2 Korɛntɛ̀n anmàn-bɔ̀ 7:7 - Ɛmɛẅi ankà ankrànkràn 2003

⁷ Kɩ kè sɩ̀ dù n'ɛvà lɔ tɛ̀kɩ de kɛ̀ tán bɔ̀ ecüì ndɔ lɔ nɔn, tɛ́n vru dú ɔmu le nyɛ́n hán nyɛ́n tán nɛ́n dùku ɛnbɔrɛ-bi-wá nɔn. Nɛ́n dɔ́ bɔ̀ ɛkàn léyi nyɛ́n vru nye ji nyɛ́n kán mɛ̀n, ny'obòto ankà, ny'edùyì léyi nyɛ́n ẅɛn m'ankà-dɔ̀ tán ci-hán mɛ̀n nɔn yi ankà. Kɩ nyàn eci le kruhú léyi mɛ́n pɔpüɛ̀-brà vru dú evrisiemɛ̀n nɔn.

2 Korɛntɛ̀n anmàn-bɔ̀ 7:7 Iomraidhean Croise

Matie 26:75

kɩ ankà léyi Zhezü dɔ̀ nɔn, bru Piɛrɛ̀n: “Ɔkɔ̀sɔ̀-cüì ke sɩ̀ di nkù, kɩ ɛ lɛ dɔ́ andɛ̀n-anhɔ̀n le, è sɩ̀ nyrì mɛ̀n.” Piɛrɛ̀n srɔ ɛntrɛ kɩ ke wú eyú obòto mɛ̀n.

Matie 5:4

Ɛnbɔrɛbru dú anwrɔn hɔ̀n léyi dú obòto mɛ̀n, ɔmuhi yɔ lɛ cɔ́ ɛnbɔrɛ-bi-wá nɔn!

Lükɛ̀n 22:44

Zhezü dú ejüeziemɛ̀n kɩ nɛ sán sɛ́n Ɔwɔ edùyiemɛ̀n. N'ɛnwrù lɔ srɔ ɛnkrɛ̀ kɛ srá cüe ɛnhibɩ́ɛ.]

Ɔkɔ̀hɔ̀n-wá-bɔ̀ kɔ̀hɔ̀n hán 11:23

Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.

Rɔmɛ̀n-anmàn-bɔ̀ 1:12

Mɛ̀n vru mɛ wá kpankpan mɛ̀n dú nyɛ̀n ɛmɛ̀n, ô bɔ́ lɔ fɛn bɔ̀ cɔ́ edùyì tɔ̀n, mɛ̀n, ny'ankaẅì-bùtan-ẅɛn mɛ̀n, nyɛ́n mán, m'ankaẅì-bùtan-ẅɛn mɛ̀n.

1 Korɛntɛ̀n anmàn-bɔ̀ 5:2

Kɩ nye vru nyɛ hán ɛgbúgbú-ci! Tɛ́n ke ji le, eci-hán ndɔ lɔ kè dú ny'edomɛ̀n-bru-ankà, ô eci gbàngbàn-hán-wrɔn ndɔ lɔ, yɛ wrɔ́ nɛ̀n ny'anwanzi.

2 Korɛntɛ̀n anmàn-bɔ̀ 1:14

nyɛ yá zɛtɛ̀ lɔ ɛcá mán ɛcá mɛ̀n: bɔ́ Ɛẅɛnwrɔn Zhezü vá bì lɔ, ɛkɔrɛ̀-levri dù nye le gbú ɔmùan bɔ́ ɛwú kɩ bɔ́ mán bɔ́ le gbú ɔmùan ny'ɛwú.

2 Korɛntɛ̀n anmàn-bɔ̀ 1:4

Ne bi ɛnbɔrɛ wá bɔ̀, bɔ́ ɛgbànkàn hɔ̀n lɔ mɛ̀n, ô bɔ́ mán bɔ̀ bi ɛnbɔrɛ bɔ̀ wá anwrɔn léyi ke ci ɛgbànkàn bobrebe zìwú, ô bɔ̀ hɔ̀n sɩ́ yɔ ɛnbɔrɛ-bi-wá léyi bɔ̀ cɔ́ n'eyri nɔn.

2 Korɛntɛ̀n anmàn-bɔ̀ 2:9

Annanwɔrɛ mɛ̀n lɔ, nyàn eci le kruhú léyi mɛ̀n merɛ́n nyɛ̀n owrú nɔn: me ji mɛ̀n wɔɛn nyɛ̀n mɛ̀n nyan, ô mɛ̀n kán ɔmu le ɛnvra lɔ fɛn, nyɛ́n krɔn kpehɛ́n nyɛ́n ẅɛn m'ankà-yé lɔ nyɛ́n hɛ́n nɔn.

2 Korɛntɛ̀n anmàn-bɔ̀ 5:2

Kɩ bɔ́ srɔ́n nwàn zɛtɛ̀ lɔ, ɔmuhi bɔ́ ji bɔ̀ ẅɛn b'anhobɩ́ dúyri lɔ bɔ́ dú ɛmɛ̀n;

2 Korɛntɛ̀n anmàn-bɔ̀ 7:6

Tɛ́n Ɔwɔ léyi ke sɩ́ edùka-bɔ̀ dùyì lɔ ɛwú nɔn, tán bɔ̀ ecüì Titɛ̀n và lɔ mɛ̀n.

2 Korɛntɛ̀n anmàn-bɔ̀ 7:8

Annanwɔrɛ mɛ̀n lɔ, ke dú kɛ owrú léyi mɛ̀n merɛ́n nyɛ̀n nɔn, kɛ tán nyɛ̀n obòto hô, mɛ̀n sɩ̀ ẅɛ̀n n'obòtò zɛtɛ̀ lɔ. Mɛ̀n ẅɛn n'obòtò ɛnvra léyi mɛ́n cɔ̀, mɛ̀n nyri ɔmu le owrú ndɔ lɔ tán nyɛ̀n obòtò ɛnvra bruemɛ̀n tɛ̀kɩ.

2 Korɛntɛ̀n anmàn-bɔ̀ 8:16

Ɛmrɛ́n kè dú Ɔwɔ tɛn, nɛ́n léyi nɛ̀n wá Titɛ̀n edùyì edomɛ̀n, hán bɔ́ hɔ́, ny'ɛkruhú nɔn!

Filipɛ̀n anmàn-bɔ̀ 1:20

Annanwɔrɛ mɛ̀n lɔ, eci léyi mɛ vrá hɩ mɛ ẅɛn esɛ́ n'ɛwú nɔn, ke sɩ̀ tán mɛ̀n anvɛvrà zriɛmɛ́n. Tɛ́n, zɛtɛ̀ lɔ mán ɛnvra lɔ fɛn, esɛ́ vri mɛ̀n, me le yé Krisì vrisɩ̀ lɔ, m'antà-duwrú mumù lɔ fɛn mɛ̀n, ke dú ɔkɔrɛ mɛ̀n mán, ke dú owúemɛ̀n mán.

Kɔlɔsèn anmàn-bɔ̀ 2:5

Hɩ mán, ke dú kɛ, mɛ̀n sɩ̀ dú nyɛ̀n ɛmɛ̀n antà-dùwrúemɛ̀n hô, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n, kɩ mɛ̀n dú ɛnbɔrɛ-bruemɛ̀n, hɩ le mɛ kán nyɛ̀n nyɛ nyɔn ɛshishiemɛ̀n ny'ankaẅì-bùtan-ẅɛ̀n Krisì mɛ̀n nɔn.

1 Tesalonikɛ̀n anmàn-bɔ̀ 3:6

Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn.

1 Tesalonikɛ̀n anmàn-bɔ̀ 3:8

Zɛtɛ̀ lɔ bɔ̀ dú ɛwúvà wrù mɛ̀n, ɔmuhi nyɛ́n ẅɛn nɛ̀n ɛshishiemɛ̀n nyɛ́n hɛ́n nyɛ́n mán Krisì mɛhi ny'ɔbɔ̀sɔ̀ lɔ mɛ̀n nɔn.

Ebre-bɔ̀ 2:1

Hɩ le kruhú de ke ji le ankà hɔ̀n léyi bɔ̀ yá nɔn, bɔ̀ ẅɛ̀n bɔ̀ hɛ́n ɛshishiemɛ̀n, ô bɔ́ bɩ́ hɔ́n bɔ́ ɛzrɛ́n mɛ̀n.

Zhakɛ̀n 5:17

Eli dú ɔwrɔnẅì hán bɔ́ hɔ́: nɛ̀n sɛ́n Ɔwɔ edùyiemɛ̀n ô ɛnshi ke bɩ́ nán, kɩ ɛnshi ẅì zriɛmɛ́n kè sɩ̀ nàn ɛnnanwàn kru anhɔ̀n mán ɛcá.

2 Zhan 1:4

Mɛ̀n dú ɛnbɔrɛ-bruemɛ̀n ɛnvra léyi mɛ́n cɔ̀ mɛ́n nyrì le v'ɛẅì hɔ̀n janbɔ̀ dú ɛwúvà annanwɔrɛ mɛ̀n hán ɔmu le Ɔwɔ Zi wá tán nɔn.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.