2 Korɛntɛ̀n anmàn-bɔ̀ 8:3 - Ɛmɛẅi ankà ankrànkràn 2003

³ Mɛ̀n dú yɔ dalɛfuɛ-di-wrɔn, yɔ tán hɩ le krɔn yɔ ɛkɔrɛ̀ mùan nɔn, kɩ vru fɛ ɛwú, kɩ ndɔ lɔ ɛnbɔrɛ zriemɛ̀n.

2 Korɛntɛ̀n anmàn-bɔ̀ 8:3 Iomraidhean Croise

Markɛ̀n 14:8

Ɛnnyɔnwrɔn lɔ hán eci léyi n'ɛkɔrɛ̀ ncɔ̀ nɔn; nɛ̀n ku mɛ̀n ɛnshi-bán edomɛ̀n ô m'edùwrú lɔ kè nyrì dɛ́ ezhe-nànmàn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 11:29

Ɛsɛ̀nkɛn-bɔ̀ zɛtɛn wá le, ɔwrɔn wrɔn kɛ̀ tán eci léyi nɛ́n ẅɛ̀n nɔn, ô ye bɩ yɛ wá anwrɔn-nɛ́n-muan-ẅì hɔ̀n léyi dú Zhude kpɔsɔ wú nɔn ɛkɔrɛ̀.

Rɔmɛ̀n-anmàn-bɔ̀ 10:2

Annanwɔrɛ mɛ̀n lɔ, me le di yɔ dalɛfue tɛ̀ le, edùyì yɩ́ y'ɛnbɔrɛ lɔ Ɔwɔ kɔ̀hɔ̀n-hán mɛ̀n, tɛ́n y'edùyì lɔ kè sɩ̀ dù ankà-nyrì yri-kàn mɛ̀n.

1 Korɛntɛ̀n anmàn-bɔ̀ 16:2

Ɛnyànman-bì lɔ fɛn ɔwrɔnwrɔn kɛ̀ hɛ́n ɔhɔ́nan n'eyri ɛbemɛ̀n eci-fɔn-ci léyi nɛ́n cɔ̀ nɔn, ô ye bɩ́ vrá m'ɛvá bì lɔ, yakɛ yɛ fɔ́n eci.

1 Korɛntɛ̀n anmàn-bɔ̀ 9:17

Ke dú kɛ mɛ́n dùku de mɛ̀n mrɛ́n ɔkɔ̀hɔ̀n lɔ mɛ́n bɩ nɔn, mɛ lɛ ẅɛn ɔwɔ̀ɛn-dì kɔrɛ̀-levri; tɛ́n ɔmuhi, yɛ wá ɔkɔ̀hɔ̀n lɔ yɛ tán mɛ̀n nɔn, mɛ hán eci léyi yɛ wá tán mɛ̀n nɔn sɔ̀hɔ̀ mɛ̀n.

Galasi anmàn-bɔ̀ 4:15

Nyɛ́n dú ɛnbɔrɛ-bruemɛ̀n anvrɛnvrɛn mɛ̀n! Ankà tán de srɔ́n nyɛ̀n esù nɛ́n? Me le dí nyɛ̀n dalɛfuɛ ndɔ lɔ tɛ̀: ke dú kɛ kè dú eci-hán-ci hô, nye le frɛ ny'anvɛ̀ hɔ̀n lɔ nyɛ́n tán mɛ̀n!

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Kɔlɔsèn anmàn-bɔ̀ 4:13

Me le di nɛ̀n dalɛfuɛ ndɔ lɔ tɛ̀: nɛ kán ɛgbàn bobrebe ny'ɛkruhú, anwrɔn hɔ̀n léyi dú Laodise mán Hierapolisɛ̀n anmàn nɔn yɔ mán.

1 Tesalonikɛ̀n anmàn-bɔ̀ 2:8

Bɔ̀ ẅɛn ny'ɛcüɛ̀n vri anvrɛnvrɛn kɩ bɔ̀ krɔn kpehɛ́n ô bɔ̀ dɔ́ nyɛ̀n Ɔwɔ Mɛẅi ankà Ankrànkràn lɔ, tɛ́n bɔ̀ vru bɔ̀ tán nyɛ̀n bɔ́ ɛwúvà mumù lɔ fɛn. Nyɛ́n srɔ bɔ́ edù-yɔ-ci!

Filemɔn 1:14

Tɛ́n mɛ́n sɩ́ ji mɛ̀n hán eci zriɛmɛ́n v'ɛmɛẅi, ô kɛ̀ hán tán mɛ́n ɛ̀ hán anvrɛn kèkrèmɛ̀n, tɛ́n ɛnbɔrɛ ankrankran mɛ̀n.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 5:2

nyɛ́n wá esùva kɛ̀ hán annɔn-kua-bɔ̀ léyi Ɔwɔ bɩ́ nɛ́n kɔ̀kɔ̀sɛ̀-kà wá antamɛ̀n nɔn, nyɛ́n wá nɛ̀n esùvá kɩ kè sɩ̀ dù kèkrèmɛ̀n, tɛ́n ɛnbɔrɛ ankrankran mɛ̀n, hán ɔmu le Ɔwɔ ke ji nɔn. Nyɛ́n hán eci ke bɩ́ dú ɔkùa jiemɛ̀n, tɛ́n ɛnbɔrɛ ankrankran mɛ̀n.