2 Tesalonikɛ̀n anmàn-bɔ̀ 1:10 - Ɛmɛẅi ankà ankrànkràn 2003

¹⁰ ɛnvra léyi nɛ lɛ vá ɛnbì ndɔ lɔ mɛ̀n, ô anwrɔn hɔ̀n lɔ fɛn léyi dú nɛ tɛn, hɩ ke bú n'ankà tán ankaẅì nɔn, kɛ̀ ẅɛn n'ɛmrɛ́n mán n'ɛcüɛ̀n. Nyɛ́n mán nye le dú yɔ ɛmɛ̀n, ɔmuhi ɛmɛẅi ankà léyi bɔ̀ dɔ́ nyɛ̀n nɔn, nyɛ́n bù tán ankaẅì.

2 Tesalonikɛ̀n anmàn-bɔ̀ 1:10 Iomraidhean Croise

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 16:28

Mɛ dɔ́ nyɛ̀n annànwɔrɛ mɛ̀n le: anwrɔn hɔ̀n léyi dú ɛnu lɔ nɔn, ɛnjanbɔ̀ ke sɩ̀ wù, ke dú kɛ yɔ sɩ̀ kàn ɔwrɔnẅì Ẅì kɛ̀ và kɛ̀ hán ɛnnɛ̀ncüì hɔ́.”

Matie 24:36

“Ɔmu tɛ̀kɩ ɔwrɔn zriɛmɛ́n ke sɩ̀ nyrì ɛnvra-trɔ bì lɔ, nɛ́n bì mán nɛ́n wacɛ̀n, Ɔwɔ-kùyüre-bɔ̀ léyi dú anhobɩ́ mán, ɔwrɔnẅì Ẅì dùku mán; Ɔwɔ-Zi zri kɩ nyrì.

Matie 25:31

“Ɛnvra léyi ɔwrɔnẅì Ẅì kɛ lɛ vá n'eci-zrɔ lɔ mɛ̀n, nɛ́n mán Ɔwɔ-kùyüre-bɔ̀ lɔ fɛn mɛhi nɔn, nɛ lɛ yɛ́ n'eci-zrɔ-gbú-tobù lɔ wú.

Matie 7:22

Ɛnvra léyi ɛmrɛ̀nci vra lɔ kɛ lɛ cɔ̀ nɔn, bobrebe kɛ lɛ dɔ́ mɛ̀n le: ‘Ɛẅɛnwrɔn, Ɛẅɛnwrɔn, v'ebɩ́mɛ̀n de bɔ̀ dɔ́ anwrɔn ankà, bɔ̀ wrɔ́ anhɛ́n gbàngbàn, bɔ̀ hán anvɛmɛ̀n-frɛ́n-ci bobrebe nɔn!’

Lükɛ̀n 10:12

Mɛ dɔ́ nyɛ̀n le: ɛmrɛ̀n-ci bì lɔ, Sodɔmɛ̀n anmàn gbàn-wɔɛ̀n-dì kɛ lɛ cɛcɛ vrán anmàn ndɔ lɔ tɛn.”

Zhan 11:4

Ɛnvra léyi Zhezü yá ɛmɛẅi ankà ndɔ lɔ nɔn, nɛ dɔ̀ le: “Lazarɛ̀n lɔẅiɛ lɔ ke sɩ̀ hán nɛ̀n nɛ̀n wù; nɛ lɛ hán tán, yɔ kán Ɔwɔ kɔrɛ̀srɔn ci-zrɔ lɔ, kɩ ne le yé Ɔwɔ Ẅì ci-zrɔ lɔ.”

Zhan 17:10

Eci lɔ fɛn léyi mɛ́n ẅɛ̀n nɔn dú vɛ tɛ́n, kɩ eci lɔ fɛn léyi ɛ ẅɛ̀n nɔn dú mɛ tɛn; kɩ m'ecizrɔ lɔ dú y'ɛmɛ̀n srɔ.

1 Korɛntɛ̀n anmàn-bɔ̀ 1:6

Dalɛfuɛ léyi nyɛ́n di Krisì tɛ̀sɛ̀n nɔn wá nyɛ̀n ecüì edomɛ̀n,

1 Korɛntɛ̀n anmàn-bɔ̀ 3:13

Tɛ́n ɔwrɔnwrɔn kɔ̀hɔ̀n léyi hán nɔn de ke le yé n'edomɛ̀n kpetehe ɛmrɛ̀nci-bì lɔ nɔn. Annanwɔrɛ mɛ̀n lɔ, ɛnbì ndɔ lɔ ke le yé n'edomɛ̀n ɛnhyà mɛ̀n, kɩ ɛnhyà kɛ lɛ nyan ɔwrɔnwrɔn kɔ̀hɔ̀n, ô kè yé eci léyi dú nɛ̀n nɔn.

Galasi anmàn-bɔ̀ 1:24

Kɩ yɔ mrɛ́n Ɔwɔ m'ɛkruhú.

Efɛzɛ̀n anmàn-bɔ̀ 1:12

Bɔ̀ mrɛ́n Ɔwɔ vrisì lɔ, bɔ́ léyi bɔ̀ dú ɛnvrakpà-bɔ̀, bɔ̀ bɩ́ bɔ́ esɛ́ bɔ̀ wá Krisì mɛ̀n nɔn!

Efɛzɛ̀n anmàn-bɔ̀ 1:14

Ɛnhɛ́n Prɔnprɔn ke di anvrɛn hɔ̀n léyi Ɔwɔ hɛ́n nɛ́n fɛcüè nɔn dalɛfuɛ; nɛ tán bɔ̀ esɛ́ le bɔ́ lɛ cɔ́ anvrɛn hɔ̀n lɔ ɛnvra léyi bɔ́ ebɩ̀die lɔ kɛ lɛ sɛ́n nmù nɔn. Zɛtɛn bɔ̀ mrɛ́n Ɔwɔ vrisì lɔ!

Efɛzɛ̀n anmàn-bɔ̀ 1:18

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 1:6

Bɔ̀ mrɛ́n Ɔwɔ ecice vri léyi nɛ̀n tán bɔ̀ ankora, hɩ dú n'ɛcüɛn Ẅì lɔ nɔn.

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 3:10

ô zɛtɛ̀ lɔ, Ɔwɔ-fɛcüè kɔrɛ̀-levriemɛ̀n, ɛkɔrɛ̀-levri-bɔ̀ mán ɛwú anmàn kɔrɛ̀-srɔn-bɔ̀ kè nyri Ɔwɔ ankà-nyrì mɛ̀ntɛ mɛ̀ntɛ léyi dù nɔn.

Efɛzɛ̀n anmàn-bɔ̀ 3:16

Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 2:1

Anwrɔn-nɛ́n-muan-ẅì hɔ̀n, nyɛ́n dùku mán nyɛ́n nyrì le: kè sɩ̀ dù ankora de bɔ̀ hɔ̀n ny'anmàn nɔn.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

2 Tesalonikɛ̀n anmàn-bɔ̀ 1:12

Ɔmu lɔ de, bɔ́ Ɛẅɛnwrɔn Zhezü bi lɔ ke le dú ny'ɛmrɛ́n ci, kɩ nɛ́n mán nɛ lɛ mrɛ́n nyɛ̀n. Ndɔ lɔ de ke le dú b'Ɔwɔ mán Ɛẅɛnwrɔn Zhezü Krisì boafɔ̀n-ci-hán nɔn.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Anhyrɛmɛ̀n timote 1:12

kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.

Anhyrɛmɛ̀n timote 1:18

Ɛẅɛnwrɔn kɛ̀ hán tán nɛ̀n cɔ́ Ɔwɔ yɔ̀bɔ̀-nyrì lɔ ɛmrɛ̀nci bì lɔ. È nyri anwrɛnvrɛn mɛ̀n anvrɛn hɔ̀n lɔ fɛn léyi nɛ̀n hán mɛ̀n Efɛzɛ̀n anmàn nɔn.

Anhyrɛmɛ̀n timote 4:8

Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.