2 Korɛntɛ̀n anmàn-bɔ̀ 9:4 - Ɛmɛẅi ankà ankrànkràn 2003

⁴ Ɔtrɔ mɛ̀n lɔ, ke dú kɛ Maseduhanɛ̀n kpɔsɔ wú bɔ̀ mɛhi bɔ́ và kɩ kè sɩ̀ cɔ́ nyɛ̀n, nyɛ́n krɔ̀n kpehɛ́n, bɔ́ le dú anvɛvrà mɛ̀n ɔmuhi bɔ̀ ẅɛn esɛ́ ny'ɛwú, kɩ bɔ́ sɩ̀ dɔ́ ankà zriɛmɛ́n rɔ́ anvɛvrà ndɔ léyi ke le dú nyɛ tɛn nɔn kruhú!

2 Korɛntɛ̀n anmàn-bɔ̀ 9:4 Iomraidhean Croise

Rɔmɛ̀n-anmàn-bɔ̀ 15:26

Annanwɔrɛ mɛ̀n lɔ, Maseduhanɛ̀n mán Akahi Krisì-sɛ̀nkɛn-bɔ̀ wá le, yɔ lɛ fɔ́n eci yɔ tán ɛmian-bɔ̀ fɛcüè léyi dú Zherüzalɛmɛ̀n anmàn nɔn.

1 Korɛntɛ̀n anmàn-bɔ̀ 16:2

Ɛnyànman-bì lɔ fɛn ɔwrɔnwrɔn kɛ̀ hɛ́n ɔhɔ́nan n'eyri ɛbemɛ̀n eci-fɔn-ci léyi nɛ́n cɔ̀ nɔn, ô ye bɩ́ vrá m'ɛvá bì lɔ, yakɛ yɛ fɔ́n eci.

2 Korɛntɛ̀n anmàn-bɔ̀ 11:17

Annanwɔrɛ mɛ̀n lɔ, ke dú kɛ mɛ hán ɔmùan-gbú kɔ̀hɔ̀n hô, mɛ́n sɩ́ dɔ́ ankà kɛ hán ɔmu le Ɛẅɛnwrɔn ke ji nɔn, tɛ́n kɛ hán ɔmu le mɛ̀n dú nmù-wrɔn hɔ́.

2 Korɛntɛ̀n anmàn-bɔ̀ 8:24

Nyɛ́n yé yɔ le, nyɛ cüɛn yɔ annanwɔrɛ mɛ̀n, ô Ɔwɔ-fɛcüè-bɔ̀ kɛ̀ ẅɛn esɛ́, ô kè nyrì le bɔ̀ dú ankà zrɔ mɛ̀n, ke dú kɛ bɔ́ gbú ɔmùan ny'ɛwú.

2 Korɛntɛ̀n anmàn-bɔ̀ 9:2

Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n.

Filemɔn 1:19

M'ɛkɔrɛ̀ wrú de dú ankà-dɔ̀ ndɔ hɔ̀n lɔ nɔn: Mɛ̀n Pɔlɛ̀n, mɛ lɛ wɔrɛ̀ tán mɛ́n. Mɛ́n sɩ́ ji mɛ̀n kore mɛ́n le, v'ɛwúvà lɔ, ɛ̀ ẅɛn mɛ̀n n'ɔwɔ̀ɛn.