2 Tesalonikɛ̀n anmàn-bɔ̀ 2:12 - Ɛmɛẅi ankà ankrànkràn 2003

¹² Ɔmu lɔ de anwrɔn hɔ̀n lɔ fɛn léyi kè sɩ̀ bú annanwɔrɛ ankà kɛ̀ tán ankaẅì, tɛ́n bɩ́ ɛgbàn-hán ankà srɔ yɔ pɔpüɛ̀-brà nɔn, nwù-bɔ̀ dú yɔ tɛn.

2 Tesalonikɛ̀n anmàn-bɔ̀ 2:12 Iomraidhean Croise

Markɛ̀n 14:11

Ɔwɔ-cice-bɔ̀ cüìcüì hɔ̀n yá ankà ndɔ lɔ kɩ kɛ brá pɔ̀püɛ̀; yɔ wá Zhüda ɔmùan le yɔ lɛ tán nɛ̀n ɔkùa. Kɩ Zhüda bukru ke ji ɛyri ô kɛ̀ ẅɛn Zhezü kɛ̀ tán yɔ.

Markɛ̀n 16:16

Ɔwrɔn léyi ke bùtan ankàẅì, hɩ yɛ wá ɛnshi ɛnkru nɔn nɛ lɛ cɔ́ ebɩdie. Tɛ́n, ɔwrɔn léyi ke sɩ̀ ẅɛ̀n ankàẅì-bùtan nɔn nɛ́n sɩ̀ cɔ́ ebɩdie.

Zhan 3:36

Ɔwrɔn léyi ke bú Ɛnẅì lɔ ankà kɛ tán ankaẅì nɔn, nɛ cɔ́ ɛwúvà léyi ke sɩ́ trɔa nɔn. Ɔwrɔn léyi ke sɩ̀ die Ɛnẅì lɔ nukùɛ nɔn, ke sɩ̀ cɔ́ ɛwúvà ndɔ lɔ, tɛ́n ne le dú Ɔwɔ mɛ̀nhyì krugbɛ̀n.”

Rɔmɛ̀n-anmàn-bɔ̀ 1:32

Yɔ nyri Ɔwɔ mrɛ̀ncì lɔ anvrɛnvrɛn: anwrɔn hɔ̀n léyi kɛ ẅɛn esùnan ndɔ lɔ nɔn, owù dú yɔ tɛn. Ɔmu tɛ̀kɩ yɔ dú eci-hán ndɔ lɔ mɛ̀n, kɩ ɛnvra lɔ fɛn yɔ dú anwrɔn hɔ̀n léyi kɛ hán eci ndɔ lɔ nɔn ɛmɛẅi.

Rɔmɛ̀n-anmàn-bɔ̀ 12:9

Ke ji le ɛcüɛ̀n kè dú annanwɔrɛ. Nyɛ́n sú ɛgbàn, nyɛ́n hán anvrɛn kɔ̀hɔ̀n.

Rɔmɛ̀n-anmàn-bɔ̀ 2:8

Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn.

1 Korɛntɛ̀n anmàn-bɔ̀ 13:6

Ɔwrɔn léyi ẅɛn ɛcüɛ̀n nɔn, nɛ́n sɩ́ brá ɛgbàn pɔpüɛ̀, nɛ brá annanwɔrɛ pɔpüɛ̀.

1 Tesalonikɛ̀n anmàn-bɔ̀ 5:9

Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n.

2 Tesalonikɛ̀n anmàn-bɔ̀ 2:10

ne le bɩ́ eci gbàngbàn ci-hán lɔ fɛn nɛ̀n frɛ́n anwrɔn hɔ̀n léyi kɛ hɔ́n y'ɛzrɛ́n mɛ̀n nɔn ɛnkruemɛ̀n. Yɔ lɛ zrɛ́n ɔmuhi yɔ sɩ̀ bɩ, kɩ yɔ sɩ̀ cüɛn annanwɔrɛ ankà léyi ke le bɩ́ yɔ kè die nɔn.

2 Piɛrɛ̀n 2:3

Ɔkua cüɛ̀n kruhú ɛyɔ̀n ankà-yé-bɔ̀ ndɔ hɔ̀n lɔ kɛ lɛ frɛ́n nyɛ̀n y'ɛyɔ̀n ankà dɔ́ mɛ̀n. Tɛ́n ɛnvra sheshe mɛ̀n de yɔ nwù-bɔ̀ krɔn kpehɛ́n hɛ́n, kɩ y'ɛjrɛ́ mán ke sɩ̀ mɔ̀ɛn!

3 Zhan 1:11

Annyran anvrɛn, e bɩ́ ji ɛci gbangbàn-hán yri, tɛ́n ɛ̀ hán eci léyi zrɔ nɔn. Ɔwrɔn léyi kɛ hán anvrɛn kɔ̀hɔ̀n nɔn, nɛ̀n dú Ɔwɔ tɛn; ɔwrɔn léyi kɛ hán ɛgbàn nɔn, nɛ̀n sɩ̀ nyrì Ɔwɔ.