2 Korɛntɛ̀n anmàn-bɔ̀ 8:8 - Ɛmɛẅi ankà ankrànkràn 2003

⁸ Kè sɩ̀ dù ɛnyànmàn de mɛ́n wá tán nyɛ̀n nɔn: tɛ́n ke dú kɛ mɛ dɔ́ nyɛ̀n anwrɔn janbɔ̀ dùyí ankà hô, mɛ tán nyɛ̀n ɛkɔrɛ̀-levri nyɛ́n yé ny'ɛcüɛ̀n annanwɔrɛ lɔ.

2 Korɛntɛ̀n anmàn-bɔ̀ 8:8 Iomraidhean Croise

Rɔmɛ̀n-anmàn-bɔ̀ 12:9

Ke ji le ɛcüɛ̀n kè dú annanwɔrɛ. Nyɛ́n sú ɛgbàn, nyɛ́n hán anvrɛn kɔ̀hɔ̀n.

1 Korɛntɛ̀n anmàn-bɔ̀ 7:12

Nyàn ankà léyi mɛ́n dùku mɛ dɔ̀ tán anwrɔn nyàntɛn hɔ̀n (kɩ kè sɩ̀ dù Ɛẅɛnwrɔn mùanwú-ankà): ke dú kɛ ɛncɔnwrɔn léyi dú Krisì-sɛ̀nkɛn-wrɔn ke yiri ɛnnyɔnwrɔn léyi kè sɩ̀ ẅɛ̀n ankaẅì-bùtan Krisì mɛ̀n, kɩ ke ji kɛ̀ cɔ́ nɛ̀n mɛhi yɔ yɛ́ nɔn, ke sɩ́ ji le nɛ̀n wrɔ́ ɛnnyɔnwrɔn lɔ;

1 Korɛntɛ̀n anmàn-bɔ̀ 7:25

Hɩ le kɛ crɛ-nyan anwrɔn hɔ̀n léyi kè sɩ̀ wà eyiri-mùan nɔn, Ɛẅɛnwrɔn kè sɩ̀ tán mɛ̀n ɛnyànmàn; tɛ́n mɛ dɔ́ mɛ́n dùku m'ɛnkruemɛ̀n ankà, mɛ̀n léyi Ɛẅɛnwrɔn bɔrɛ wɔwɔ lɔ mɛ̀n, mɛ̀n ẅɛn n'esɛ̀ kɔrɛ̀levri nɔn.

1 Korɛntɛ̀n anmàn-bɔ̀ 7:6

Ankà léyi mɛ dɔ́ nyɛ̀n nɔn kè sɩ̀ dù ɛnyànmàn-wá-tán, tɛ́n ɔmùan-krɔn ankà.

2 Korɛntɛ̀n anmàn-bɔ̀ 6:6

Bɔ́ yé bɔ́ edomɛ̀n Ɔwɔ ci-bìtan-bɔ̀ fifi hɔ̀n, bɔ́ enyri-cùɛn-tan mɛ̀n, bɔ́ ɛnbɔrɛ-ẅɛ̀n-hɛ́n mán bɔ́ ɛnbɔrɛ-wɔwɔ mɛ̀n, Ɛnhɛ́n Prɔnprɔn cüìemɛ̀n, bɔ́ ɛcüɛn-bɔrɛ annanwɔrɛ mɛ̀n,

2 Korɛntɛ̀n anmàn-bɔ̀ 8:10

Ɔmu lɔ, mɛ tán nyɛ̀n, m'ankà-tro ankà ndɔ lɔ wú: zrɔ tán le nyɛ́n ẅɛn ɛnbɔrɛ-ẅɛn-hɛ́n-sɛ́, nyɛ́n léyi ɛmɛẅi nànwàn lɔ, nyɛ́n dú ezì-hɛ́-bɔ̀, kɩ kè sɩ̀ dù eci-hán mɛ̀n tɛ̀kɩ, tɛ́n eci-wá hán mɛ̀n.

2 Korɛntɛ̀n anmàn-bɔ̀ 8:24

Nyɛ́n yé yɔ le, nyɛ cüɛn yɔ annanwɔrɛ mɛ̀n, ô Ɔwɔ-fɛcüè-bɔ̀ kɛ̀ ẅɛn esɛ́, ô kè nyrì le bɔ̀ dú ankà zrɔ mɛ̀n, ke dú kɛ bɔ́ gbú ɔmùan ny'ɛwú.

2 Korɛntɛ̀n anmàn-bɔ̀ 9:2

Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n.

2 Korɛntɛ̀n anmàn-bɔ̀ 9:7

Ke ji le ɔwrɔnwrɔn kɛ̀ tán, hán ɔmu le nɛ̀n wá nɔn, edomɛ̀n-bru ke bɩ́ dú ɛmɛ̀n, kɩ kè sɩ̀ dù kèkrèmɛ̀n. Ɔmuhi Ɔwɔ kɛ cüɛn ɔwrɔn léyi kɛ tán eci pɔpüɛ̀ mɛ̀n nɔn.

Efɛzɛ̀n anmàn-bɔ̀ 4:15

Tɛ́n, annanwɔrɛ ankà-dɔ́ mɛ̀n mán ɛcüɛn mɛ̀n, bɔ́ lɛ sɔ́ eci lɔ fɛn mɛ̀n, Krisì léyi dú ɛnkru nɔn n'ɛtɛ̀sɛ̀n hɔ́n mɛ̀n.

Efɛzɛ̀n anmàn-bɔ̀ 6:24

Ɔwɔ boafɔn kè dú anwrɔn lɔ fɛn léyi kɛ cüɛn annanwɔrɛ mɛ̀n bɔ́ Ɛẅɛnwrɔn Zhezü Krisì nɔn mɛ̀n.

Ebre-bɔ̀ 10:24

Bɔ̀ wá bɔ́ edòmɛ̀n esùva, bɔ̀ hán ɛcüɛn-ci anvrɛnvrɛn, ô bɔ́ eci-hán kè dú ankrankran.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.