2 Korɛntɛ̀n anmàn-bɔ̀ 7:10 - Ɛmɛẅi ankà ankrànkràn 2003

¹⁰ Ɔmuhi, obòtò léyi ke ci Ɔwɔ ankɔ̀nda ci-hán mɛ̀n nɔn, kɛ tán ɛnkru-crɔn ci-hán tɔ̀n léyi ke sɩ́ ɛwúvà-kɔrɛ̀ mɛ̀n, kɩ ye sɩ́ vru boto nɛ̀n hàn. Tɛ́n obòtò léyi ɛnhibù ankà-tro hɔ̀n kɛ tán nɔn, ke sɩ́ owù.

2 Korɛntɛ̀n anmàn-bɔ̀ 7:10 Iomraidhean Croise

Matie 26:75

kɩ ankà léyi Zhezü dɔ̀ nɔn, bru Piɛrɛ̀n: “Ɔkɔ̀sɔ̀-cüì ke sɩ̀ di nkù, kɩ ɛ lɛ dɔ́ andɛ̀n-anhɔ̀n le, è sɩ̀ nyrì mɛ̀n.” Piɛrɛ̀n srɔ ɛntrɛ kɩ ke wú eyú obòto mɛ̀n.

Lükɛ̀n 15:10

Ɔmu zri lɔ, mɛ dɔ́ nyɛ̀n, pɔpüɛ̀-brà dú Ɔwɔ-kuyüre-bɔ̀ mɛ̀n, ɛgbàn-hán-wrɔn zri léyi bú ɛwúvà wrù ɛnkrú nɔn n'ɛkruhú.”

Lükɛ̀n 18:13

Anmàn-wɔɛ̀n-yrɛ-wrɔn tɛ́n nyɔn ɔhɔnán, kɩ nɛ́n sɩ́ sɩ́ anvɛ̀ ɛwú rɔ́a, tɛ́n, ne gorɛ ɛkɔrɛ̀ angbà, nɛ dɔ̀ le: ‘Ô Ɔwɔ, è nyri mɛ̀n ɛnhyɔ̀bɔ̀, mɛ̀n léyi mɛ̀n dú ɛgbàn-hán-wrɔn nɔn.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 11:18

Ɛnvra léyi yɔ yá ankà ndɔ hɔ̀n lɔ trɔ nɔn, yɔ sɩ́ y'edomɛ̀n ɛnhi kɩ yɔ mrɛ́n Ɔwɔ yɔ dɔ̀ le: “Dú annanwɔrɛ, Ɔwɔ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, mán ɛkɔrɛ̀levri kɛ̀ crɔn ɛnkru ô kɛ̀ cɔ́ ɛwúvà annanwɔrɛ.”

Ɔkɔ̀hɔ̀n-wá-bɔ̀ kɔ̀hɔ̀n hán 3:19

Nyɛ́n crɔn ny'ɛci-hán-ci, ô nyɛ́n crɛ ezì nyɛ́n kɛ́n Ɔwɔ, ô nɛ̀n jru ny'ɛgbàn hɔ̀n lɔ.

2 Korɛntɛ̀n anmàn-bɔ̀ 12:21

Mɛ ẅɛn ɛnjansù le m'ɛyri hɔ̀n lɔ mɛ̀n, m'Ɔwɔ kɛ lɛ trɔ mɛ̀n ezì ny'ezìwú, kɩ me le wú eyú mɛ̀n ku bobrebe hɔ̀n léyi dú ɛgbàn hán mɛ̀n nɔn ɛwú hán ɛnbiɛhɛ́n vra lɔ, kɩ yɔ sɩ̀ crɛ̀ ezì sɔhɔ́ ɛnbrá-ci-hán mɛ̀n, ɛwúvà gbàngbàn-ẅɛn mɛ̀n, mán ɛnkru-fé ci hɔ̀n léyi yɔ hán nɔn mɛ̀n.

2 Korɛntɛ̀n anmàn-bɔ̀ 7:9

Tɛ́n zɛtɛ̀ lɔ mɛ brá pɔpüɛ̀ kɩ kè sɩ̀ dù hɩ le mɛ̀n wá nyɛ̀n obòtò ɛmɛ̀n nɔn, tɛ́n ny'obòtò lɔ hán nyɛ̀n nyɛ́n crɔn ny'eci-hán-ci. Obòtò ndɔ lɔ ndù hán hɩ le Ɔwɔ ke ji nɔn, hán tán kɩ bɔ̀ sɩ̀ vrù hán nyɛ̀n ɛgbàn zriɛmɛ́n.

Ebre-bɔ̀ 12:17

Ɛnvra nvacì, nyɛ́n nyrì le, nɛ̀n ji ɛnshifù nɛ́n zi yri, tɛ́n nɛ́n zi kɛ́n nɛ̀n hɛ́n. Nɛ̀n sɩ̀ cɔ̀ ankà lɔ n'ɛnkru n'eyúwuemɛ̀n mán.