2 Tesalonikɛ̀n anmàn-bɔ̀ 1:9 - Ɛmɛẅi ankà ankrànkràn 2003

⁹ Y'ɛjrɛ́ gòdòò, ke le dú y'ɛgbàn-wɔɛ̀n-dì, yɔ le dú esù she Ɛẅɛnwrɔn kɔrɛ̀-srɔn ci-zrɔ lɔ tɛ̀sɛ̀n,

2 Tesalonikɛ̀n anmàn-bɔ̀ 1:9 Iomraidhean Croise

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 22:13

Zɛtɛn ɛnnɛ̀ncüì lɔ kɛ dɔ́ ɛci-bɩtan-bɔ̀ lɔ le: ‘Nyɛ́n kora nɛ̀n annan mán ankɔ̀rɛ̀, ô nyɛ́n kɔ́n nɛ̀n die ɛntrɛ, ɛyri yɔwɔ mɛ̀n. Nanvrɛn lɔ de ɛnnyî-rá mán eyú-wù ke le dú nɛ tɛn nɔn.’

Matie 24:30

Zɛtɛn, ɔwrɔnẅì Ẅì vá vra ci-woroan-ci kɛ lɛ srɔ anhobɩ́; zɛtɛn, ɛnhibù wú fɛcüè lɔ fɛn ke le dú obòto mɛ̀n, yɔ lɛ kán ɔwrɔnẅì Ẅì ke le dú ɛwì-gbú mɛ̀n anhobɩ́ kɛ̀ và, nɛ́n mán ɛkɔrɛ̀srɔn bobrebe mán eci-zrɔ mɛhi.

Matie 25:41

Zɛtɛn, ɛnnɛ̀ncüì lɔ kɛ lɛ dɔ́ yɔ hɔ̀n léyi nyɔn nɛ̀n ebrì-kɔrɛ̀a nɔn le: ‘Nyɛ́n sɔ̀n hɔ́n ɛmɛẅi esù-she m'ɛtɛ̀sɛ̀n, Ɔwɔ-ẅiɛ̀-dá-bɔ̀! Nyɛ́n hɔ́n ɛnhyà léyi ke sɩ́ zɛ́n hán, hɩ yɛ hán dú anwa-wrɔn mán n'ɛsɛ̀nkɛn-bɔ̀ tɛn nɔn mɛ̀n!

Matie 25:46

Kɩ yɔ lɛ hɔ̀n di ɛgbàn-wɔɛ̀n léyi ke sɩ́ trɔa nɔn, tɛ́n yɔ hɔ̀n léyi hán Ɔwɔ kɔrɛ̀zì-ci nɔn, kɛ lɛ hɔ́n ɛwúvà léyi ke sɩ̀ ẅɛ̀n ɛnkru-trɔ nɔn mɛ̀n.”

Matie 26:24

Ɔwrɔnẅì Ẅì ke le wù, hán ɔmu le Ɛwrú Prɔnprɔn hɔ̀n merɛ́n n'ɛwú nɔn. Tɛ́n muzhie tán ke le dù tán ɔwrɔn léyi kɛ lɛ hɛ́ ɔwrɔnẅì Ẅì nɔn! Zrɔ tán le, nɛ́n, ɔwrɔn ndɔ lɔ, ye bɩ́ bî nɛ̀n!”

Matie 7:23

Zɛtɛn, mɛ lɛ dɔ́ yɔ le: ‘Mɛ vá nyri nyɛ̀n ɛnbì zriɛmɛ́n, nyɛ́n léyi nyɛ hán eci gbàngbàn nɔn!’ ”

Lükɛ̀n 13:27

Ne le vru nɛ̀n dɔ́ nyɛ̀n le: ‘Mɛ̀n sì nyrì ɛyri léyi nyɛ́n dù nɔn. Nyɛ́n tú cɔhɔ́ mɛ̀n ɛtɛ̀sɛ̀n, nyɛ́n lɔ fɛn léyi nyɛ́n hán eci gbangbàn nɔn!’

Zhan 5:14

Ɛnvra vacì, Zhezü cɔ́ ɛnlɔẅiɛ-wrɔn lɔ Ɔwɔ-cice-wɔn lɔ mɛ̀n kɩ kɛ dɔ́ nɛ̀n le: “È die nukùɛ; zɛtɛ̀ lɔ ɛ kɔrɛ̀a. E bɩ́ vru hán ɛgbàn, ô ankà nyantɛn ke vru kɛ vá mɛ́n edomɛ̀n ke sevriɛ.”

Filipɛ̀n anmàn-bɔ̀ 3:19

Yɔ srɛ́ hɔ́n y'ɛzrɛ́n mɛ̀n, ɔmuhi y'Ɔwɔ lɔ dú y'ɛmɛ̀ntɛ̀, yɔ dú ɔmùan-gbúemɛ̀n anvɛvrà ci-hán mɛ̀n, kɩ ɛnhibù ci hɔ̀n lɔ ankà kɩ dú yɔ ɛnkruemɛ̀n.

1 Tesalonikɛ̀n anmàn-bɔ̀ 5:3

Ɛnvra léyi anwrɔn kɛ lɛ dɔ̀ le: “Eci lɔ fɛn dú anwɔwɔ mɛ̀n, ɛnanmɛ̀n”, zɛtɛn hɩ vra lɔ de, kpatakpata lɔ muzhie kɛ lɛ vá yɔ ɛwú ke le dù kɛ lɛ hán ɛmɛ̀nsɩ́-hi ẅì-bî-vra hɔ́. Ɔwrɔn zriɛmɛ́n mùzhie lɔ ke sɩ̀ vɔ́n ɛwú.

2 Tesalonikɛ̀n anmàn-bɔ̀ 2:8

Zɛtɛn, anbɔrɛ-wrɔn kɛ lɛ srɔ, kɩ Ɛẅɛnwrɔn Zhezü kɛ lɛ hán nɛ̀n, ne le wú n'ɔmùan dɔ̀nwrɔ̀n mɛ̀n, nɛ lɛ jrɛ́ yi, n'ɛvà vrisì lɔ mɛ̀n.

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Ebre-bɔ̀ 10:29

Zɛtɛn, anhɔntan de kɛ lɛ hán kè dù tán ɔwrɔn léyi kɛ ẅɛn Ɔwɔ Ẅì gbrì, kɩ ke bɩ́ nɛ́n mìrɛ̀n-krɛ̀ léyi hɩ ɛmɛ̀n nɛ̀n cɔ́ edòmɛ̀n fí, kɩ kɛ wɔra Ɛnhɛ́n Prɔnprɔn léyi dú boafɔ̀n shibɛ́, hɩ ke bɩ́ nɛ̀n kɛ srɔ eci woro nɛ́n? Nyɛ́n ku anvɛ̀ nyɛ́n nyan ɛgbàn ẅɔ̀ɛn-dì vri shishi léyi ke le dú nɛ tɛn nɔn!

2 Piɛrɛ̀n 2:17

Anwrɔn ndɔ hɔ̀n lɔ dù cá ɛnshi-bɛ́ hɔ̀n léyi wrú, mán ɛnwì-gbú hɔ̀n léyi ɔwràn dɔnwrɔ̀n kɛ kɛ́n sɩ́; Ɔwɔ hán ɛyri hɛ́n yɔ ɛnnyran yri yɔwɔ vri mɛ̀n.

2 Piɛrɛ̀n 3:7

Hɩ le kɛ crɛ nyan anhobɩ́ mán ɛnhi léyi dú zɛtɛ nɔn, Ɔwɔ mùan-ankà-dɔ̀ zri lɔ ẅɛn yɔ hɛ́n kɛ̀ tán ɛnhyà léyi kɛ lɛ jrɛ́ yɔ nɔn. Ye bɩ́ yɔ, yɔ hɛ́n yɛ vrá ɛmrɛ̀nci bì lɔ mán ɛgbán-hán-bɔ̀ jrɛ́ vra.

Zhüdɛ̀n 1:13

Yɔ dù yɔ cá ecüe mù ɛvrivri hɔ̀n, yɔ cüe y'ezìwú y'anvɛvrà ci-hán dàfù. Yɔ dù hán okùcànkrò hɔ̀n léyi ke sɩ́ yɛ́ ɛyri zri, kɩ Ɔwɔ wá ɛnnyran yri yɔwɔ pipi hɛ́n yɔ ɛnvra lɔ fɛn.

Ɔwɔ-mɛ̀n-yrikàn 20:11

Zɛtɛn mɛ̀n kán ɛgbú-tòbù wosu vri tɔ̀n mán ɔwrɔn léyi yɛ́ nɛ̀n ɛwú nɔn. Ɛnhi mán anhobɩ́ srɛ́ esù she n'ɛtɛ̀sɛ̀n, kɩ ye sɩ̀ vru kàn yɔa.

Ɔwɔ-mɛ̀n-yrikàn 20:14

Owù mán owú-bɔ̀-hibù, yɔ lɔ fɛn yɛ kɔ́n yɔ ku ɛnhyà-ẅì nɛnbà lɔ mɛ̀n. Nɛ́nbà ndɔ lɔ dú anhyrɛmɛ̀n wù.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!