2 Tesalonikɛ̀n anmàn-bɔ̀ 2:13 - Ɛmɛẅi ankà ankrànkràn 2003

¹³ Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

2 Tesalonikɛ̀n anmàn-bɔ̀ 2:13 Iomraidhean Croise

Lükɛ̀n 1:75

ô bɔ̀ dú prɔnprɔn mán ɛnyrɔnnan mɛ̀n n'ezíwú, bɔ́ ɛwuvà lɔ fɛn mɛ̀n.

Zhan 1:1

Ɛnkrubɔmɛ̀n lɔ, ɛnvra léyi Ɔwɔ hán ɛnhibù nɔn, ankà-dɔ̀ gɔ́ dù; ɔwrɔn léyi dú ankà-dɔ̀ nɔn, nɛ́n mán Ɔwɔ mɛhi yɔ dù, kɩ nɛ̀n dú Ɔwɔ.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Ɔkɔ̀hɔ̀n-wá-bɔ̀ kɔ̀hɔ̀n hán 13:48

Ɛnvra léyi anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn yá ankà ndɔ lɔ nɔn, yɔ dú pɔpüɛ̀ mɛ̀n kɩ yɔ mrɛ́n Ɛẅɛnwrɔn ankà-dɔ̀ lɔ. Anwrɔn lɔ fɛn léyi, yɛ wá ɛwúvà léyi ke sɩ́ trɔa ɔmùan nɔn, srɔ ankaẅì-bùtan-ẅɛn-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 15:9

Nɛ̀n sɩ̀ mrɛ́n ɔwrɔn zriɛmɛ́n nɛ̀n tèze hɛ̀: nɛ̀n fi y'ɛnbɔrɛ lɔ, ɔmuhi yɔ ẅɛn ankaẅì-bùtan nɔn.

Rɔmɛ̀n-anmàn-bɔ̀ 6:17

Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.

Rɔmɛ̀n-anmàn-bɔ̀ 8:33

Antɔn de kɛ lɛ bɔ́ anwrɔn hɔ̀n léyi nɛ̀n mrɛ́n nɛ̀n bɩ nɔn nwù nɛ́n? Ɔwrɔnẅì zriɛmɛ́n, ɔmuhi Ɔwɔ de tán yɔ ɛnyràn nɔn.

Rɔmɛ̀n-anmàn-bɔ̀ 9:11

Tɛ́n Ɔwɔ ẅɛn n'ankɔndá ci-hán ɛnvra léyi nɛ mrɛ́n anwrɔn ne bɩ: n'eci-mrɛ́n-bɩ lɔ, kɛ crɛnyan ɔmu le nɛ hán ne bi yɔ nɔn, kɩ kè sɩ̀ dù y'eci-hán-mɛ̀n. Ô nɛ̀n yé le ne di ɔmùan zri n'ɔmùan-wá ci-hán lɔ mɛ̀n nɔn, zɛtɛn Ɔwɔ dɔ́ Rebeka ankà kɩ hɩ vra lɔ mán, Rebeka kɛ vá bî n'ɛẅì hɔ̀n lɔ, kɩ yɔ vá hán anvrɛn mán ɛgbàn: kɩ nɛ̀n dɔ́ yi le: “V'ɛnẅì cüìcüì lɔ, ke le dú ɛcɛ lɔ, n'eci-bɩtan-wrɔn.”

1 Korɛntɛ̀n anmàn-bɔ̀ 1:21

Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die.

Galasi anmàn-bɔ̀ 3:1

Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.

Efɛzɛ̀n anmàn-bɔ̀ 2:8

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

Kɔlɔsèn anmàn-bɔ̀ 1:5

Ɛnvra léyi annanwɔrɛ Mɛẅi ankà Ankrankran lɔ vá cɔ́ nyɛ̀n kpàkpà bì lɔ nɔn, nyɛ́n cɔ̀ nyɛ́n nyri eci léyi Ɔwɔ wá hɛ́n nyɛ̀n anhobɩ́ nɔn: ny'ankaẅì-bùtan mán ny'ɛcüɛn-bɔrɛ dú esɛ́ ndɔ lɔ mɛ̀n srɔ.

Kɔlɔsèn anmàn-bɔ̀ 3:12

Nyɛ́n dú Ɔwɔ-fɛcüè mɛ̀n mɛ̀n-bɔ̀; Ɔwɔ mrɛ́n nyɛ̀n nbɩ kɩ nɛ cüɛn nyɛ̀n. Hɩ le kruhú de ke ji le ɛnbɔrɛ-wɔ̀, ɛcüɛn-bɔrɛ, edomɛ̀n-ɛnhi-sɩ́, anwɔwɔ mán ɛnbɔrɛ-ẅɛ̀n-hɛ́n kè dú ny'edòmɛ̀n-ẅɛn-ci.

1 Tesalonikɛ̀n anmàn-bɔ̀ 1:4

Awrɔn-nɛ́n-muan-ẅì hɔ̀n, bɔ̀ nyri ɔmu le Ɔwɔ cüɛn nyɛ̀n kɩ mrɛ́n nyɛ̀n nbɩ, ô nyɛ́n dú nɛ tɛn.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

1 Tesalonikɛ̀n anmàn-bɔ̀ 4:7

Ɔwɔ kè sɩ̀ bi bɔ̀, ô bɔ̀ dú ɛwúvà gbàngbàn-ẅɛn mɛ̀n, tɛ́n bɔ̀ dú prɔnprɔn mɛ̀n.

1 Tesalonikɛ̀n anmàn-bɔ̀ 5:9

Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n.

2 Tesalonikɛ̀n anmàn-bɔ̀ 1:3

Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

2 Tesalonikɛ̀n anmàn-bɔ̀ 2:10

ne le bɩ́ eci gbàngbàn ci-hán lɔ fɛn nɛ̀n frɛ́n anwrɔn hɔ̀n léyi kɛ hɔ́n y'ɛzrɛ́n mɛ̀n nɔn ɛnkruemɛ̀n. Yɔ lɛ zrɛ́n ɔmuhi yɔ sɩ̀ bɩ, kɩ yɔ sɩ̀ cüɛn annanwɔrɛ ankà léyi ke le bɩ́ yɔ kè die nɔn.

2 Tesalonikɛ̀n anmàn-bɔ̀ 2:12

Ɔmu lɔ de anwrɔn hɔ̀n lɔ fɛn léyi kè sɩ̀ bú annanwɔrɛ ankà kɛ̀ tán ankaẅì, tɛ́n bɩ́ ɛgbàn-hán ankà srɔ yɔ pɔpüɛ̀-brà nɔn, nwù-bɔ̀ dú yɔ tɛn.

2 Tesalonikɛ̀n anmàn-bɔ̀ 2:16

Bɔ́ Ɛẅɛnwrɔn Zhezü Krisì dùku mán Ɔwɔ bo Zi léyi cüɛn bɔ̀ hɩ tán bɔ̀ nɛ́n nboafɔ̀n lɔ mɛ̀n, edùsɔ tɔ̀n léyi kè sɩ̀ ẅɛ̀n ɛnkrutrɔ mán esɛ́ ankrankran nɔn,

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Anhyrɛmɛ̀n timote 2:15

Ɛ̀ hán kèkrèmɛ̀n Ɔwɔ zìwú lɔ, yɛ mrɛ́n mɛ́n kɛ̀ hán ɔkɔ̀hɔ̀n-hán-wrɔn tɔ̀n léyi n'ɔkɔ̀hɔ̀n-hán ke sɩ́ tán anvɛvrà kɩ kɛ dɔ́ annànwɔrɛ mɛẅi ankà lɔ anvrɛnvrɛn mɛ̀n.

Anhyrɛmɛ̀n timote 3:15

Annanwɔrɛ mɛ̀n lɔ, v'ɛcɛmɛ̀n hàn hɛ́n, è nyri Ɛwrú Prɔnprɔn hɔ̀n lɔ; Ɛwrú Prɔnprɔn hɔ̀n lɔ kɛ lɛ tán mɛ́n ankànyrì tɛ̀, ankànyrì léyi ke sɩ́ ɛnkrukɔrɛ̀ mɛ̀n, ankaẅìbùtan ẅɛn mɛ̀n, Zhezü Krisì bɩmɛ̀n mɛ̀n nɔn.

Ebre-bɔ̀ 1:10

Nɛ̀n vru nɛ́n dɔ̀ le: “Vɛ́n de, Ɛẅɛnwrɔn, ɛnkrubɔmɛ̀n hán hɛ́n, ɛ̀ hán ɛnhi, anhobɩ́ dú v'ɛkɔrɛ̀-ci.

Zhakɛ̀n 1:18

N'ɛnbɔrɛ ankrankran mɛ̀n, nɛ̀n tán bɔ̀ ɛwúvà-kɔrɛ̀, nɛ́n annanwɔrɛ ankà-dɔ́ mɛ̀n, ô bɔ̀ dú ɛnvrakpà-bɔ̀ n'ɛci lɔ fɛn léyi nɛ̀n hán nɔn mɛ̀n.

1 Zhan 4:10

Kɩ ɛcüɛ̀n dú eci ndɔ lɔ: ke sɩ̀ dù hɩ le bɔ̀ cüɛn Ɔwɔ nɔn, tɛ́n hɩ le nɛ̀n cüɛn bɔ̀ kɩ nɛ̀n wá n'Ɛnẅì ɔkɔ̀hɔ̀n, ô n'ecice lɔ mɛ̀n, bɔ̀ cɔ́ ɛgbàn-bɩ̀ce.

1 Zhan 4:19

Bɔ tɛn, bɔ̀ ẅɛn ɛcüɛ̀n, ɔmuhi Ɔwɔ gɔ́ cüɛn bɔ̀ kpàkpà mɛ̀n nɔn.