2 Korɛntɛ̀n anmàn-bɔ̀ 8:4 - Ɛmɛẅi ankà ankrànkràn 2003

⁴ Yɔ sɛ́n bɔ̀ bɔ̀ tán yɔ ɛkɔrɛ̀levri, ô yɔ mán yɔ wá ankaẅì-bùtan-ẅɛn-bɔ̀ léyi dú Zhüde kpɔsɔ wú nɔn ɛkɔrɛ̀.

2 Korɛntɛ̀n anmàn-bɔ̀ 8:4 Iomraidhean Croise

Matie 10:42

Mɛ dɔ́ nyɛ̀n annànwɔrɛ mɛ̀n le: ɔwrɔn léyi kɛ tán ɛnshi grashɛ̀n kɔra sà, ɛẅì hɔ̀n ndɔ hɔ̀n lɔ ɔtɔ̀n, hɩ dú m'ɛtɛ̀sɛ̀n-bɔ̀ lɔ mɛ̀n, ɔmuhi ɛnẅì lɔ dú m'ɛsɛ̀nkɛn-wrɔn nɔn, nɛ lɛ cɔ́ n'anjakpà.”

Matie 12:50

Ɔmuhi ɔwrɔn léyi kɛ hán eci léyi Dade léyi dú anhobɩ́ ke ji nɔn, dú nmàn cɔnwrɔn-ẅì, nmàn nyɔnwrɔn-ẅì mán nmàn.”

Matie 25:40

Ɛnnɛ̀ncüì lɔ kɛ lɛ mrɛ́n yɔ ɔmùan le: ‘Mɛ dɔ́ nyɛ̀n annànwɔrɛ mɛ̀n le: ɛnvra totɔtɔ̀n léyi nyɛ́n hán eci ndɔ lɔ nyɛ́n tán ɛẅì hɔ̀n léyi dú nmàn ẅì hɔ̀n, ke dú ɛnzri mán, mɛ̀n de nyɛ́n hán nyɛ́n tán mɛ̀n nɔn.’

Markɛ̀n 14:7

Ɔmuhi ɛnvra lɔ fɛn nyɛ lɛ cɔ́ ɛmian-bɔ̀, ô nyɛ́n hán yɔ anvrɛn ɛnvra totɔtɔ̀n léyi nye ji nɔn; mɛ tɛn, mɛ́n sɩ̀ dú nyɛ̀n ɛmɛ̀n ɛnvra lɔ fɛn.

Ɔkɔ̀hɔ̀n-wá-bɔ̀ kɔ̀hɔ̀n hán 11:29

Ɛsɛ̀nkɛn-bɔ̀ zɛtɛn wá le, ɔwrɔn wrɔn kɛ̀ tán eci léyi nɛ́n ẅɛ̀n nɔn, ô ye bɩ yɛ wá anwrɔn-nɛ́n-muan-ẅì hɔ̀n léyi dú Zhude kpɔsɔ wú nɔn ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 16:15

Yɛ wá Lidi mán n'ɛmɛ̀n-bɔ̀ ɛnshi ɛnkru. Zɛtɛn nɛ̀n bi bɔ̀ kɩ nɛ dɔ̀ le: “Ke dú kɛ nye tro le mɛ̀n ẅɛn Ɛẅɛnwrɔn ankaẅì-bùtan hô, nyɛ́n và nyɛ́n dú m'ebɩ́ lɔ mɛ̀n.” Kɩ nɛ̀n ẅɛn bɔ̀ krekremɛ̀n bɔ̀ shrì bɔ̀ bru n'ebɩ́ lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 24:17

Ɛnànwàn bobrebe hɔ̀n vacì, mɛ̀n vru ɛmɛẅì mɛ̀n vá Zherüzalɛmɛ̀n, ô mɛ̀n bɩ́ ɛkɔrɛ̀-wá mɛ̀n vá sɩ́ mɛ́n fɛcüè, ô mɛ̀n ce Ɔwɔ eci.

Rɔmɛ̀n-anmàn-bɔ̀ 15:31

Nyɛ́n sɛ́n Ɔwɔ, ô anwrɔn hɔ̀n léyi kè sɩ̀ ẅɛ̀n ankaẅì-bùtan Zhüde kpɔsɔ wú nɔn, mɛ̀n di yɔ antá, ô ɛkɔrɛ̀-wá léyi me sɩ́ Zherüzalɛmɛ̀n anmàn nɔn, kè dú eci léyi ankaẅì-bùtan-ẅɛn-bɔ̀ kɛ lɛ cüɛ̀n nɔn.

1 Korɛntɛ̀n anmàn-bɔ̀ 16:1

Eci-fɔ̀n léyi ye bɩ́ wá ankaẅì-bùtan-ẅɛn-bɔ̀ léyi dú Zherüzalɛmɛ̀n anmàn ɛkɔrɛ̀ nɔn, nyàn n'ankà-dɔ̀: Nyɛ́n hán eci kè ci ankà hɔ̀n léyi mɛ̀n dɔ́ Ɔwɔ-fɛcüè hɔ̀n léyi dú Galasi anmàn nɔn hɩ wú.

1 Korɛntɛ̀n anmàn-bɔ̀ 16:15

Nyɛ́n nyri Stefanasɛ̀n mán n'ɛmɛ̀n mɛ̀n-bɔ̀; nyɛ́n nyrì le Akahi kpɔsɔ wú lɔ, yɔ dú ɛnvrakpà-bɔ̀ léyi crɔn ɛnkru, kɩ yɔ dú fɛcüè krubɔrɛ ci-bɩ̀tan-kɔ̀hɔ́n mɛ̀n. Anwrɔn-nɛ́n-muan-ẅì hɔ̀n, zɛtɛn mɛ sán nyɛ̀n ndɔ lɔ:

2 Korɛntɛ̀n anmàn-bɔ̀ 9:1

Annanwɔrɛ mɛ̀n lɔ, ndɔ lɔ dú eci kora hán, ke dú kɛ me merɛ́n owrú mɛ dɔ́ ɛkɔrɛ̀-wá léyi hɔ́n cɔ́ ankaẅì-bùtan-bɔ̀ léyi dú Zhüde kpɔsɔ wú nɔn, yi ankà.

Galasi anmàn-bɔ̀ 2:10

Yɔ dɔ́ bɔ̀ le bɔ̀ tro ɛmian-bɔ̀ léyi dú y'Ɔwɔ-fɛcüè lɔ mɛ̀n hɩ dú Zherüzalɛmɛ̀n anmàn nɔn y'ankà, hɩ ci lɔ de mɛ̀n wá kpankpan mɛ̀n hán nɔn.

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.

Ebre-bɔ̀ 6:10

Ɔwɔ dú ɛnyrɔnnan-wrɔn. Ny'ɔkɔ̀hɔ̀n léyi nyɛ hán, ɛcüɛ̀n léyi nye yé n'ɛtɛ̀sɛ̀n, ny'eci-bɩ̀tan-kɔ̀hɔ́n mɛ̀n, kɩ nyɛ́n dú ɛmɛ̀n nyɛ́n hán tán Krisì sɛnkɛn-bɔ̀ janbɔ̀ nɔn, ndɔ lɔ fɛn ke sɩ̀ yuru Ɔwɔ esùva.