2 Korɛntɛ̀n anmàn-bɔ̀ 8:9 - Ɛmɛẅi ankà ankrànkràn 2003

⁹ Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

2 Korɛntɛ̀n anmàn-bɔ̀ 8:9 Iomraidhean Croise

Matie 17:27

Tɛ́n, bɔ́ sɩ́ ji bɔ̀ wá anwrɔn ejüe. Hɩ le kruhú, ɛ̀ hɔ́n nɛnbà cɛ mùan, ɛ̀ kɔ́n ɛcüè è di ɛnshi, è bɩ́ kpàkpà càn léyi ɛ lɛ jüɛ̀ nɔn, è vru nɛ̀n ɔmùan: ɛ lɛ cɔ́ dɔlà kùa-ẅì zri léyi ke le di vɛ́n mán mɛ̀n mɛhi Ɔwɔ-cice-wɔn wɔɛ̀n nɔn; è bɩ́ ɔkùa lɔ è di b'ɔwɔɛ̀n lɔ.”

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Matie 8:20

Zhezü mrɛ́n nɛ̀n ɔmùan le: “Kpekpe hɔ̀n ẅɛn ɛnnànmàn kɛ dɛ́ ɛmɛ̀n, kɩ annrɛn hɔ̀n ẅɛn anwɔn kɛ dɛ́ ɛmɛ̀n, tɛ́n ɔwrɔnẅì Ẅì kè sɩ̀ ẅɛ̀n ɛyri léyi nɛ lɛ dɛ́ ô nɛ̀n wrɔncüe nɔn.”

Markɛ̀n 6:3

Kɛ̂ kè sɩ̀ dù nɛ́n de nɛ̀n dù anbɔ̀hɔ́ kɔ̀hɔ̀n-hán-wrɔn lɔa, Mari ẅì, nɛ́n muan-ẅì hɔ̀n kè sɩ̀ dù Zhakɛ̀n, Zhoze, Zhüdɛ̀n mán Simɔn hàn? Nɛ́n muan-ẅì hɔ̀n wúyɔ̀-ẅì hɔ̀n mɛhi bɔ̀ sɩ̀ dù ɛnu hɛ́n?” Kɩ ndɔ lɔ kruhú de yɔ sɩ́ bú n'ankà yɔ tán ankàẅì nɔn.

Lükɛ̀n 16:11

Ke dú kɛ nyɛ́n sɩ̀ ẅɛ̀n ɔmuan-zri-dì, ɛnhibù wú nɛ̀ncüì-di-ci lɔ mɛ̀n, antɔn de kɛ lɛ tán nyɛ̀n ɛnnɛcüì-dì-annànwɔrɛ-ci lɔ nyɛ́n hɛ́n nɛ́n?

Lükɛ̀n 2:7

Mari bî ɛncɔnwrɔn-ẅì dú n'ɛnvrakpà ẅì. Nɛ̀n murɛn yi ɛci wosu, kɩ nɛ̀n drɛ́ yi annɔ̀n ci-zî bɔ̀hɔ́ mɛ̀n, ɔmuhi yɔ sɩ̀ cɔ̀ ɛyri nɛ̀nnyàn-bɔ̀ wɔn lɔ mɛ̀n nɔn.

Lükɛ̀n 8:3

Zhannɛ̀n, Shüza hi, Herɔdɛ̀n-kɔhɔ̀n-hán-wrɔn cüìcüì; Süzanɛ̀n mán wúyɔ̀ bobrebe janbɔ̀ léyi bɩ́ y'ɔkùa wá Zhezü mán n'ɛsɛnkɛn-bɔ̀ ɛkɔrɛ̀ nɔn.

Lükɛ̀n 9:58

Zhezü kɛ dɔ́ nɛ̀n le: “Kpekpe hɔ̀n kɛ dɛ́ ɛnnanmàn mɛ̀n, kɩ annrɛ́n hɔ̀n ẅɛn anwɔn kɛ dɛ́ ɛmɛ̀n; ɔwrɔn-ẅì Ẅì tɛn, kè sɩ̀ ẅɛ̀n ɛyri hɩ ká dɛ́ kɛ̀ wrɔncüe nɔn.”

Zhan 1:10

Ɔwrɔn léyi dú ankà-dɔ̀ nɔn dú ɛnhibù wú. N'ɛmɛ̀n de Ɔwɔ hán ɛnhibù, kɩ zɛtɛn ɛnhibù kè sɩ̀ nyri nɛ̀n.

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 1:17

Ɔwɔ tán bɔ̀ ɛnyanmàn Mohizì tamɛ̀n; tɛ́n nboafɔ̀n mán annanwɔrɛ dú Zhezü yri vá.

Zhan 12:30

Tɛ́n Zhezü kɛ dɔ́ yɔ le: “Ke sɩ̀ dù m'ɛkruhú de esùva ndɔ lɔ kɛ di nkù nɔn, tɛ́n ny'ɛkruhú.

Zhan 16:15

Eci lɔ fɛn léyi Dade ẅɛ̀n nɔn, dú mɛ tɛn mán. Hɩ le kruhú de mɛ́n dɔ̀ le, Ɛnhɛ́n kɛ lɛ cɔ́ eci léyi dú mɛ tɛ́n nɔn kɩ nɛ lɛ dɔ́ nyɛ̀n yi ankà nɔn.”

Zhan 17:19

Me bɩ́ m'edomɛ̀n mɛ tán mɛ́n kokrohô y'ɛkruhú, ô yɔ mán yɔ dú vɛ tɛn annànwɔrɛ mɛ̀n.”

Rɔmɛ̀n-anmàn-bɔ̀ 11:12

Tɛ́n, ke dú kɛ Zhüifɛ̀n-bɔ̀ gbàn lɔ tán ɛnhibù ɛnhɛ́n mɛ̀n nɛ̀ncüì-dì, ke dú kɛ y'edomɛ̀n ɛnhi-sɩ́ tán fɛcüè nyantɛn hɔ̀n ɛnnɛ̀ncüì-dì, andɛ̀n ɛ̀bɛ de y'anvrɛn-hán ke le sevri kè dú y'ɛkɔrɛ̀-wá ɛnkru-kɔrɛ̀-kɔhɔ̀n-hán mɛ̀n!

Rɔmɛ̀n-anmàn-bɔ̀ 15:3

Annanwɔrɛ mɛ̀n lɔ, Krisì kè sɩ̀ jì eci léyi dú n'ɛcüɛn-ci nɔn. Tɛ́n hán ɔmu le Owrú kɛ dɔ̀ nɔn: “Ɔwrá ankà hɔ̀n lɔ fɛn léyi yɛ dɔ́ ku mɛ́n ɛwú nɔn, vá ku mɛ̀n ɛwú.”

Rɔmɛ̀n-anmàn-bɔ̀ 5:8

Tɛ́n Ɔwɔ yé bɔ̀ ɔmu le nɛ̀n zeze nɛ̀n cüɛn bɔ̀ nɔn: Krisì wú bɔ́ kruhú ɛnvra léyi bɔ́ vru bɔ́ dú ɛgbàn-hán-bɔ̀ nɔn.

Rɔmɛ̀n-anmàn-bɔ̀ 8:32

Ɔwɔ kè sɩ̀ ẅɛ̀n n'ɛnẅì kɛ̀ sɔhɔ́, tɛ́n nɛ̀n bɩ́ yi nɛ̀n tán ye wrì, bɔ́ lɛ fɛn bɔ́ ɛkruhú: anhɔntan kɛ́ nɛ́n sɩ̀ tán bɔ̀ eci lɔ fɛn mán n'ɛnẅì mɛhiɛ?

1 Korɛntɛ̀n anmàn-bɔ̀ 1:4

Mɛ tán m'Ɔwɔ ɔkùɛn ɛnvra lɔ fɛn ny'ɛkruhú, nboafɔ̀n léyi nɛ̀n tán nyɛ̀n Zhezü Krisì bɩmɛ̀n nɔn.

1 Korɛntɛ̀n anmàn-bɔ̀ 15:47

Kpàkpà Adamɛ̀n yɛ hán antà-hiwɔ̀n mɛ̀n; anhyrɛmɛ̀n Adamɛ̀n dú anhobɩ́ nvà.

2 Korɛntɛ̀n anmàn-bɔ̀ 6:10

Yɛ wá bɔ̀ gbɔ̀gbɔ̀ edù, ɔmu tɛ̀kɩ bɔ́ dú ɛnvra lɔ fɛn pɔpüɛ̀-brá mɛ̀n; bɔ̀ dú ɛmian-bɔ̀, tɛ́n bɔ́ wá anwrɔn bobrebe ɛnnɛ̀ncüì; bɔ́ yé bɔ́ edomɛ̀n kɛ hán anwrɔn hɔ̀n léyi kè sɩ̀ ẅɛ̀n eci zriɛmɛ́n nɔn, bɔ́ léyi annanwɔrɛ mɛ̀n lɔ, bɔ̀ ẅɛn eci lɔ fɛn nɔn.

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 3:19

Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

Kpàkpà timote 6:18

Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀.

Ebre-bɔ̀ 1:2

tɛ́n zɛtɛ lɔ, ɛnvra trɔ mùan mɛ̀n lɔ, nɛ̀n dɔ́ bɔ̀ ankà n'Ɛnẅì Zhezü mɛ̀n. N'ɛmɛ̀n de Ɔwɔ hán eci lɔ fɛn nɔn, kɩ nɛ́n de Ɔwɔ wá nɛ̀n ɛci hɔ̀n lɔ fɛn, y'ɛẅɛnwrɔn nɔn.

Zhakɛ̀n 2:5

Anwrɔn-nɛ́n-muan-ẅì hɔ̀n nyɛ́n die nukùɛ: Ɔwɔ mrɛ́n ɛmian-bɔ̀ lɔ dú ɛnhibù wú nɔn nbɩ, ô yɔ srɔ ɛnnɛ̀ncüì hɔ̀n ankaẅì-bùtan ẅɛn mɛ̀n, ô yɔ cɔ́ Anhobɩ́ Nɛ̀ncüì-dúyri léyi nɛ̀n wá anwrɔn léyi kɛ cüɛ́n nɛ̀n nɔn ɔmùan.

Ɔwɔ-mɛ̀n-yrikàn 2:9

Mɛ̀n nyri v'ejüedì mán v'ɛmiàn; tɛ́n annanwɔrɛ mɛ̀n lɔ, è di ɛnnɛ̀ncüì! Mɛ̀n nyri ankà gbàn léyi anwrɔn hɔ̀n léyi ke bú y'edomɛ̀n kɛ hán Zhüifɛ̀n-bɔ̀ hɔ́ hɩ kɛ dɔ́ tán mɛ́n nɔn, tɛ́n yɔ sɩ̀ dù Zhüifɛ̀n-bɔ̀: yɔ dú Anwa-wrɔn-fɛcüè tɔ̀n!

Ɔwɔ-mɛ̀n-yrikàn 21:7

Ɔwrɔn totɔtɔ̀n léyi kɛ lɛ kɔ̀nkà nɔn, nɛ lɛ cɔ́ m'antamɛ̀n ecice ndɔ lɔ; me le dú n'Ɔwɔ, kɩ ne le dú m'ɛnẅì.

Ɔwɔ-mɛ̀n-yrikàn 3:18

Hɩ le kruhú de me wore-ankà mɛ̀n yé mɛ́n, ô ɛ̀ wɔ́ ansikɛ léyi ɛnhyá nfi nɔn, m'antamɛ̀n, ô ɛ̀ srɔ ɛnnɛ̀ncüì annanwɔrɛ mɛ̀n. È vru ɛ̀ wɔ́ ɛceci wosú, ɛ̀ ẅɛn edomɛ̀n, ô ɛsɛ̀n-kora-nyɔn anvɛvrà ke bɩ́ ẅɛn mɛ́n, ɔmu zri lɔ ɛ̀ wɔ́ anvɛ̀ háwi, ɛ̀ hán v'anvɛ̀ ɛci ô yɔ kán ɛyri.