2 Korɛntɛ̀n anmàn-bɔ̀ 8:6 - Ɛmɛẅi ankà ankrànkràn 2003

⁶ Hɩ le kruhú de bɔ̀ sɛ́n Titɛ̀n kɛ̀ hán eci-hán ndɔ lɔ kɛ̀ trɔ ɛnkru anvrɛnvrɛn ny'edúyri kɔrɛ̀-wá kɔ̀hɔ̀n ndɔ lɔ, hán ɔmu le nɛ̀n bú ɛnkru nɔn.

2 Korɛntɛ̀n anmàn-bɔ̀ 8:6 Iomraidhean Croise

2 Korɛntɛ̀n anmàn-bɔ̀ 12:18

Mɛ̀n sɛ́n Titɛ̀n kɛ̀ vá ny'edúyri kɩ mɛ̀n wá nɛ́n mán ɔwrɔn-nɛ́n-muan-ẅì léyi nyɛ́n nyrì nɔn ɔkɔ̀hɔ̀n. Titɛ̀n frɛ́n nyɛ̀n hàn? Mɛ̀n mán nɛ́n mɛhi bɔ̀ sɩ̀ ẅɛ̀n ankà-tro zri hɔ̀n lɔ, ɛnlevri zri wú sùnan mɛ̀n hàn?

2 Korɛntɛ̀n anmàn-bɔ̀ 8:19

Zɛtɛn Ɔwɔ-fɛcüè-bɔ̀ mrɛ́n nɛ̀n, ô nɛ̀n dú bɔ́ ɛyri-hɔ̀n-sɩ́-wrɔn ɛkɔrɛ̀-wá kɔ̀hɔ̀n ndɔ léyi yɛ wá bɔ̀ antamɛ̀n kè dú Ɛẅɛnwrɔn mumù ci-zrɔ, ô kè yé bɔ́ eci-hán anvrɛnvrɛn lɔ.

2 Korɛntɛ̀n anmàn-bɔ̀ 8:4

Yɔ sɛ́n bɔ̀ bɔ̀ tán yɔ ɛkɔrɛ̀levri, ô yɔ mán yɔ wá ankaẅì-bùtan-ẅɛn-bɔ̀ léyi dú Zhüde kpɔsɔ wú nɔn ɛkɔrɛ̀.

1 Piɛrɛ̀n 4:10

Ke ji le ɔwrɔnwrɔn ke bɩ́ nɛ́n nyran hɔ̀n kruhú, ɛkɔrɛ̀-wá-ci léyi nɛ̀n cɔ́ Ɔwɔ yri nɔn nɛ̀n hán yɔ anvrɛn. Ɔmu lɔ de nyɛ lɛ srɔ Ɔwɔ kɔrɛ̀-wá-ci bobrebe hɔ̀n léyi nyɛ́n cɔ̀ nɔn, n'eci-hán-bɔ̀ ankrankràn.

Filipɛ̀n anmàn-bɔ̀ 4:18

Mɛ dɔ́ nyɛ̀n annanwɔrɛ mɛ̀n le, mɛ̀n cɔ́ eci lɔ fɛn léyi nyɛ́n yüre mɛ̀n nɔn; ɛncüɛn ká ankɔrɛ̀. Zɛtɛ̀ léyi Epafroditɛ̀n bɩ́ ny'ɛkɔrɛ̀-wá vá sɩ́ mɛ̀n nɔn, mɛ̀n ẅɛn eci lɔ fɛn léyi me ji nɔn. Ɛkɔrɛ̀-wá-ci ndɔ hɔ̀n lɔ, ndù hán ecice-ci tɔ̀n léyi nɛ́n ndɔ̀ kɛ ẅɛn ɛnniɛ̀n anvrɛnvrɛn nɔn, ecice tɔ̀n léyi Ɔwɔ ke bɩ hɩ kɛ zrɔ nɛ̀n nɔn.

2 Korɛntɛ̀n anmàn-bɔ̀ 9:5

Mɛ̀n tro le zrɔ tán le, mɛ̀n sɛ́n anwrɔn-nɛ́n-muan-ẅì hɔ̀n ndɔ hɔ̀n lɔ, kɛ̀ hɛ́ mɛ̀n ezì ny'edúyri, ô kɛ̀ wá ɛkɔrɛ̀-wá-ci léyi nyɛ́n wá ɔmùan nɔn, n'ankà esùva. Ɔmu lɔ, n'ɔkɔrɛ̀-wá lɔ, kɛ lɛ krɔn kpehɛ́n ɛnvra léyi me le bru, kɩ ke le yé tán le nyɛ tán ɛnbɔrɛ anvrɛnvrɛn mɛ̀n, kɩ edòmɛ̀n-bru bàdà nɛ̀n ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 24:17

Ɛnànwàn bobrebe hɔ̀n vacì, mɛ̀n vru ɛmɛẅì mɛ̀n vá Zherüzalɛmɛ̀n, ô mɛ̀n bɩ́ ɛkɔrɛ̀-wá mɛ̀n vá sɩ́ mɛ́n fɛcüè, ô mɛ̀n ce Ɔwɔ eci.

Rɔmɛ̀n-anmàn-bɔ̀ 15:25

Tɛ́n ɛnvra lɔ mɛ̀n, mɛ hɔ́n Zherüzalɛmɛ̀n anmàn, ô mɛ̀n dú ankaẅì-bùtan-ẅɛn-bɔ̀ léyi dú nanvrɛn nɔn, y'eci-bɩ̀tan-kɔ̀hɔ́n mɛ̀n.

2 Korɛntɛ̀n anmàn-bɔ̀ 2:13

Tɛ́n mɛ̀n dú ɛnkrɛ̀ta-kù vriemɛ̀n ɔmuhi, mɛ̀n sɩ̀ cɔ̀ bɔ́ muan-ẅì Titɛ̀n nɔn. Hɩ le kruhú de mɛ̀n tán Troasɛ̀n anmàn-bɔ̀ ɛyri-hɔ́n-mùan-bɔ̀ kɩ mɛ̀n hɔ́n Masedùhanɛ̀n kpɔsɔ wú.

2 Korɛntɛ̀n anmàn-bɔ̀ 8:10

Ɔmu lɔ, mɛ tán nyɛ̀n, m'ankà-tro ankà ndɔ lɔ wú: zrɔ tán le nyɛ́n ẅɛn ɛnbɔrɛ-ẅɛn-hɛ́n-sɛ́, nyɛ́n léyi ɛmɛẅi nànwàn lɔ, nyɛ́n dú ezì-hɛ́-bɔ̀, kɩ kè sɩ̀ dù eci-hán mɛ̀n tɛ̀kɩ, tɛ́n eci-wá hán mɛ̀n.

2 Korɛntɛ̀n anmàn-bɔ̀ 8:23

Hɩ le kɛ crɛ-nyan Titɛ̀n nɔn, nɛ̀n dú m'ɛyri-hɔ̀n-sɩ́-wrɔn, mán m'ɛkɔrɛ̀-wá-wrɔn ny'ɛtɛ̀sɛ̀n; kɩ anwrɔn-nɛ́n-muan-ẅì hɔ̀n ndɔ hɔ̀n léyi kɛ hɔ́n sɩ́ nɛ̀n ɛyri nɔn, yɔ dú Ɔwɔ fɛcüè hɔ̀n kɔ̀hɔ̀n-wá-bɔ̀ kɩ yɔ hán eci kè dú Krisì ci-zrɔ tɛn.