2 Korɛntɛ̀n anmàn-bɔ̀ 7:6 - Ɛmɛẅi ankà ankrànkràn 2003

⁶ Tɛ́n Ɔwɔ léyi ke sɩ́ edùka-bɔ̀ dùyì lɔ ɛwú nɔn, tán bɔ̀ ecüì Titɛ̀n và lɔ mɛ̀n.

2 Korɛntɛ̀n anmàn-bɔ̀ 7:6 Iomraidhean Croise

Matie 5:4

Ɛnbɔrɛbru dú anwrɔn hɔ̀n léyi dú obòto mɛ̀n, ɔmuhi yɔ lɛ cɔ́ ɛnbɔrɛ-bi-wá nɔn!

Zhan 14:16

Mɛ lɛ sán Dade kɛ̀ tán nyɛ̀n ɔwrɔn nyantɛn tɔ̀n kɛ wá nyɛ̀n ɛkɔrɛ̀, annanwɔrɛ Hɛ́n Prɔnprɔn, ô nɛ̀n dú nyɛ̀n ɛmɛ̀n ɛnvra lɔ fɛn.

Rɔmɛ̀n-anmàn-bɔ̀ 15:5

Ke ji le, Ɔwɔ léyi dú ɛnbɔrɛ-ẅɛ̀n-hɛ́n mán ɛnbɔrɛ-bi-wá shi-bɛ́ nɔn kɛ tán nyɛ̀n ɛwúvà-mùan-krɔn nyɛ́n mán nyɛ́n nyran hɔ̀n mɛhi, ô nyɛ́n bɩ́ Zhezü Krisì sɛnpò lɔ nyɛ́n nán esù ɛwú.

2 Korɛntɛ̀n anmàn-bɔ̀ 7:13

Hɩ le kruhú de ny'ankà-tro ci-hán tán bɔ̀ ɛnbɔrɛ-bi-wá nɔn. Bɔ́ sɩ̀ cɔ̀ ɛnbɔrɛ-bi-wá tɛ̀kɩ; bɔ̀ cɔ́ pɔpüɛ̀-brà vru sevri ɛnvra léyi bɔ̀ kán Titɛ̀n dú ɛnbɔrɛ-bruemɛ̀n, ɔmu le nyɛ lɛ fɛn nyɛ́n hán nyɛ́n tán nɛ̀n esɛ́ nɔn.

2 Korɛntɛ̀n anmàn-bɔ̀ 7:14

Ke dú kɛ mɛ̀n gbú ɔmùan ẅiɛ jan ny'ɛwú, n'ɛtɛ̀sɛ̀n hô, nyɛ́n sɩ̀ tán mɛ̀n anvɛvrà. Tɛ́n, ɔmu zri léyi bɔ́ dɔ́ nyɛ̀n ankà annanwɔrɛ nɔn, ɔmu zri lɔ ɛmrɛ́n léyi bɔ̀ tán nyɛ̀n Titɛ̀n tɛsɛ̀n nɔn, ɛmrɛ́n lɔ dú ɛnyrɔnnan mɛ̀n.

2 Korɛntɛ̀n anmàn-bɔ̀ 7:7

Kɩ kè sɩ̀ dù n'ɛvà lɔ tɛ̀kɩ de kɛ̀ tán bɔ̀ ecüì ndɔ lɔ nɔn, tɛ́n vru dú ɔmu le nyɛ́n hán nyɛ́n tán nɛ́n dùku ɛnbɔrɛ-bi-wá nɔn. Nɛ́n dɔ́ bɔ̀ ɛkàn léyi nyɛ́n vru nye ji nyɛ́n kán mɛ̀n, ny'obòto ankà, ny'edùyì léyi nyɛ́n ẅɛn m'ankà-dɔ̀ tán ci-hán mɛ̀n nɔn yi ankà. Kɩ nyàn eci le kruhú léyi mɛ́n pɔpüɛ̀-brà vru dú evrisiemɛ̀n nɔn.

Filipɛ̀n anmàn-bɔ̀ 2:1

Ny'ɔbɔ̀sɔ̀ nyɛ́n mán Krisì mɛhi kɛ tán nyɛ̀n edùyì hɛ̀? N'ɛcüɛ̀n kɛ vá sɩ́ nyɛ̀n ɛnbɔrɛ-bi-wá? Nyɛ́n mán Ɛnhɛ́n Prɔnprɔn mɛhi nyɛ́n dú ɔbɔ̀sɔmɛ̀n hàn? Nyɛ́n ẅɛn ɛcüɛ̀n mán ɛnbɔrɛ-wɔwɔ nyɛ tán ny'edomɛ̀n hàn?

1 Tesalonikɛ̀n anmàn-bɔ̀ 3:2

kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,