2 Tesalonikɛ̀n anmàn-bɔ̀ 1:5 - Ɛmɛẅi ankà ankrànkràn 2003

⁵ Ndɔ lɔ dú Ɔwɔ nyrɔnnan mrɛ̀ncì, ɔmuhi ɛnlowru srɔnsrɔn léyi nyɛ́n wrɔ nɔn kɛ lɛ tán nyɛ̀n n'Anhobɩ́ Nɛ̀ncüì-dúyri léyi hɩ kruhú nyɛ kán ɛgbàn nɔn.

2 Tesalonikɛ̀n anmàn-bɔ̀ 1:5 Iomraidhean Croise

Lükɛ̀n 20:35

tɛ́n, wúcɔ̀ mán wúyɔ̀ hɔ̀n léyi Ɔwɔ mrɛ́n bɩ, ô kè vru kɛ vá ɔkɔrɛ mɛ̀n nɔn, ye sɩ̀ yri y'edomɛ̀n.

Lükɛ̀n 21:36

Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”

Ɔkɔ̀hɔ̀n-wá-bɔ̀ kɔ̀hɔ̀n hán 13:46

Zɛtɛn Pɔlɛ̀n mán Barnabasɛ̀n kɛ dɔ́ yɔ esɛ́ mɛ̀n le: “Ke ji le Ɔwɔ mùan ankà lɔ, nyɛ́n gɔ̀ cɔ́ nɛ̀n nyɛ́n yá. Tɛ́n ɔmuhi nyɛ́n sɩ́ ji nyɛ́n bɩ́ Ɔwɔ ankà lɔ nɔn, hɩ nye yé le nyɛ́n sɩ́ ji ɛwúvà léyi ke sɩ́ trɔa nɔn, kɛ zrɔ, zɛtɛn bɔ́ lɛ crɛ ezì bɔ̀ kɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Rɔmɛ̀n-anmàn-bɔ̀ 2:5

Tɛ́n ɛ̀ ẅɛn ɛnbɔrɛ shishi, e sɩ́ ji ɛ̀ crɔn. Hɩ le kruhú de, ɛ lɛ wán ɛgbàn-wɔ̀ɛn-dì vri è sɩ́ v'ɛwú ɛnbì léyi Ɔwɔ ke le yé n'ɛmɛ̀nhyì mán n'ɛnyrɔnnan mrɛ̀ncì,

Rɔmɛ̀n-anmàn-bɔ̀ 8:17

Bɔ̀ dú n'ɛẅì hɔ̀n, ke dú ɔmu lɔ hô, bɔ́ mán bɔ́ lɛ cɔ́ anvrɛn léyi Ɔwɔ wá nɛ́n fɛcüè ɔmùan, bɔ́ mán Krisì mɛhi bɔ́ le dú n'anvrɛn lɔ mɛ̀n; ɔmuhi ke dú kɛ bɔ́ mán Krisì mɛhi bɔ́ kán ɛgbàn hô, bɔ́ mán nɛ́n mɛhi bɔ́ le dú n'eci-zrɔ lɔ mɛ̀n.

Efɛzɛ̀n anmàn-bɔ̀ 4:1

Mɛ sɛ́n nyɛ̀n, mɛ̀n léyi mɛ̀n dú anwɔn-mɛ̀n-wá-wrɔn ɔmuhi mɛ̀n dú Ɛẅɛnwrɔn ci-bɩ̀tan-wrɔn nɔn: nyɛ́n léyi Ɔwɔ bi nyɛ̀n, ny'esùnàn kè dú ɛnyrɔnnan mɛ̀n kɛ tán ebi ndɔ lɔ.

Filipɛ̀n anmàn-bɔ̀ 1:28

Nyɛ́n bɩ́ teze ny'edomɛ̀n nyɛ́n tán ny'egbri-bɔ̀ kɛ wá nyɛ̀n ɛnjansù eci zriɛmɛ́n mán mɛ̀n: ndɔ lɔ de ke le yé le, yɔ hɔ́n ɛzrɛ́n mɛ̀n, kɩ nyɛ tɛn nyɛ́n dú ɛnkrukɔrɛ̀ levri wú; kɩ ndɔ lɔ dú Ɔwɔ yri và.

Kɔlɔsèn anmàn-bɔ̀ 1:12

Nyɛ́n tán Ɔwɔ Zi ɔkùɛn eci-zrɔ mɛ̀n: nɛ̀n hán tán nyɛ̀n ô nyɛ́n cɔ́ anvrɛn léyi nɛ̀n hɛ́n ɛnnɛ̀ncüì-dúyri yri-kàn lɔ mɛ̀n, ô kè dú anwrɔn hɔ̀n léyi dú nɛ tɛn nɔn tɛn.

1 Tesalonikɛ̀n anmàn-bɔ̀ 2:14

Anwrɔn-nɛ́n-muan-ẅì hɔ̀n, nyɛ́n ci eci-hán zri lɔ wú hán Zhüde kpɔsɔ wú Ɔwɔ-fɛcüè-bɔ̀ léyi dú Ɔwɔ tɛ́n, kɩ bú Zhezü Krisì ankà tán ankaẅì nɔn. Nyɛ́n kán ɛgbàn nyɛ́n muan-ẅì hɔ̀n anmàn-zri-bɔ̀ tamɛ̀n, hán ɔmu le yɔ mán yɔ kán ɛgbàn Zhüifɛ̀n-bɔ̀ tamɛ̀n nɔn hɔ́.

2 Tesalonikɛ̀n anmàn-bɔ̀ 1:11

Hɩ le kruhú de bɔ́ sɛ́n tán nyɛ̀n ɛnvra lɔ fɛn. Bɔ́ sán b'Ɔwɔ kɛ̀ hán nyɛ̀n nyɛ́n cɔ́ ɛwúvà léyi hɩ kruhú nɛ̀n bi nyɛ̀n nɔn. Bɔ́ sán, ô n'ɛkɔrɛ̀-srɔn lɔ mɛ̀n, nɛ̀n wá nyɛ̀n ɛkɔrɛ̀ nyɛ́n hán anvrɛn léyi dú ny'ɛnbɔrɛ mɛ̀n ci, ô nɛ̀n hán ny'ankaẅì-bùtan lɔ kɛ̀ ẅɛn edùyì.

Anhyrɛmɛ̀n timote 2:12

ke dú kɛ bɔ́ nyɔn ɛshishiemɛ̀n, bɔ́ mán nɛ́n mɛhi bɔ́ lɛ ẅɛn ɛyri; ke dú kɛ bɔ́ kɔ́n nɛ̀n bɔ́ ze, nɛ́n mán nɛ lɛ kɔ́n bɔ̀ ne le ze;

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 16:7

Zɛtɛn mɛ̀n yá esùva tɔ̀n dú ɛcice tɛbrɛ̀ wú nvà kɩ kɛ dɔ̀ le: “Hɛ̀ɛ̀, Ɛẅɛnwrɔn, ɛkɔrɛ̀srɔn Wɔ, v'ɛmrɛ̀ncì dú annanwɔrɛ kɩ nyrɔn!”

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 3:4

Tɛ́n, v'anwrɔn jan-bɔ̀, Sardɛ̀n anmàn dùku lɔ, kè sɩ̀ wá y'ɛceci hɔ̀n ɛnbrá edomɛ̀n. Yɔ lɛ hɔ̀n sɩ́ mɛ̀n, ɛceci wosuemɛ̀n, ɔmuhi yɔ ẅɛn yi kɔrɛ̀levri lɔ nɔn.