2 Tesalonikɛ̀n anmàn-bɔ̀ 2:10 - Ɛmɛẅi ankà ankrànkràn 2003

¹⁰ ne le bɩ́ eci gbàngbàn ci-hán lɔ fɛn nɛ̀n frɛ́n anwrɔn hɔ̀n léyi kɛ hɔ́n y'ɛzrɛ́n mɛ̀n nɔn ɛnkruemɛ̀n. Yɔ lɛ zrɛ́n ɔmuhi yɔ sɩ̀ bɩ, kɩ yɔ sɩ̀ cüɛn annanwɔrɛ ankà léyi ke le bɩ́ yɔ kè die nɔn.

2 Tesalonikɛ̀n anmàn-bɔ̀ 2:10 Iomraidhean Croise

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Zhan 3:17

Ɔwɔ kè sɩ̀ wá n'Ɛnẅì ɔkɔhɔ̀n ɛnhibù wú, ô nɛ̀n bɔ̀ ɛnhibù nwù, tɛ́n ne ji le ɛnhibù kɛ cɔ́ ebɩ̀die n'eyri.

Zhan 5:34

Mɛ tɛn mɛ́n sɩ́ ji ɔwrɔn ke di mɛ̀n dalɛfuɛ; tɛ́n mɛ dɔ́ ɔmu lɔ tɛ̀kɩ, ô nyɛ́n cɔ́ ebɩ̀die.

Rɔmɛ̀n-anmàn-bɔ̀ 10:1

Anwrɔn-nɛ́n-muan-ẅì hɔ̀n, eci léyi m'ɛnbɔrɛ ke zeze kɛ cüɛ̀n nɔn, dú hɩ le mɛ lɛ sán Ɔwɔ ô Zhüifɛ̀n-bɔ̀ kɛ cɔ́ ebɩ̀die nɔn.

Rɔmɛ̀n-anmàn-bɔ̀ 16:18

ɔmuhi anwrɔn ɔmu hɔ̀n lɔ kè sɩ̀ dù Krisì, bɔ́ Ɛẅɛnwrɔn ci-bɩ̀tan-bɔ̀, tɛ́n yɔ dú yɔ dùku y'ɛmɛ̀ntɛ̀ ci-bɩ̀tan-bɔ̀! Y'anmuan mɛ̀n mrɛnmrɛn mán y'ɛfrɛ́n ankà-dɔ̀, kɛ hán yɔ, yɔ frɛ́n ɛnhyɔ̀bɔ̀-di-bɔ̀.

Rɔmɛ̀n-anmàn-bɔ̀ 6:17

Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.

1 Korɛntɛ̀n anmàn-bɔ̀ 1:18

Annanwɔrɛ mɛ̀n lɔ, anwrɔn hɔ̀n léyi dú ɛzrɛ́n mɛ̀n nɔn, ke tro le, yɛ dɔ́ Krisì wú ankà ɛgbàn-hán-tɛ̀ wú hô, ndɔ lɔ dú nmù ci-hán; tɛ́n bɔ́ léyi bɔ̀ dú ɛnkrukɔrɛ̀ levri wú nɔn, bɔ́ kán Ɔwɔ kɔrɛ̀srɔn owù ndɔ lɔ mɛ̀n.

1 Korɛntɛ̀n anmàn-bɔ̀ 16:22

Ke dú kɛ ɔwrɔn tɔ̀n ke sɩ́ cüɛn Ɛẅɛnwrɔn hô, muzhie kɛ̀ bó nɛ̀n! Maranata, Bɔ́ Ɛẅɛnwrɔn, và!

2 Korɛntɛ̀n anmàn-bɔ̀ 11:13

Anwrɔn ɔmu hɔ̀n lɔ yɔ dú ɛyɔ̀n kɔ̀hɔ̀n-wá-bɔ̀, ɛfrɛ́n-bɔ̀ léyi kɛ srɔ y'edomɛ̀n Krisì kɔ̀hɔ̀n-wá-bɔ̀ nɔn.

2 Korɛntɛ̀n anmàn-bɔ̀ 11:15

Kè sɩ̀ dù anvɛmɛ̀n-frɛ́n-ci, ke dú kɛ n'eci-bɩtan-bɔ̀ hɔ̀n mán, kɛ srɔ y'edòmɛ̀n ɛnyrɔnnan Wɔ ci-bɩtan-bɔ̀. Tɛ́n yɔ lɛ cɔ́ ɔtrɔ léyi vɛ́n y'eci-hán hɔ̀n lɔ nɔn.

2 Korɛntɛ̀n anmàn-bɔ̀ 2:15

Annanwɔrɛ mɛ̀n lɔ bɔ́ dù bɔ̀ hán ɛnshi-bán tɔ̀n léyi ẅɛn ndɔ̀ anvrɛnvrɛn, hɩ Krisì ke ce Ɔwɔ nɔn; bɔ́ dú nɛ̀n bɔ̀ tán anwrɔn hɔ̀n léyi dú ɛnkrukɔrɛ̀ levri wú mán yɔ hɔ̀n léyi yɔ dú ɛzrɛ́n mɛ̀n nɔn.

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

Efɛzɛ̀n anmàn-bɔ̀ 4:14

Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn.

1 Tesalonikɛ̀n anmàn-bɔ̀ 2:16

Yɔ ji yɔ sɩ́ bɔ̀, ô bɔ́ bɩ́ dɔ́ fɛcüè nyàntɛn hɔ̀n Ɛmɛẅi ankà Ankrànkràn léyi ke le bɩ́ yɔ kè die nɔn. Ɔmu lɔ de ɛgbàn bobrebe ndɔ hɔ̀n léyi yɔ hán nɔn, yɔ sán hán kɛ́n nɛ̀n ɛwú. Tɛ́n ɔtrɔmɛ̀n lɔ, Ɔwɔ mɛ̀nhyì dú yɔ ɛwú.

2 Tesalonikɛ̀n anmàn-bɔ̀ 2:12

Ɔmu lɔ de anwrɔn hɔ̀n lɔ fɛn léyi kè sɩ̀ bú annanwɔrɛ ankà kɛ̀ tán ankaẅì, tɛ́n bɩ́ ɛgbàn-hán ankà srɔ yɔ pɔpüɛ̀-brà nɔn, nwù-bɔ̀ dú yɔ tɛn.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

Kpàkpà timote 2:4

léyi ke ji le anwrɔnẅì lɔ fɛn kɛ̀ cɔ́ ebɩ̀die, ô yɔ nyri eci léyi dú ankà annanwɔrɛ nɔn.

Ebre-bɔ̀ 3:13

Nyɛ́n yɩ́ ny'edomɛ̀n edù ɛnbɩ̀ lɔ fɛn, hàn mán kɛ̀ cɔ́ “Ɛnyɔncì” léyi Owrú kɛ dɔ́ n'ankà, ô ny'ɛmɛ̀n lɔ ɔwrɔn zriɛmɛ́n ke bɩ́ krɔ ankà yá, ke teze n'edomɛ̀n ɛgbàn kɛ frɛ́n nɛ̀n.

2 Piɛrɛ̀n 2:12

Tɛ́n anwrɔn ndɔ hɔ̀n lɔ kɛ hán eci ɛnkru mù mɛ̀n kɛ cá ovú nɔ̀n hɔ̀n léyi ye bî kɩ yɛ ẅɛ̀n ye wrì nɔn; yɔ wora eci léyi yɔ sɩ̀ nyriɛn nɔn. Ye le wri yɔ kɛ lɛ hán annɔ̀n hɔ́;

2 Piɛrɛ̀n 2:18

Yɔ dɔ́ ankà woro hɔ̀n ke sevri, kɩ ke sɩ́ ẅɛn ɛnkru, yɔ bɩ́ y'anvɛvrà ankàtro hɔ̀n lɔ yɔ krɔ́n antanwrɔn ô yɔ ẅɛn anwrɔn hɔ̀n léyi ɛnvra bruemɛ̀n srɛ́ di fɛcüè ci-gbàngbàn-hán-bɔ̀ léyi dú ɛzɛ́n mɛ̀n nɔn anta.