Biblia Todo Logo
Bìoball air-loidhne

- Sanasan -




2 Korɛntɛ̀n anmàn-bɔ̀ 8:1 - Ɛmɛẅi ankà ankrànkràn 2003

1 Anwrɔn-nɛ́n-muan-ẅì hɔ̀n, bɔ́ ji nyɛ́n nyri ɔmu le Ɔwɔ boafɔ̀n yé n'edomɛ̀n Maseduhanɛ̀n kpɔsɔ wú Wɔ-fɛcüè-bɔ̀ mɛ̀n nɔn.

Faic an caibideil Dèan lethbhreac




2 Korɛntɛ̀n anmàn-bɔ̀ 8:1
15 Iomraidhean Croise  

Eci-bɩtan-wrɔn léyi cɔ́ ɔkùa-ẅì ɛkoẅi-ɛvà nɔn, vá nɛ̀n ɛtɛ̀sɛ̀n kɩ zɛtɛn kɛ dɔ̀ le: ‘Ankà-yé-wrɔn ɛ̀ tán mɛ̀n ansɩ̀kɛ-kùa-ẅì ɛkoẅi-ɛvà. Nyàn ɛkoẅi-ɛvà léyi mɛ́n cɔ̀ mɛ̀n kɛ́n ɛwú nɔn.’


Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.


Ɛnnyran lɔ, Pɔlɛ̀n cɔ́ Ɔwɔ-mɛ̀n-yri-kàn tɔ̀n: nɛ̀n kán Masedúhanɛ̀n-anmàn-wrɔn tɔ̀n, nyɔn ɛwú kɛ sɛ́n nɛ̀n, kɩ kɛ dɔ̀ le: “È ci Masedúhanɛ̀n kpɔsɔ wú, ô ɛ̀ và wá bɔ̀ ɔkɔrɛ̀!”


Ɛnànwàn bobrebe hɔ̀n vacì, mɛ̀n vru ɛmɛẅì mɛ̀n vá Zherüzalɛmɛ̀n, ô mɛ̀n bɩ́ ɛkɔrɛ̀-wá mɛ̀n vá sɩ́ mɛ́n fɛcüè, ô mɛ̀n ce Ɔwɔ eci.


Annanwɔrɛ mɛ̀n lɔ, Maseduhanɛ̀n mán Akahi Krisì-sɛ̀nkɛn-bɔ̀ wá le, yɔ lɛ fɔ́n eci yɔ tán ɛmian-bɔ̀ fɛcüè léyi dú Zherüzalɛmɛ̀n anmàn nɔn.


Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.


Kɩ ɛnvra léyi mɛ̀n dú ny'edúyri nɔn, mɛ̀n sɩ̀ dù ɔwrɔn zriɛmɛ́n kɔrɛ̀-wá mɛ̀n ɛnvra léyi eci kɛ ẅɛn mɛ̀n ɛmìan nɔn, ɔmuhi anwrɔn-nɛ́n-muan-ẅì hɔ̀n léyi dú Maseduhanɛ̀n kpɔsɔ wú và nɔn, vá sɩ́ mɛ̀n ɛci hɔ̀n lɔ fɛn léyi me ji nɔn. Mɛ̀n ẅɛn m'edomɛ̀n mɛ̀n hɛ́n, ô mɛ́n bɩ́ srɔ ɛnlowrú mɛ́n tán nyɛ̀n eci totɔtɔ̀n mɛ̀n, kɩ me le dú esùva ndɔ lɔ n'ɛwá mɛ̀n.


Ɔmuhi eci-bɩtan kɔ̀hɔ̀n léyi nyɛ hán nɔn, ke sɩ́ wá ankaẅì-bùtan-ẅɛn-bɔ̀ ɛkɔrɛ̀ tɛ̀kɩ, tɛ́n ne vru nɛ wá ɛnyrì-kùɛn-tán wɔ-sɛ̀n bobrebe sɩ́ Ɔwɔ tɛ̀sɛ̀n.


Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n.


Ɔtrɔ mɛ̀n lɔ, ke dú kɛ Maseduhanɛ̀n kpɔsɔ wú bɔ̀ mɛhi bɔ́ và kɩ kè sɩ̀ cɔ́ nyɛ̀n, nyɛ́n krɔ̀n kpehɛ́n, bɔ́ le dú anvɛvrà mɛ̀n ɔmuhi bɔ̀ ẅɛn esɛ́ ny'ɛwú, kɩ bɔ́ sɩ̀ dɔ́ ankà zriɛmɛ́n rɔ́ anvɛvrà ndɔ léyi ke le dú nyɛ tɛn nɔn kruhú!


Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.


Ɔkɔ̀hɔ̀n ndɔ lɔ, n'ɛhán mɛ̀n lɔ, mɛ hán ɔkɔ̀hɔ̀n kɩ mɛ̀n dú ecüìwrɔn mɛ̀n, Krisì cüì léyi kɛ tán mɛ̀n nɔn, n'ɛkɔrɛ̀-srɔn mɛ̀n.


Ɛcüɛ̀n ndɔ de nye yé tán nyɛ́n muan-ẅì hɔ̀n lɔ fɛn léyi dú Maseduhanɛ̀n kpɔsɔ wú nɔn. Tɛ́n bɔ́ yɩ́ nyɛ̀n edù, anwrɔn-nɛ́n-muan-ẅì hɔ̀n, nyɛ́n vru nyɛ́n hán kɛ̀ vrán ndɔ lɔ.


Lean sinn:

Sanasan


Sanasan