2 Korɛntɛ̀n anmàn-bɔ̀ 9:2 - Ɛmɛẅi ankà ankrànkràn 2003

² Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n.

2 Korɛntɛ̀n anmàn-bɔ̀ 9:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 18:12

Ɛnvra léyi Galiɔn dú Romɛ̀n govràn Ashahi kpɔsɔ wú nɔn, Zhüifɛ̀n-bɔ̀ ẅɛn ɔmùan-krɔn, ô yɔ kɛ́n Pɔlɛ̀n ezì. Yɔ sɩ́ nɛ̀n ɛmrɛ̀nci-bɔ̀ zìwú

Ɔkɔ̀hɔ̀n-wá-bɔ̀ kɔ̀hɔ̀n hán 24:17

Ɛnànwàn bobrebe hɔ̀n vacì, mɛ̀n vru ɛmɛẅì mɛ̀n vá Zherüzalɛmɛ̀n, ô mɛ̀n bɩ́ ɛkɔrɛ̀-wá mɛ̀n vá sɩ́ mɛ́n fɛcüè, ô mɛ̀n ce Ɔwɔ eci.

Rɔmɛ̀n-anmàn-bɔ̀ 15:26

Annanwɔrɛ mɛ̀n lɔ, Maseduhanɛ̀n mán Akahi Krisì-sɛ̀nkɛn-bɔ̀ wá le, yɔ lɛ fɔ́n eci yɔ tán ɛmian-bɔ̀ fɛcüè léyi dú Zherüzalɛmɛ̀n anmàn nɔn.

1 Korɛntɛ̀n anmàn-bɔ̀ 16:15

Nyɛ́n nyri Stefanasɛ̀n mán n'ɛmɛ̀n mɛ̀n-bɔ̀; nyɛ́n nyrì le Akahi kpɔsɔ wú lɔ, yɔ dú ɛnvrakpà-bɔ̀ léyi crɔn ɛnkru, kɩ yɔ dú fɛcüè krubɔrɛ ci-bɩ̀tan-kɔ̀hɔ́n mɛ̀n. Anwrɔn-nɛ́n-muan-ẅì hɔ̀n, zɛtɛn mɛ sán nyɛ̀n ndɔ lɔ:

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

2 Korɛntɛ̀n anmàn-bɔ̀ 7:14

Ke dú kɛ mɛ̀n gbú ɔmùan ẅiɛ jan ny'ɛwú, n'ɛtɛ̀sɛ̀n hô, nyɛ́n sɩ̀ tán mɛ̀n anvɛvrà. Tɛ́n, ɔmu zri léyi bɔ́ dɔ́ nyɛ̀n ankà annanwɔrɛ nɔn, ɔmu zri lɔ ɛmrɛ́n léyi bɔ̀ tán nyɛ̀n Titɛ̀n tɛsɛ̀n nɔn, ɛmrɛ́n lɔ dú ɛnyrɔnnan mɛ̀n.

2 Korɛntɛ̀n anmàn-bɔ̀ 7:4

Mɛ̀n ẅɛn ny'esɛ́ vri, me gbú ɔmùan ny'ɛwú. B'obòtò hɔ̀n lɔ fɛn mɛ̀n, mɛ̀n dú edúyiemɛ̀n kɩ pɔ̀püɛ̀-brà yɩ́ m'ɛnbɔrɛ lɔ.

2 Korɛntɛ̀n anmàn-bɔ̀ 8:10

Ɔmu lɔ, mɛ tán nyɛ̀n, m'ankà-tro ankà ndɔ lɔ wú: zrɔ tán le nyɛ́n ẅɛn ɛnbɔrɛ-ẅɛn-hɛ́n-sɛ́, nyɛ́n léyi ɛmɛẅi nànwàn lɔ, nyɛ́n dú ezì-hɛ́-bɔ̀, kɩ kè sɩ̀ dù eci-hán mɛ̀n tɛ̀kɩ, tɛ́n eci-wá hán mɛ̀n.

2 Korɛntɛ̀n anmàn-bɔ̀ 8:11

Tɛ́n zɛtɛ̀ lɔ, nyɛ́n tro ɔkɔ̀hɔ̀n ndɔ lɔ n'ɛhán. Nyɛ́n bɩ́ edùyì anvrɛnvrɛn, nyɛ́n hán nɛ̀n, nɛ̀n trɔ, hán ɔmu le nyɛ́n wá n'ɛhán ci, kɩ ndɔ lɔ ny'ecüì kɔrɛ̀levri ci-hán mɛ̀n.

2 Korɛntɛ̀n anmàn-bɔ̀ 8:19

Zɛtɛn Ɔwɔ-fɛcüè-bɔ̀ mrɛ́n nɛ̀n, ô nɛ̀n dú bɔ́ ɛyri-hɔ̀n-sɩ́-wrɔn ɛkɔrɛ̀-wá kɔ̀hɔ̀n ndɔ léyi yɛ wá bɔ̀ antamɛ̀n kè dú Ɛẅɛnwrɔn mumù ci-zrɔ, ô kè yé bɔ́ eci-hán anvrɛnvrɛn lɔ.

2 Korɛntɛ̀n anmàn-bɔ̀ 8:24

Nyɛ́n yé yɔ le, nyɛ cüɛn yɔ annanwɔrɛ mɛ̀n, ô Ɔwɔ-fɛcüè-bɔ̀ kɛ̀ ẅɛn esɛ́, ô kè nyrì le bɔ̀ dú ankà zrɔ mɛ̀n, ke dú kɛ bɔ́ gbú ɔmùan ny'ɛwú.

2 Korɛntɛ̀n anmàn-bɔ̀ 8:8

Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ.

1 Tesalonikɛ̀n anmàn-bɔ̀ 1:7

Ɔmu lɔ de, nyɛ́n srɔ sɛnpò nyɛ́n tán ankaẅì-bùtan-ẅɛn-bɔ̀ léyi dú Maseduhanɛ̀n mán Akahi kpɔsɔ wú nɔn.

Ebre-bɔ̀ 10:24

Bɔ̀ wá bɔ́ edòmɛ̀n esùva, bɔ̀ hán ɛcüɛn-ci anvrɛnvrɛn, ô bɔ́ eci-hán kè dú ankrankran.