2 Korɛntɛ̀n anmàn-bɔ̀ 6:3 - Ɛmɛẅi ankà ankrànkràn 2003

³ Ke sɩ́ ji le yɛ hán b'ɔkɔ̀hɔ̀n lɔ ɛnhyürɛ̀, hɩ le kruhú de bɔ́ sɩ́ ji bɔ̀ jrɛ́ ɔwrɔn zriɛmɛ́n ɛnkruemɛ̀n eci totɔtɔ̀n hán mɛ̀n nɔn.

2 Korɛntɛ̀n anmàn-bɔ̀ 6:3 Iomraidhean Croise

Matie 17:27

Tɛ́n, bɔ́ sɩ́ ji bɔ̀ wá anwrɔn ejüe. Hɩ le kruhú, ɛ̀ hɔ́n nɛnbà cɛ mùan, ɛ̀ kɔ́n ɛcüè è di ɛnshi, è bɩ́ kpàkpà càn léyi ɛ lɛ jüɛ̀ nɔn, è vru nɛ̀n ɔmùan: ɛ lɛ cɔ́ dɔlà kùa-ẅì zri léyi ke le di vɛ́n mán mɛ̀n mɛhi Ɔwɔ-cice-wɔn wɔɛ̀n nɔn; è bɩ́ ɔkùa lɔ è di b'ɔwɔɛ̀n lɔ.”

Matie 18:6

“Ɔwrɔn léyi kɛ hán ɛẅì hɔ̀n ndɔ hɔ̀n léyi ke bú m'ankà kɛ tán ankàẅì, ɛnzri ke bru ɛgbàn mɛ̀n hô, zrɔ tán le ɔwrɔn ndɔ lɔ, ye mú nɛ̀n obù vri tɔ̀n ɔbɔ̀n, ô yɛ kɔ́n nɛ̀n di ecüe.

Ɔkɔ̀hɔ̀n-wá-bɔ̀ kɔ̀hɔ̀n hán 19:27

Pɔlɛ̀n ci-hán ndɔ lɔ kɛ lɛ jrɛ́ b'ɔkɔ̀hɔ̀n lɔ, kɩ ke le vru kɛ hán antɛ̀buri-wɔ-hi léyi dú Artemisɛ̀n nɔn, n'ecice-wɔn bɩ́dì lɔ kɛ̀ zrɛ́n, zɛtɛn antɛ̀buri-wɔ-hi léyi Azi kpɔsɔ wú lɔ fɛn mán ɛnhi mumù lɔ ke cüe ankɔrɛ̀ ezìwú nɔn, ke sɩ̀ vru cɔ́ n'evri-dì hɛ̀.”

Rɔmɛ̀n-anmàn-bɔ̀ 14:13

Ke ji le bɔ̀ teze bɔ́ edomɛ̀n mrɛ̀ncì-ci-hán. Nyɛ́n bɔ̀sɔ́ ny'edomɛ̀n anvrɛnvrɛn, ô ny'eci-hán-ci zriɛmɛ́n ke bɩ́ sɩ́ nyɛ́n muan-ẅì ɛzɛ́n mɛ̀n.

1 Korɛntɛ̀n anmàn-bɔ̀ 9:12

Ke dú kɛ anwrɔn ndɔ hɔ̀n ẅɛn ɛkɔrɛ̀-levri ndɔ lɔ ny'ɛwú, annannan le bɔ́ tɛn bɔ̀ sɩ̀ ẅɛn nɛ́n? Ɔmu tɛ̀kɩ, bɔ̀ sɩ̀ hàn ɛkɔrɛ̀-levri ndɔ lɔ n'eci. Tɛ́n, bɔ̀ ẅɛn ɛnbɔrɛ bɔ̀ hɛ́n, ô ɛtɛ̀ ke bɩ́ dabra dɛ́ Krisì Mɛẅi ankà Ankrankran lɔ n'ɛnlevri wúɛ.

1 Korɛntɛ̀n anmàn-bɔ̀ 9:22

Ɛnvra léyi mɛ̀n mán anwrɔn hɔ̀n léyi ẅɛn ɛjɛ̀ ankaẅì-bùtan mɛ̀n mɛhi bɔ́ dù nɔn, mɛ́n mumù mán mɛ ẅɛn ɛjɛ̀ m'ɛwúvà lɔ mɛ̀n, ô mɛ̀n cɔ́ yɔ. Ɔmu lɔ, mɛ srɔ yɔ lɔ fɛn, yɔ tɛn, ô mɛ̀n cɔ́ ɛyri mɛ̀n bɩ́ ɛnjanbɔ̀ mɛ̀n die.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 8:20

Bɔ́ sɩ́ ji yɛ dɔ́ ankà gbàngbàn ye ku bɔ̀ ɛwú, bɔ́ esùva-wá ci-hán ɔkùa vri ndɔ lɔ tɛ̀sɛ̀n.