2 Korɛntɛ̀n anmàn-bɔ̀ 5:9 - Ɛmɛẅi ankà ankrànkràn 2003

⁹ Tɛ́n eci lɔ fɛn mɛ̀n, bɔ́ ji bɔ̀ cüɛn nɛ̀n ɛvɛ̀, ke dú kɛ bɔ̀ dú edùwrú ndɔ lɔ mɛ̀n mán, kɩ bɔ́ teze nɛ̀n mán.

2 Korɛntɛ̀n anmàn-bɔ̀ 5:9 Iomraidhean Croise

Zhan 6:27

Nyɛ́n bɩ́ hán ɛci-zî léyi kɛ jrɛ́ nɔn, n'ɔkɔhɔ̀n, tɛ́n nyɛ́n ji ɛci-zî léyi dú ɛnvra lɔ fɛn, hɩ kɛ tán ɛwúvà léyi ke sɩ́ trɔa nɔn. Ɛci-zî ndɔ lɔ, ɔwrɔnẅì Ẅì kɛ lɛ tán nyɛ̀n nɛ́n, ɔmuhi Ɔwɔ Zi di nɛ̀n n'ɛkorɛ̀srɔn nrɛ̀n edomɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 10:35

Ɔwrɔn totɔtɔ̀n léyi dú ɛnbrɛ̀-nyantɛn-mɛ̀n-wrɔn, hɩ kɛ ẅɛn Ɔwɔ wá, kɩ kɛ hán ɛnnyrɔnnan-ci nɔn, ɔwrɔn ndɔ lɔ, nɛ̀n dú Ɔwɔ vɛ̀-cüɛn-ci.

Rɔmɛ̀n-anmàn-bɔ̀ 14:18

Ɔwrɔn léyi ke dú Krisì ci-bɩ̀tan-wrɔn, eci ɔmu lɔ hán mɛ̀n nɔn, nɛ cɔ́ Ɔwɔ cüɛ̀n kɩ anwrɔnẅì ke bɩ́ n'ankà.

Rɔmɛ̀n-anmàn-bɔ̀ 14:8

Ke dú kɛ bɔ́ dù hô, bɔ́ dú Ɛẅɛnwrɔn kruhú, kɩ ke dú kɛ bɔ́ wú hô, bɔ́ wú Ɛẅɛnwrɔn kruhú. Ɔmu lɔ, ke dú kɛ bɔ́ dù, ke dú kɛ bɔ́ wù, bɔ̀ dú Ɛẅɛnwrɔn tɛn.

Rɔmɛ̀n-anmàn-bɔ̀ 15:20

Tɛ́n mɛ̀n wá le, mɛ lɛ dɔ́ Ɛmɛẅi ankà Ankrankran lɔ, ɛyri hɔ̀n léyi yɛ vá yá yɛ dɔ́ Krisì ankà, ô ke bɩ́ hán tán ankà-dɔ̀ hɔ̀n lɔ, ke dú anhyrɛ̀, ke dú kɛ ɔwrɔn gɔ́ ci nanvrɛn.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

2 Korɛntɛ̀n anmàn-bɔ̀ 5:6

Edùyì dú bɔ̀ ɛmɛ̀n ɛnvra lɔ fɛn. Bɔ́ nyri ɔmu le ɛnvra lɔ fɛn léyi bɔ́ le dú edùwrú ndɔ lɔ mɛ̀n nɔn, bɔ̀ dú esù she Ɛẅɛnwrɔn dúyri tɛ̀sɛ̀n

2 Korɛntɛ̀n anmàn-bɔ̀ 5:8

Edùyì dú bɔ̀ ɛmɛ̀n kɩ bɔ́ cüɛn ɔmu le bɔ̀ teze edùwrú ndɔ lɔ, ô bɔ̀ hɔ̀n yɛ́ Ɛẅɛnwrɔn tɛ̀sɛ̀n.

Efɛzɛ̀n anmàn-bɔ̀ 1:6

Bɔ̀ mrɛ́n Ɔwɔ ecice vri léyi nɛ̀n tán bɔ̀ ankora, hɩ dú n'ɛcüɛn Ẅì lɔ nɔn.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 1:29

Ɔkɔ̀hɔ̀n ndɔ lɔ, n'ɛhán mɛ̀n lɔ, mɛ hán ɔkɔ̀hɔ̀n kɩ mɛ̀n dú ecüìwrɔn mɛ̀n, Krisì cüì léyi kɛ tán mɛ̀n nɔn, n'ɛkɔrɛ̀-srɔn mɛ̀n.

1 Tesalonikɛ̀n anmàn-bɔ̀ 4:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, bɔ̀ yé nyɛ̀n esùnan léyi ke ji le nyɛ́n ẅɛ̀n ô Ɔwɔ kɛ̀ cüɛn nyɛ̀n nɔn. Annànwɔrɛ mɛ̀n lɔ, esùnan ndɔ lɔ de nyɛ́n ẅɛ̀n nɔn. Tɛ́n zɛtɛ̀ lɔ, bɔ́ sán nyɛ̀n kɩ bɔ́ sɛ́n nyɛ̀n Ɛẅɛnwrɔn Zhezü bɩmɛ̀n: nyɛ́n vru nyɛ́n hán kɛ̀ vrán.

1 Tesalonikɛ̀n anmàn-bɔ̀ 4:11

Anwɔwɔ-wúvà-ẅɛ̀n kè dú ny'ankà shishi, nyɛ́n dùku nyɛ́n wá ny'ɛci hɔ̀n esùva, ô nyɛ́n cɔ́ ny'ɛkɔrɛ̀-kɔhɔ̀n-hán ci-zî, hán ɔmu le bɔ́ gɔ̀ dɔ́ nyɛ̀n nɔn hɔ́.

Kpàkpà timote 4:10

Annànwɔrɛ mɛ̀n lɔ, ke dú kɛ bɔ́ kán ɛgbàn kɩ bɔ́ dú ɛcüìwrɔn mɛ̀n hô, bɔ̀ nyri ɔmu le, bɔ̀ bɩ́ bɔ́ esɛ́ lɔ bɔ̀ wá Ɔwɔ kɔrɛkɔrɛ lɔ mɛ̀n, nɛ́n léyi nɛ̀n dú anwrɔnẅì lɔ fɛn bɩdie-wrɔn, anannan le yɔ hɔ̀n léyi ẅɛn ankaẅìbùtan nɔn.

Ebre-bɔ̀ 12:28

Zɛtɛn bɔ̀ hán enyri-kùɛn-tán ci; ɔmuhi bɔ̀ cɔ́ anhobɩ́-nɛ̀ncüì-dúyri tɔ̀n léyi ke sɩ̀ jɔ̀kɔ̀ rɔ́ nɔn. Bɔ̀ yé enyrì-kùɛn-tán ci ndɔ lɔ, b'Ɔwɔ ci-bɩtan kɔ̀hɔ̀n lɔ mɛ̀n, kè dù kɛ̀ hán hɩ le nɛ cüɛ̀n nɔn hɔ́, ɔwá mán ɛnjansù kè dú ɛmɛ̀n.

Ebre-bɔ̀ 4:11

Bɔ̀ hán kèkrèmɛ̀n bɔ̀ bru ɛwrɔncüe ndɔ lɔ mɛ̀n; bɔ̀ hán tán ô bɔ́ ɛmɛ̀n lɔ, ɔwrɔn zriɛmɛ́n ke bɩ́ kɔrɔ kɛ hán bɔ́ nancüì hɔ̀n hɔ́, ô ke bore hɛ.

2 Piɛrɛ̀n 3:14

Hɩ le kruhú de, m'annyran anvrɛn hɔ̀n, ɛnbɩ̀ ndɔ lɔ n'ɛnvra lɔ, nyɛ́n hán kèkrèmɛ̀n, ô nyɛ́n dú efifiemɛ̀n, ye bɩ́ cɔ́ eci-gbàngbàn zriɛmɛ́n ny'ɛwú Ɔwɔ zìwú, ô nyɛ́n mán nɛ́n mɛhi nyɛ́n dú anwɔwɔ mɛ̀n.