2 Korɛntɛ̀n anmàn-bɔ̀ 7:12 - Ɛmɛẅi ankà ankrànkràn 2003

¹² Ke dú kɛ mɛ̀n merɛ́n nyɛ̀n owrú hô, kè sɩ̀ dù ɔwrɔn léyi hán ɛgbàn mán nɛ́n léyi yɛ hán nɛ̀n ɛgbàn nɔn kruhú. Tɛ́n, nyɛ́n cɔ̀ nyɛ́n nyri kpete mɛ̀n Ɔwɔ zìwú le nyɛ́n hán edùyi-ci bɔ́ ɛkruhú.

2 Korɛntɛ̀n anmàn-bɔ̀ 7:12 Iomraidhean Croise

2 Korɛntɛ̀n anmàn-bɔ̀ 11:11

Cɛci kruhú kɛ mɛ̀n dɔ́ ankà ndɔ lɔa? Ke le dù tán le mɛ́n sɩ́ cüɛ̀n nyɛ̀n hàn? Ɔwɔ nyri anvrɛnvrɛn le mɛ cüɛn nyɛ̀n!

2 Korɛntɛ̀n anmàn-bɔ̀ 11:28

Kɩ hɩ le wɔrɔ dù nɔn, mɛ́n sɩ́ dɔ́ n'ankà, m'ɛnbì lɔ fɛn ci-hán mán ndù: ankà-tro léyi mɛ ẅɛn Ɔwɔ-fɛcüè-bɔ̀ lɔ fɛn wú nɔn.

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 2:9

Annanwɔrɛ mɛ̀n lɔ, nyàn eci le kruhú léyi mɛ̀n merɛ́n nyɛ̀n owrú nɔn: me ji mɛ̀n wɔɛn nyɛ̀n mɛ̀n nyan, ô mɛ̀n kán ɔmu le ɛnvra lɔ fɛn, nyɛ́n krɔn kpehɛ́n nyɛ́n ẅɛn m'ankà-yé lɔ nyɛ́n hɛ́n nɔn.

2 Korɛntɛ̀n anmàn-bɔ̀ 7:8

Annanwɔrɛ mɛ̀n lɔ, ke dú kɛ owrú léyi mɛ̀n merɛ́n nyɛ̀n nɔn, kɛ tán nyɛ̀n obòto hô, mɛ̀n sɩ̀ ẅɛ̀n n'obòtò zɛtɛ̀ lɔ. Mɛ̀n ẅɛn n'obòtò ɛnvra léyi mɛ́n cɔ̀, mɛ̀n nyri ɔmu le owrú ndɔ lɔ tán nyɛ̀n obòtò ɛnvra bruemɛ̀n tɛ̀kɩ.

Kpàkpà timote 3:5

Annànwɔrɛ mɛ̀n lɔ, ke dú kɛ ɔwrɔn tɔ̀n ke sɩ́ nyri ẅɛn n'ɛmɛ̀n mɛ̀n bɔ̀ anvrɛnvrɛn, anhɔntan de nɛ lɛ hán, ô nɛ̀n nyrì ẅɛn Ɔwɔ-fɛcüè nɛ́n?