2 Korɛntɛ̀n anmàn-bɔ̀ 7:9 - Ɛmɛẅi ankà ankrànkràn 2003

⁹ Tɛ́n zɛtɛ̀ lɔ mɛ brá pɔpüɛ̀ kɩ kè sɩ̀ dù hɩ le mɛ̀n wá nyɛ̀n obòtò ɛmɛ̀n nɔn, tɛ́n ny'obòtò lɔ hán nyɛ̀n nyɛ́n crɔn ny'eci-hán-ci. Obòtò ndɔ lɔ ndù hán hɩ le Ɔwɔ ke ji nɔn, hán tán kɩ bɔ̀ sɩ̀ vrù hán nyɛ̀n ɛgbàn zriɛmɛ́n.

2 Korɛntɛ̀n anmàn-bɔ̀ 7:9 Iomraidhean Croise

Matie 3:8

Nyɛ́n hán eci ke yé le nyɛ́n crɔn ɛnkruɛ,

Lükɛ̀n 15:10

Ɔmu zri lɔ, mɛ dɔ́ nyɛ̀n, pɔpüɛ̀-brà dú Ɔwɔ-kuyüre-bɔ̀ mɛ̀n, ɛgbàn-hán-wrɔn zri léyi bú ɛwúvà wrù ɛnkrú nɔn n'ɛkruhú.”

Lükɛ̀n 15:32

Tɛ́n, ke ji le bɔ̀ brá pɔ̀püɛ̀, bɔ̀ koran, ɔmuhi ɔmuan-ẅì léyi nyɔn nɔn, nwù kɩ nɛ̀n vru nɛ̀n vá ɔkɔrɛ-bɔ̀ mɛ̀n, nɛ̀n zrɛ́n kɩ mɛ̀n cɔ́ nɛ̀n!’ ”

Lükɛ̀n 15:7

Ɔmu zri lɔ mɛ dɔ́ nyɛ̀n, pɔpüɛ̀-brà ke le dú anhobɩ́ ke le sevri kɛ̀ tán ɛgbàn-hán-wrɔn zri léyi bú ɛwúvà ɛnkru, kɛ lɛ vrán anwrɔn ɛkoẅi-anzɔ̀ mán ɛẅì ɔmɔ̀rɔ̀ léyi zrɔ ndù nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 20:21

Mɛ̀n bi Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀ nɔn, yɔ crɔn ɛnkru, ô yɔ bú Ɛẅɛnwrɔn Zhezü ankà yɔ tán ankaẅì.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 2:16

Anwrɔn janbɔ̀ tɛn, ndɔ̀ lɔ dú owù dɔ̀ léyi ke sɩ́ owúemɛ̀n nɔn; kɩ anwrɔn ndɔ hɔ̀n tɛn, ndɔ̀ lɔ dú ɛwúvà dɔ̀ léyi ke sɩ́ ɔkɔrɛ mɛ̀n nɔn. Antɔn de krɔn pkehɛ́n kɛ lɛ hán ɔkɔ̀hɔ̀n ɔmu lɔ nɛ́n?

2 Korɛntɛ̀n anmàn-bɔ̀ 7:8

Annanwɔrɛ mɛ̀n lɔ, ke dú kɛ owrú léyi mɛ̀n merɛ́n nyɛ̀n nɔn, kɛ tán nyɛ̀n obòto hô, mɛ̀n sɩ̀ ẅɛ̀n n'obòtò zɛtɛ̀ lɔ. Mɛ̀n ẅɛn n'obòtò ɛnvra léyi mɛ́n cɔ̀, mɛ̀n nyri ɔmu le owrú ndɔ lɔ tán nyɛ̀n obòtò ɛnvra bruemɛ̀n tɛ̀kɩ.