɛntɛ̀n anmàn-bɔ̀ 11:2

Mɛ mrɛ́n nyɛ̀n: m'ankà ke bru nyɛ̀n eci lɔ fɛn hán mɛ̀n kɩ nyɛ ẅɛn m'ankà-yé hɔ̀n lɔ nyɛ hɛ́n.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

1 Korɛntɛ̀n anmàn-bɔ̀ 16:13

Nyɛ́n yɛ́ ɛshishiemɛ̀n ankaẅì-bùtan-ẅɛn mɛ̀n, nyɛ́n ẅɛn edùyì, nyɛ́n ẅɛn ecüì.

Filipɛ̀n anmàn-bɔ̀ 4:1

Anwrɔn-nɛ́n-muan-ẅì hɔ̀n anvrɛnvrɛn, mɛ wá kpankpan mɛ̀n vru mɛ̀n kán nyɛ̀n! Nyɛ́n dú mɛ́n pɔpüɛ̀ mán m'ɛnkru-sɔ́n-kɔ̀nka-ci! Zɛtɛ́n, annyran-anvrɛn hɔ̀n, nyàn ɔmu le ke ji le nyɛ́n nyɔn ɛnshishiemɛ̀n ny'ɛwúvà lɔ mɛ̀n, nyɛ́n mán Ɛẅɛnwrɔn mɛhi.

2 Tesalonikɛ̀n anmàn-bɔ̀ 2:2

nyɛ́n bɩ́ teze ny'edomɛ̀n owule mɛ̀n, yɛ wá ny'ɛnhɛ́n lɔ gbɔ̀gbɔ̀ edù, yɛ wá nyɛ̀n ɛnjansù, ke dú kɛ ɔwrɔn kɛ dɔ̀ le Ɛẅɛnwrɔn bì lɔ ncɔ̀a. Nyɛ́n bɩ́ bú n'ankà lɔ nyɛ́n tán ankaẅì, ke dú kɛ nɛ dɔ̀ le Ɔwɔ-mùanwú-ankà-dɔ̀, kɩ nɛ dɔ̀ le owrú merɛ́n ankà-dɔ̀ de, yɛ tán nyɛ̀n nɔn.

2 Tesalonikɛ̀n anmàn-bɔ̀ 3:14

Ke dú kɛ ɔwrɔn tɔ̀n ke sɩ́ wá ɛnyànmàn hɔ̀n léyi bɔ́ tán owrú ndɔ lɔ mɛ̀n nɔn, nyɛ́n wá ndɔ lɔ owrúemɛ̀n, ô nyɛ́n cɔhɔ́ nɛ̀n ɛtɛ̀sɛ̀n, ô anvɛvrà kè dú nɛ tɛn.

2 Tesalonikɛ̀n anmàn-bɔ̀ 3:6

Anwrɔn-nɛ́n-muan-ẅì hɔ̀n, bɔ́ sán nyɛ̀n ndɔ lɔ Ɛẅɛnwrɔn Zhezü Krisì bɩmɛ̀n: nyɛ́n mrɛ́n ny'edomɛ̀n nyɛ́n sɔhɔ́ anwrɔn-nɛ́n-muan-ẅì hɔ̀n ɛjɛ-bɔ̀ lɔ y'ɛtɛ̀sɛ̀n, yɔ léyi yɔ sɩ́ hán ankà-yé léyi bɔ̀ tán yɔ nɔn hɩ ci.

Titɛ̀n 1:9

Ke ji le nɛ̀n ẅɛn ɛshishiemɛ̀n ɛmɛẅi ankà léyi dú ankàẅì-bùtan ci nɔn nɛ̀n hɛ́n, kè dù kɛ hán Ɔwɔ kɔ̀hɔ̀n léyi nɛ́n cɔ̀ nɔn. Ɔmu lɔ de ne le yɩ́ anwrɔn nyàntɛn hɔ̀n edù ankà annànwɔrɛ yé mɛ̀n kɩ, ne le yé anwrɔn hɔ̀n léyi kɛ kɛ́n nɛ̀n ezì nɔn, y'ɛzɛ̀n ci-hán.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.