2 Tesalonikɛ̀n anmàn-bɔ̀ 1:3 - Ɛmɛẅi ankà ankrànkràn 2003

³ Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

2 Tesalonikɛ̀n anmàn-bɔ̀ 1:3 Iomraidhean Croise

Lükɛ̀n 15:32

Tɛ́n, ke ji le bɔ̀ brá pɔ̀püɛ̀, bɔ̀ koran, ɔmuhi ɔmuan-ẅì léyi nyɔn nɔn, nwù kɩ nɛ̀n vru nɛ̀n vá ɔkɔrɛ-bɔ̀ mɛ̀n, nɛ̀n zrɛ́n kɩ mɛ̀n cɔ́ nɛ̀n!’ ”

Lükɛ̀n 17:5

Ɔkɔhɔ̀n-wá-bɔ̀ kɛ dɔ́ Ɛẅɛnwrɔn le: “È ku bɔ̀ ankàẅì-bùtan ɛmɛ̀n.”

Zhan 15:2

Nɛ ẅiɛ antɛ̀da hɔ̀n léyi dú mɛ̀n ɛmɛ̀n hɩ ke sɩ́ shi ɛẅì, kɩ nɛ hán anda hɔ̀n léyi ɛẅì dú ɛwú nɔn ɛci, ô yɔ sàn shi ɛẅì kè vru kɛ̀ cüɛn.

Rɔmɛ̀n-anmàn-bɔ̀ 1:8

Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn.

1 Korɛntɛ̀n anmàn-bɔ̀ 1:4

Mɛ tán m'Ɔwɔ ɔkùɛn ɛnvra lɔ fɛn ny'ɛkruhú, nboafɔ̀n léyi nɛ̀n tán nyɛ̀n Zhezü Krisì bɩmɛ̀n nɔn.

2 Korɛntɛ̀n anmàn-bɔ̀ 10:15

Ɔmu lɔ de, bɔ́ sɩ́ gbú ɔmùan ke fɛ ɛwú kɩ bɔ́ sɩ́ bɩ́ anwrɔn nyàntɛn kɔ̀hɔ̀n bɔ́ srɔ bɔ́ tɛn. Tɛ́n bɔ̀ ẅɛn esɛ́ le ankaẅì-bùtan kɛ lɛ sàn ku nyɛ̀n ɛmɛ̀n kɩ bɔ́ lɛ hán ɔkɔ̀hɔ̀n léyi ẅɛn vɔ̀nshɛ́ anvrɛnvrɛn nɔn ny'ɛmɛ̀n lɔ, tɛ́n bɔ́ lɛ hán nɛ̀n kɛ̀ cɔ́ ɔvɔ̀n hɔ̀n léyi yɛ wá tán bɔ̀ nɔn.

Efɛzɛ̀n anmàn-bɔ̀ 5:20

Nyɛ́n tán Ɔwɔ Zi ɔkùɛn ɛnvra lɔ fɛn mán eci lɔ fɛn mɛ̀n, bɔ́ Ɛẅɛnwrɔn Zhezü Krisì bɩmɛ̀n.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 1:9

Nyàn eci léyi mɛ sán m'Ɔwɔ-sɛ̀n lɔ mɛ̀n nɔn: ke ji le ny'ɛcüɛ̀n lɔ ke sevri ɛnvra lɔ fɛn, nɛ̀n di ɛnnɛ̀ncüì annanwɔrɛ-ci-nyriemɛ̀n mán ankà-yá anvrɛnvrɛn mɛ̀n,

1 Tesalonikɛ̀n anmàn-bɔ̀ 3:12

Ke ji le Ɛẅɛnwrɔn kɛ̀ hán tán ɛcüɛ̀n léyi nyɛ́n ẅɛn ny'edomɛ̀n mán anwrɔnẅì lɔ fɛn wú, kɛ̀ sàn sevri kè dù kɛ̀ cá ɛcüɛ̀n sɛnpò léyi bɔ̀ ẅɛn ny'ɛwú nɔn.

1 Tesalonikɛ̀n anmàn-bɔ̀ 3:6

Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn.

1 Tesalonikɛ̀n anmàn-bɔ̀ 3:9

Anwɔntan de bɔ́ lɛ hán bɔ̀ tán b'Ɔwɔ ɔkùɛn anvrɛnvrɛn ny'ɛwú, ɔmuhi nyɛ́n tán bɔ̀ pɔpüɛ̀-brà lɔ fɛn n'ezìwú nɛ́n?

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

2 Tesalonikɛ̀n anmàn-bɔ̀ 2:1

Bɔ́ Ɛẅɛnwrɔn Zhezü Krisì vá ankà lɔ, mán bɔ́ ɛkrubɔrɛ n'ɛtɛ̀sɛ̀n, bɔ́ sán nyɛ̀n eci zri, anwrɔn-nɛ́n-muan-ẅì hɔ̀n:

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

2 Piɛrɛ̀n 1:13

Tɛ́n me tro le, dú eci léyi nyrɔn, me kro nyɛ̀n ankà ɛnvra ɔmu léyi mɛ̀n vru mɛ̀n dú ɛwúvà mɛ̀n nɔn.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.