2 Tesalonikɛ̀n anmàn-bɔ̀ 1:4 - Ɛmɛẅi ankà ankrànkràn 2003

⁴ Hɩ le kruhú de bɔ́ dɔ́ ny'ankà ɔmùan-gbuemɛ̀n Ɔwɔ-fɛcüè hɔ̀n lɔ mɛ̀n, ɔmuhi nyɛ ẅɛn nɛ̀n ɛshishiemɛ̀n ankaẅì-bùtan mɛ̀n, kɩ ɛgbànkàn mán obòtò hɔ̀n léyi nyɛ srɔ́n ɛsù nɔn ke sɩ́ ẅɛn nyɛ̀n kɛ hɛ́n hán.

2 Tesalonikɛ̀n anmàn-bɔ̀ 1:4 Iomraidhean Croise

Rɔmɛ̀n-anmàn-bɔ̀ 12:12

Nyɛ́n dú pɔpüɛ̀-brá mɛ̀n, ny'esɛ́ léyi nyɛ́n ẅɛn nɔn hɩ kruhú, nyɛ́n ẅɛn ɛnbɔrɛ nyɛ́n hɛ́n ejüedì-gbànkán mɛ̀n; nyɛ́n sɛ́n Ɔwɔ ɔmùan-zri-diemɛ̀n.

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

Rɔmɛ̀n-anmàn-bɔ̀ 8:25

Tɛ́n ke dú kɛ bɔ́ ẅɛn esɛ́ eci léyi bɔ́ sɩ́ kán nɔn wú, bɔ́ vrá eci lɔ ɛnbɔrɛ-ẅɛ̀n-hɛ́n mɛ̀n.

1 Korɛntɛ̀n anmàn-bɔ̀ 7:17

Ankà ndɔ lɔ dú ɔhɔnan, kɩ ke ji le ɔwrɔnwrɔn kè dú ɛwúvà léyi Ɛẅɛnwrɔn tán nɛ̀n ecüì nɛ̀n dú ɛmɛ̀n nɔn, ô nɛ̀n dù kɛ̀ hán ɔmu le nɛ̀n dú ɛnvra léyi Ɔwɔ bi nɛ̀n nɔn. Ndɔ lɔ de dú ɛnyànmàn léyi mɛ wá tán Ɔwɔ-fɛcüè-bɔ̀ lɔ fɛn nɔn.

2 Korɛntɛ̀n anmàn-bɔ̀ 12:10

Hɩ le kruhú de mɛ brá pɔpüɛ̀ tán m'ɛjɛ̀, ɔwɔra, ɛgbànkàn-jüedì, owú-gbànkàn mán ankà-tro hɔ̀n léyi mɛ srɔ́n ɛsù Krisì kruhú; ɔmuhi ɛnvra léyi me dú ɛjɛ mɛ̀n nɔn, hɩ lɔ de zɛtɛn mɛ ẅɛn ecüì nɔn.

2 Korɛntɛ̀n anmàn-bɔ̀ 7:14

Ke dú kɛ mɛ̀n gbú ɔmùan ẅiɛ jan ny'ɛwú, n'ɛtɛ̀sɛ̀n hô, nyɛ́n sɩ̀ tán mɛ̀n anvɛvrà. Tɛ́n, ɔmu zri léyi bɔ́ dɔ́ nyɛ̀n ankà annanwɔrɛ nɔn, ɔmu zri lɔ ɛmrɛ́n léyi bɔ̀ tán nyɛ̀n Titɛ̀n tɛsɛ̀n nɔn, ɛmrɛ́n lɔ dú ɛnyrɔnnan mɛ̀n.

2 Korɛntɛ̀n anmàn-bɔ̀ 7:4

Mɛ̀n ẅɛn ny'esɛ́ vri, me gbú ɔmùan ny'ɛwú. B'obòtò hɔ̀n lɔ fɛn mɛ̀n, mɛ̀n dú edúyiemɛ̀n kɩ pɔ̀püɛ̀-brà yɩ́ m'ɛnbɔrɛ lɔ.

2 Korɛntɛ̀n anmàn-bɔ̀ 9:2

Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n.

2 Korɛntɛ̀n anmàn-bɔ̀ 9:4

Ɔtrɔ mɛ̀n lɔ, ke dú kɛ Maseduhanɛ̀n kpɔsɔ wú bɔ̀ mɛhi bɔ́ và kɩ kè sɩ̀ cɔ́ nyɛ̀n, nyɛ́n krɔ̀n kpehɛ́n, bɔ́ le dú anvɛvrà mɛ̀n ɔmuhi bɔ̀ ẅɛn esɛ́ ny'ɛwú, kɩ bɔ́ sɩ̀ dɔ́ ankà zriɛmɛ́n rɔ́ anvɛvrà ndɔ léyi ke le dú nyɛ tɛn nɔn kruhú!

1 Tesalonikɛ̀n anmàn-bɔ̀ 1:3

Annanwɔrɛ mɛ̀n lɔ, bɔ́ kro-sɩ́ bɔ́ edomɛ̀n Ɔwɔ bɔ́ Zi zìwú ny'ankaẅì-bùtan léyi ẅɛn vɔ̀nshɛ́, nyɛ cüɛ̀n léyi ẅɛn edùyì mán ny'esɛ́ annanwɔrɛ léyi nyɛ́n ẅɛn bɔ́ Ɛẅɛnwrɔn Zhezü Krisì wú nɔn.

1 Tesalonikɛ̀n anmàn-bɔ̀ 2:14

Anwrɔn-nɛ́n-muan-ẅì hɔ̀n, nyɛ́n ci eci-hán zri lɔ wú hán Zhüde kpɔsɔ wú Ɔwɔ-fɛcüè-bɔ̀ léyi dú Ɔwɔ tɛ́n, kɩ bú Zhezü Krisì ankà tán ankaẅì nɔn. Nyɛ́n kán ɛgbàn nyɛ́n muan-ẅì hɔ̀n anmàn-zri-bɔ̀ tamɛ̀n, hán ɔmu le yɔ mán yɔ kán ɛgbàn Zhüifɛ̀n-bɔ̀ tamɛ̀n nɔn hɔ́.

1 Tesalonikɛ̀n anmàn-bɔ̀ 2:19

Annanwɔrɛ mɛ̀n lɔ, nyɛ́n kɩ, kè sɩ̀ dù ɔwrɔn nyàntɛn zriɛmɛ́n, de nyɛ́n dú bɔ́ esɛ́, bɔ́ pɔpüɛ̀ mán bɔ́ ɛkɔ̀nkà ci-woroan-ci léyi kɛ lɛ tán bɔ̀ ɔmùan-gbù, bɔ́ Ɛẅɛnwrɔn Zhezü zìwú ɛnvra léyi nɛ lɛ và nɔn.

2 Tesalonikɛ̀n anmàn-bɔ̀ 3:5

Ɛẅɛnwrɔn kɛ̀ ẅɛn ny'ɛnbɔrɛ hɔ̀n lɔ kè dú Ɔwɔ cüɛn mɛ̀n mán ɛnbɔrɛ-ẅɛn-hɛ́n léyi Krisì kɛ tán nɔn mɛ̀n.

Ebre-bɔ̀ 10:36

Ɛnbɔrɛ-ẅɛn-hɛ́n kè dú ny'eci, ô nyɛ́n hán Ɔwɔ kɔrɛ̀zì-ci, ô ɔmu lɔ nyɛ́n cɔ́ n'ɔmùan-wá-ci lɔ.

Ebre-bɔ̀ 6:12

Nyɛ́n bɩ́ srɔ ɛjɛ́-bɔ̀, tɛ́n nyɛ́n bɩ́ anwrɔn hɔ̀n léyi kɛ ẅɛn ankaẅìbùtan edùyiemɛ̀n, kɩ kɛ cɔ́ Ɔwɔ mùan-wá ci lɔ nɔn, yɔ sɛnpò.

Ebre-bɔ̀ 6:15

Abrahamɛ̀n dú ɛvrá mɛ̀n ɛnbɔrɛ ẅɛ̀n-hɛ́n mɛ̀n, kɩ nɛ̀n cɔ́ Ɔwɔ mùan-wá ci lɔ.

Zhakɛ̀n 5:11

Bɔ̀ krɛ́ yɔ ɛnbɔrɛ-bru-bɔ̀, ɔmuhi yɔ ẅɛn nɛ̀n ɛshishiemɛ̀n yɔ hɛ́n nɔn. Nyɛ́n yá yɛ dɔ́ Zhɔbɛ̀n bɔrɛ-ẅɛ̀n-hɛ́n ankà, kɩ nyɛ́n nyri eci léyi Ɔwɔ tán nɛ̀n ɛmɛẅi trɔ vra lɔ nɔn. Annànwɔrɛ mɛ̀n, ɛnhyɔ̀bɔ̀-nyrì mán ɛnbɔrɛ-wɔ̀ yɩ́ Ɛẅɛnwrɔn ɛmɛ̀n.

2 Piɛrɛ̀n 1:6

nyɛ́n hán kèkrèmɛ̀n nyɛ́n tán nɛ̀n eci-nyrì mán ny'edomɛ̀n bɔ̀sɔ̀, ny'edomɛ̀n bɔ̀sɔ̀ lɔ nyɛ́n tán nɛ̀n ɛnbɔrɛ-ẅɛ̀n-hɛ́n, ô ɛbɔrɛ-ẅɛ̀n hɛ́n lɔ, nyɛ́n wá nɛ̀n Ɔwɔ mɛ̀n;

Ɔwɔ-mɛ̀n-yrikàn 14:12

Nyàn hɩ le kruhú de, anwrɔn hɔ̀n léyi dú Ɔwɔ tɛn, kɛ wá n'ɛnyanmàn hɔ̀n lɔ, kɩ ke di ɔmuan zri Zhezü tɛ̀sɛ̀n nɔn, ke ji le yɔ hán ɛnbɔrɛ-ẅɛ̀n-hɛ́n-ci.