2 Korɛntɛ̀n anmàn-bɔ̀ 9:1 - Ɛmɛẅi ankà ankrànkràn 2003

¹ Annanwɔrɛ mɛ̀n lɔ, ndɔ lɔ dú eci kora hán, ke dú kɛ me merɛ́n owrú mɛ dɔ́ ɛkɔrɛ̀-wá léyi hɔ́n cɔ́ ankaẅì-bùtan-bɔ̀ léyi dú Zhüde kpɔsɔ wú nɔn, yi ankà.

2 Korɛntɛ̀n anmàn-bɔ̀ 9:1 Iomraidhean Croise

Matie 22:31

Owúemɛ̀n-dù-frɔ́ ankà lɔ, ɛnbì zriɛmɛ́n nyɛ vá krɛ́ mrìmrì Ɔwɔ wrú lɔ mɛ̀n ankà léyi Ɔwɔ dɔ̀ nɛ́n? Nɛ́n dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 24:17

Ɛnànwàn bobrebe hɔ̀n vacì, mɛ̀n vru ɛmɛẅì mɛ̀n vá Zherüzalɛmɛ̀n, ô mɛ̀n bɩ́ ɛkɔrɛ̀-wá mɛ̀n vá sɩ́ mɛ́n fɛcüè, ô mɛ̀n ce Ɔwɔ eci.

Rɔmɛ̀n-anmàn-bɔ̀ 11:28

Ke dú kɛ y'Ɛmɛẅi ankà Ankrànkràn léyi yɔ kɔrɔ nɔn, ke dú ankà mù hô, yɔ dú Ɔwɔ gbri-bɔ̀ ny'anvrɛn kruhú; tɛ́n ke dú kɛ Ɔwɔ ci léyi mrɛ́n bɩ, ke dú ankà mù hô, yɔ dú ɛnvra lɔ fɛn Ɔwɔ cüɛ̀n lɔ mɛ̀n, yɔ nancüì hɔ̀n kruhú.

Rɔmɛ̀n-anmàn-bɔ̀ 12:13

Nyɛ́n wá nyɛ́n muan-ẅì hɔ̀n ɛkɔrɛ̀ y'ɛmìan lɔ mɛ̀n, ô nyɛ́n nyrì ẅɛn nɛ̀nnyàn-bɔ̀ ɛnvra lɔ fɛn.

Rɔmɛ̀n-anmàn-bɔ̀ 15:31

Nyɛ́n sɛ́n Ɔwɔ, ô anwrɔn hɔ̀n léyi kè sɩ̀ ẅɛ̀n ankaẅì-bùtan Zhüde kpɔsɔ wú nɔn, mɛ̀n di yɔ antá, ô ɛkɔrɛ̀-wá léyi me sɩ́ Zherüzalɛmɛ̀n anmàn nɔn, kè dú eci léyi ankaẅì-bùtan-ẅɛn-bɔ̀ kɛ lɛ cüɛ̀n nɔn.

Galasi anmàn-bɔ̀ 2:10

Yɔ dɔ́ bɔ̀ le bɔ̀ tro ɛmian-bɔ̀ léyi dú y'Ɔwɔ-fɛcüè lɔ mɛ̀n hɩ dú Zherüzalɛmɛ̀n anmàn nɔn y'ankà, hɩ ci lɔ de mɛ̀n wá kpankpan mɛ̀n hán nɔn.

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

1 Tesalonikɛ̀n anmàn-bɔ̀ 5:1

Anwrɔn-nɛ́n-muan-ẅì hɔ̀n, ɛci hɔ̀n léyi kɛ lɛ wɔ̀ɛn nɔn hɩ wú lɔ, kè sɩ̀ ẅɛ̀n n'owrú merɛ́n, ô nyɛ́n nyri n'ɛnvra mán nɛ́n wacɛ̀n.

1 Zhan 2:27

Nyɛ tɛn, Krisì wá nyɛ̀n n'Ɛnhɛ́n edomɛ̀n. Ɔmuhi n'Ɛnhɛ́n lɔ dú nyɛ̀n ɛmɛ̀n nɔn, nyɛ́n sɩ́ vru ji ɔwrɔn tɔ̀n kɛ̀ và kè yé nyɛ̀n ankà. Annanwɔrɛ mɛ̀n lɔ, Ɛnhɛ́n ke yé nyɛ̀n ankà lɔ fɛn, kɩ ankà léyi ne yé nɔn, dú annanwɔrɛ, kɩ kè sɩ̀ dù ɛyɔ̀n. Hɩ le kruhú de ke ji le nyɛ́n ẅɛn ɔwá nyɛ́n tán Ɛnhɛ́n ankà-yé lɔ, ô nyɛ́n mán Krisì mɛhi nyɛ́n dú ɔbɔ̀sɔ mɛ̀n.