2 Korɛntɛ̀n anmàn-bɔ̀ 7:1 - Ɛmɛẅi ankà ankrànkràn 2003

¹ Ɔmùan-wá ndɔ hɔ̀n lɔ fɛn zrɔ tán bɔ̀, annyran-anvrɛn hɔ̀n. Hɩ le kruhú de, ke ji le bɔ́ fi edomɛ̀n bɔ̀ tán edùwrú mán wàwúyɛ, ô bɔ̀ cɔhɔ́ ɛnbrá-ci hɔ̀n lɔ fɛn tɛ̀sɛ̀n, ô bɔ̀ hán kèkrèmɛ̀n bɔ̀ srɔ prɔnprɔn kokroho, Ɔwɔ wá mɛ̀n, bɔ́ ɛwúvà ẅɛn mɛ̀n.

2 Korɛntɛ̀n anmàn-bɔ̀ 7:1 Iomraidhean Croise

Matie 12:33

“Ke dú kɛ nye ji nyɛ́n cɔ́ antɛ̀-ẅì ankrànkràn hô, ke ji le nyɛ́n ẅɛn ɛtɛ̀ ankrànkràn; ke dú kɛ nyɛ ẅɛn ɛtɛ̀ gbàngbàn hô, nyɛ lɛ cɔ́ antɛ̀-ẅì gbàngbàn. Ɔmuhi ye nyri ɛtɛ̀, n'ɛẅì léyi ne shì nɔn kruhú.

Matie 5:48

Nyɛ́n krɔn kpehɛ́n kɛ hán nyɛ́n Zi léyi dú anhobɩ́ nɔn hɔ́.”

Matie 5:8

Ɛnbɔrɛbru dú anwrɔn hɔ̀n léyi ɛnbɔrɛ mɛ̀n nfì, ɔmuhi yɔ lɛ kán Ɔwɔ nɔn!

Ɔkɔ̀hɔ̀n-wá-bɔ̀ kɔ̀hɔ̀n hán 9:31

Zɛtɛn Ɔwɔ fɛcüè dú anwɔwɔmɛ̀n, Zhüde, Galile mán Samari kpɔsɔ wú; fɛcüè ndɔ lɔ kɛ ẅɛn ecüì kɩ dú edomɛ̀n ɛnhi-sɩemɛ̀n Ɛẅɛmwrɔn zìwú, nɛ sán sevri Ɛnhɛ́n Prɔnprɔn cüiemɛ̀n.

Rɔmɛ̀n-anmàn-bɔ̀ 5:20

Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n.

1 Korɛntɛ̀n anmàn-bɔ̀ 6:20

nyɛ́n srɔ Ɔwɔ tɛn, nɛ̀n di yi wɔ̀ɛn. Nyɛ́n bɩ́ ny'edùwrú dùku lɔ, nyɛ́n wá Ɔwɔ ci-zrɔ ci-bɩ̀tan kɔ̀hɔn mɛ̀n.

2 Korɛntɛ̀n anmàn-bɔ̀ 1:20

annanwɔrɛ mɛ̀n lɔ, nɛ̀n dú “Hɛ̀ɛ̀” léyi ke yé Ɔwɔ mùan-wá hɔ̀n lɔ fɛn nɔn. Zhezü Krisì bɩmɛ̀n de bɔ́ dɔ̀ le “Kè dú ɔmu lɔ”, ô bɔ̀ zrɔ Ɔwɔ eci.

Efɛzɛ̀n anmàn-bɔ̀ 2:3

Bɔ́ lɔ fɛn bɔ́ gó dù hán yɔ hɔ́, bɔ́ hán eci léyi bɔ́ edùwru mán bɔ́ ɛnhɛ́n ke ji nɔn. Ɔmu lɔ de, ɔwrɔnẅì dù léyi bɔ́ dù nɔn, hɩ le kruhú de yɛ wá bɔ̀ Ɔwɔ mrɛ̀ncì lɔ mɛ̀n hán anwrɔn ndɔ hɔ̀n lɔ hɔ́.

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 4:7

Ɔwɔ kè sɩ̀ bi bɔ̀, ô bɔ̀ dú ɛwúvà gbàngbàn-ẅɛn mɛ̀n, tɛ́n bɔ̀ dú prɔnprɔn mɛ̀n.

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

Ebre-bɔ̀ 12:23

Nyɛ́n sɔ̀nba fɛcüè tɔ̀n léyi dú ɔkoran mɛ̀n, fɛcüè léyi dú Ɔwɔ kpàkpà ẅì hɔ̀n tɛ́n, yɔ léyi ye merɛ́n y'ebɩ dú anhobɩ́ nɔn. Nyɛ́n sɔ̀nbà Ɔwɔ ɛtɛ̀sɛ̀n, anwrɔnẅi lɔ fɛn mrɛ̀nci-wrɔn, mán anhɛ́n hɔ̀n léyi dú ɛnyrɔnnan mɛ̀n, hɩ cɔ́ ɛzrɔ krutrɔ nɔn.

Ebre-bɔ̀ 12:28

Zɛtɛn bɔ̀ hán enyri-kùɛn-tán ci; ɔmuhi bɔ̀ cɔ́ anhobɩ́-nɛ̀ncüì-dúyri tɔ̀n léyi ke sɩ̀ jɔ̀kɔ̀ rɔ́ nɔn. Bɔ̀ yé enyrì-kùɛn-tán ci ndɔ lɔ, b'Ɔwɔ ci-bɩtan kɔ̀hɔ̀n lɔ mɛ̀n, kè dù kɛ̀ hán hɩ le nɛ cüɛ̀n nɔn hɔ́, ɔwá mán ɛnjansù kè dú ɛmɛ̀n.

Ebre-bɔ̀ 4:1

Ɔwɔ wá bɔ̀ ɔmùan le bɔ́ le bru ɛwrɔncüe yri léyi nɛ̀n hán nɛ̀n hɛ́n bɔ̀ hán nɔn. Bɔ̀ wá esùva anvrɛnvrɛn, ô ny'ɛmɛ̀n lɔ, ɔwrɔn zriɛmɛ́n ɛwrɔncüe-yri ndɔ lɔ, n'ebru-yri ke bɩ́ wí nɛ̀n ɛwú.

Ebre-bɔ̀ 6:9

Tɛ́n, ke dú kɛ bɔ́ dɔ́ ɔmu lɔ, annyran anvrɛn hɔ̀n, bɔ̀ ẅɛn esɛ́ le nyɛ́n dú ɛnlevri anvrɛnvrɛn wú, ndɔ léyi dú ɛnkrukɔrɛ̀ nɔn.

Zhakɛ̀n 4:8

Nyɛ́n sɔ̀nba Ɔwɔ ɛtɛ̀sɛ̀n kɩ nɛ́n mán nɛ lɛ sɔ̀nba nyɛ̀n ɛtɛ̀sɛ̀n. Nyɛ́n juru ny'ankɔrɛ̀ lɔ, ɛgbàn-hán-bɔ̀; nyɛ́n fi ny'ɛnbɔrɛ hɔ̀n lɔ anbra-di-bɔ̀!

1 Piɛrɛ̀n 1:15

Tɛ́n nyɛ́n dú prɔnprɔn ny'esùnan lɔ fɛn mɛ̀n, hán ɔmu le Ɔwɔ léyi bi nyɛ̀n nɔn dú prɔnprɔn.

1 Piɛrɛ̀n 1:17

Ny'ɔwɔ-sɛ̀n hɔ̀n lɔ mɛ̀n, nyɛ tán Ɔwɔ ebi, Ezi, nɛ́n léyi nɛ́n sɩ̀ ẅɛ̀n anmùan anhyrɛ̀, kɩ ne ci anwrɔnẅì lɔ fɛn ɛmrɛ̀n, ɔwrɔnwrɔn v'eci léyi ɛ̀ hán nɔn, hɩ wú; hɩ le kruhú de ɛnvra léyi wɔrɔ, hɩ nye le dú ɛnu hi-wúvà lɔ mɛ̀n nɔn, ke ji le ny'esùnan kè yé ɔwá léyi nyɛ tán Ɔwɔ nɔn.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

1 Piɛrɛ̀n 2:11

Mɛ dɔ́ nyɛ̀n, annyran anvrɛn hɔ̀n, nyɛ́n léyi nyɛ́n dú ɛmɛ̀n-nyantɛn mɛ̀n bɔ̀, kɩ nyɛ́n dú anwɔ̀nẅiemɛ̀n ɛnhi wú nɔn: nyɛ́n wá ny'edomɛ̀n esùva anwrɔnẅì afùyà ci-hán tɛ̀sɛ̀n, afùyà hɔ̀n léyi kɛ kɔ́n nyɛ̀n anhà edomɛ̀n nɔn.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.

1 Zhan 1:9

Tɛ́n ke dú kɛ bɔ́ krɛ́ bɔ́ ɛgbàn hɔ̀n lɔ, bɔ́ lɛ ẅɛn esɛ́ Ɔwɔ mɛ̀n tɛ̀, ɔmuhi nɛ̀n dú ɛnnyrɔnnan-wrɔn nɔn: ne le ce bɔ̀ bɔ́ ɛgbàn hɔ̀n lɔ kɩ ne le jru bɔ̀ ɛgbàn lɔ fɛn edomɛ̀n.

1 Zhan 3:3

Ɔwrɔn totɔtɔ̀n léyi kɛ ẅɛn esɛ́ ndɔ lɔ Krisì mɛ̀n nɔn, nɛ srɔ ɛfifi, hán ɔmu le Krisì dú ɛfifiemɛ̀n nɔn hɔ́.