2 Korɛntɛ̀n anmàn-bɔ̀ 8:7 - Ɛmɛẅi ankà ankrànkràn 2003

⁷ Nyɛ́n di ɛnnɛ̀ncüì eci lɔ fɛn mɛ̀n: ankaẅì-bùtan, ankà-nyrì-dɔ̀, eci-nyrì, edùyì léyi ke sɩ̀ ẅɛ̀n ɛnkru mán ɛcüɛ̀n léyi bɔ̀ hán dú nyɛ̀n ɛmɛ̀n srɔ nɔn. Hɩ le kruhú de bɔ́ ji le nyɛ́n yé le nyɛ́n di ɛnnɛ̀ncüì ɛnbɔrɛ anvrɛnvrɛn kɔrɛ̀-wá-kɔ̀hɔ̀n ndɔ lɔ mɛ̀n.

2 Korɛntɛ̀n anmàn-bɔ̀ 8:7 Iomraidhean Croise

Matie 25:22

Eci-bɩtan-wrɔn léyi cɔ́ ɔkùa-ẅì ɛkoẅi-ɛvà nɔn, vá nɛ̀n ɛtɛ̀sɛ̀n kɩ zɛtɛn kɛ dɔ̀ le: ‘Ankà-yé-wrɔn ɛ̀ tán mɛ̀n ansɩ̀kɛ-kùa-ẅì ɛkoẅi-ɛvà. Nyàn ɛkoẅi-ɛvà léyi mɛ́n cɔ̀ mɛ̀n kɛ́n ɛwú nɔn.’

Rɔmɛ̀n-anmàn-bɔ̀ 15:14

Nmàn-ẅì hɔ̀n, mɛ́n dùku mɛ́n nyrì le, eci-hán ankrankran yɩ́ nyɛ̀n edomɛ̀n, nyɛ́n cɔ̀ nyɛ́n yá eci léyi ke ji le nyɛ́n nyrì, kɩ nyɛ́n krɔn kpehɛ́n nyɛ́n woro ankà nyɛ́n yé ny'edomɛ̀n.

1 Korɛntɛ̀n anmàn-bɔ̀ 1:5

Annanwɔrɛ mɛ̀n lɔ, nyɛ́n mán Krisì mɛhi ny'ɔbɔ̀sɔ̀ lɔ mɛ̀n nyɛ́n di ɛnnɛ̀ncüì, anvrɛn lɔ fɛn mɛ̀n, annànnàn le ankà-dɔ̀ mán eci-nyrì lɔ fɛn.

1 Korɛntɛ̀n anmàn-bɔ̀ 12:13

Kɩ bɔ́ lɛ fɛn lɔ, Zhüifɛ̀n-bɔ̀ hô, kè sɩ̀ dù Zhüifɛ̀n-bɔ̀ hô, anwɔ̀n-bɔ̀ hô, anwrɔn kora hɔ̀n hô, yɛ wá bɔ̀ ɛnshi ɛnkru, ô bɔ̀ dú edùwrú zri, Ɛnhɛ́n Prɔnprɔn zri lɔ mɛ̀n, kɩ bɔ́ lɛ fɛn lɔ, bɔ̀ cɔ́ Ɛnhɛ́n Prɔnprɔn zri ndɔ lɔ n'ɛnshi bò mì.

1 Korɛntɛ̀n anmàn-bɔ̀ 12:8

Ɛnhɛ́n Prɔnprɔn kɛ tán ɔwrɔn tɔ̀n ankà-nyri ankà-dɔ̀, kɩ ɔwrɔn nyàntɛn tɔ̀n Ɛnhɛ́n Prɔnprɔn zri lɔ kɛ tán eci-nyrì ankà-dɔ̀.

1 Korɛntɛ̀n anmàn-bɔ̀ 13:2

Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n.

1 Korɛntɛ̀n anmàn-bɔ̀ 13:8

Ɛcüɛ̀n kè sɩ̀ ẅɛ̀n ɔtrɔ. Ɔwɔ mɛẅi ankà-dɔ̀ kɛ lɛ trɔ ɛnbì tɔ̀n, ankà-dɔ̀ cice léyi Ɛnhɛ́n Prɔnprɔn kɛ tán bɔ̀ ɛnbrɛ̀ nyàntɛn vrá mɛ̀n nɔn mán kɛ lɛ trɔ, eci-nyrì kɛ lɛ zrɛ́n.

1 Korɛntɛ̀n anmàn-bɔ̀ 14:12

Ɔmuhi nye ji edùyiemɛ̀n Ɛnhɛ́n Prɔnprɔn cice hɔ̀n lɔ nɔn, nyɛ́n ji ɛyri nyɛ́n di ɛnnɛ̀ncüì Ɛnhɛ́n Prɔnprɔn cice hɔ̀n léyi kɛ tán Ɔwɔ fɛcüè ezì hɔ̀n nɔn n'ɛmɛ̀n.

1 Korɛntɛ̀n anmàn-bɔ̀ 4:7

Ɔmuhi, ecitan mɛ̀n de e tro le è sevri ɛ̀ vrán ɛnyran hɔ̀n nɛ́n? Eci lɔ fɛn léyi ɛ ẅɛ̀n nɔn, kè sɩ̀ dù Ɔwɔ yri kɛ̀ và? Ɔmuhi dú ɔmu lɔ nɔn, cɛci kruhú kɛ e gbú ɔmùan eci léyi ɛ cɔ̀ nɔn hɩ wú, hán le ye sɩ̀ tán mɛ́n eci lɔ nɛ́n?

2 Korɛntɛ̀n anmàn-bɔ̀ 7:7

Kɩ kè sɩ̀ dù n'ɛvà lɔ tɛ̀kɩ de kɛ̀ tán bɔ̀ ecüì ndɔ lɔ nɔn, tɛ́n vru dú ɔmu le nyɛ́n hán nyɛ́n tán nɛ́n dùku ɛnbɔrɛ-bi-wá nɔn. Nɛ́n dɔ́ bɔ̀ ɛkàn léyi nyɛ́n vru nye ji nyɛ́n kán mɛ̀n, ny'obòto ankà, ny'edùyì léyi nyɛ́n ẅɛn m'ankà-dɔ̀ tán ci-hán mɛ̀n nɔn yi ankà. Kɩ nyàn eci le kruhú léyi mɛ́n pɔpüɛ̀-brà vru dú evrisiemɛ̀n nɔn.

2 Korɛntɛ̀n anmàn-bɔ̀ 8:6

Hɩ le kruhú de bɔ̀ sɛ́n Titɛ̀n kɛ̀ hán eci-hán ndɔ lɔ kɛ̀ trɔ ɛnkru anvrɛnvrɛn ny'edúyri kɔrɛ̀-wá kɔ̀hɔ̀n ndɔ lɔ, hán ɔmu le nɛ̀n bú ɛnkru nɔn.

2 Korɛntɛ̀n anmàn-bɔ̀ 9:14

Yɔ lɛ sɛ̀n yɔ tán nyɛ̀n kɩ yɔ lɛ yé nyɛ̀n y'ɛcüɛn-bɔrɛ, nboafɔ̀n vri léyi Ɔwɔ tán nyɛ̀n nɔn, hɩ kruhú.

2 Korɛntɛ̀n anmàn-bɔ̀ 9:8

Kɩ Ɔwɔ ẅɛn ɛkɔrɛ̀-levri kɛ lɛ tán nyɛ̀n anvrɛn mɛ̀ntɛ mɛ̀ntɛ, ô nyɛ́n ẅɛn ɛnvra lɔ fɛn eci léyi nye ji nɔn, kɩ nye le vru nyɛ́n cɔ́ eci nyɛ́n hán ɛkɔrɛ̀-wá kɔ̀hɔ̀n anvrɛnvrɛn hɔ̀n lɔ fɛn.

Efɛzɛ̀n anmàn-bɔ̀ 4:29

Ankà-dɔ̀ gbàngbàn zriɛmɛ́n ke bɩ́ dú ny'ɔmùan lɔ mɛ̀n kɛ srɔa; nyɛ́n dɔ́ ankà ankrànkràn léyi kɛ wá ɛkɔrɛ̀ hɩ ke yɩ́ ɔwrɔn edù, ô ɔmu lɔ anwrɔn hɔ̀n léyi ke die nyɛ̀n nukùɛ nɔn, nyɛ́n hán yɔ anvrɛn.

Filipɛ̀n anmàn-bɔ̀ 1:11

Nye le di ɛnnɛ̀ncüì ny'ɛnyrɔnnan ci-hán mɛ̀n Zhezü Krisì kɔrɛ̀levriemɛ̀n, ke le dú Ɔwɔ ci-zrɔ mán n'ɛmrɛ́n mɛ̀n.

Filipɛ̀n anmàn-bɔ̀ 1:9

Nyàn eci léyi mɛ sán m'Ɔwɔ-sɛ̀n lɔ mɛ̀n nɔn: ke ji le ny'ɛcüɛ̀n lɔ ke sevri ɛnvra lɔ fɛn, nɛ̀n di ɛnnɛ̀ncüì annanwɔrɛ-ci-nyriemɛ̀n mán ankà-yá anvrɛnvrɛn mɛ̀n,

2 Tesalonikɛ̀n anmàn-bɔ̀ 1:3

Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

Anhyrɛmɛ̀n timote 2:1

Vɛ́n m'ɛnẅì, è bɩ́ ecüì, nboafɔ̀n léyi dú Zhezü Krisì yri vá cɔ́ bɔ̀ nɔn n'ɛmɛ̀n.

Ebre-bɔ̀ 12:28

Zɛtɛn bɔ̀ hán enyri-kùɛn-tán ci; ɔmuhi bɔ̀ cɔ́ anhobɩ́-nɛ̀ncüì-dúyri tɔ̀n léyi ke sɩ̀ jɔ̀kɔ̀ rɔ́ nɔn. Bɔ̀ yé enyrì-kùɛn-tán ci ndɔ lɔ, b'Ɔwɔ ci-bɩtan kɔ̀hɔ̀n lɔ mɛ̀n, kè dù kɛ̀ hán hɩ le nɛ cüɛ̀n nɔn hɔ́, ɔwá mán ɛnjansù kè dú ɛmɛ̀n.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 3:17

Ɛ dɔ̀ le: ‘Mɛ̀n di ɛnnɛ̀ncüì kɩ mɛ̀n ẅɛn ɛci anvrɛnvrɛn, eci zriɛmɛ́n kè sɩ̀ ẅɛn mɛ̀n ɛmiàn.’ Annanwɔrɛ mɛ̀n lɔ, è sɩ̀ nyrì ɔmu le è dú ɛmian-wrɔn mán ejüedi-wrɔn! È dú ɛmian-wrɔn, ɛ̀ nyɔn ɛsɛ̀nkora, kɩ e sɩ́ kán ɛyri.