2 Korɛntɛ̀n anmàn-bɔ̀ 5:8 - Ɛmɛẅi ankà ankrànkràn 2003

⁸ Edùyì dú bɔ̀ ɛmɛ̀n kɩ bɔ́ cüɛn ɔmu le bɔ̀ teze edùwrú ndɔ lɔ, ô bɔ̀ hɔ̀n yɛ́ Ɛẅɛnwrɔn tɛ̀sɛ̀n.

2 Korɛntɛ̀n anmàn-bɔ̀ 5:8 Iomraidhean Croise

Matie 25:21

N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n, và cɔ́ mɛ̀n bɔ̀ brá pɔ̀püɛ̀.’

Matie 25:23

N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n. Và cɔ́ mɛ̀n bɔ̀ brá pɔ̀püɛ̀.’

Lükɛ̀n 2:29

“Zɛtɛ̀ lɔ, Ɛẅɛnwrɔn v'ɔmùan-wá lɔ sá nmú: ɛkɔrɛ̀levri dù è teze v'eci-bɩ̀tan-wrɔn kɛ̀ hɔ̀n wú anwɔwɔ mɛ̀n.

Zhan 12:26

Ke dú kɛ ɔwrɔn tɔ̀n ke ji kɛ̀ srɔ m'eci-bɩ̀tan-wrɔn hô, ke ji le nɛ̀n kɛ́n mɛ̀n ɛsɛ̀n; ɔmu lɔ de m'eci-bɩ̀tan-wrɔn ke le dú ɛyri léyi mɛ́n dù nɔn mán. Dade kɛ lɛ cüɛ́n ɔwrɔn léyi dú m'eci-bɩ̀tan-wrɔn nɔn.”

Zhan 14:3

Kɩ ɛnvra léyi mɛ lɛ hɔ̀n mɛ̀n hán ɛyri lɔ nɔn, me le vru mɛ̀n và kɩ me le bɩ́ nyɛ̀n mɛ̀n sɩ́ ɛtɛ̀sɛ̀n, ô ɛyri léyi mɛ́n dù nɔn, nyɛ́n mán nyɛ́n dú nanvrɛn.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 21:13

Tɛ́n nɛ̀n mrɛ́n ɔmùan le: “Ecitan kruhú kɛ nye wú eyú kɩ nye ji nyɛ́n wú mɛ̀n edùɛ? Mɛ̀n krɔn kpehɛ́n, mɛ̀n, ke sì dù hɩ léyi yɛ lɛ kora mɛ̀n kɩ, tɛ́n mɛ́n shrì me le wú Zherüzalɛmɛ̀n anmàn Ɛẅɛnwrɔn Zhezü kruhú.”

2 Korɛntɛ̀n anmàn-bɔ̀ 5:6

Edùyì dú bɔ̀ ɛmɛ̀n ɛnvra lɔ fɛn. Bɔ́ nyri ɔmu le ɛnvra lɔ fɛn léyi bɔ́ le dú edùwrú ndɔ lɔ mɛ̀n nɔn, bɔ̀ dú esù she Ɛẅɛnwrɔn dúyri tɛ̀sɛ̀n

2 Korɛntɛ̀n anmàn-bɔ̀ 5:9

Tɛ́n eci lɔ fɛn mɛ̀n, bɔ́ ji bɔ̀ cüɛn nɛ̀n ɛvɛ̀, ke dú kɛ bɔ̀ dú edùwrú ndɔ lɔ mɛ̀n mán, kɩ bɔ́ teze nɛ̀n mán.

1 Zhan 3:2

M'annyran anvrɛn hɔ̀n, zɛtɛ̀ lɔ bò dú Ɔwɔ ẅì hɔ̀n, tɛ́n eci léyi bɔ́ lɛ srɔ nɔn, kɛ vá yé tán bɔ̀ bò nyri kpete mɛ̀n. Tɛ́n, bò nyri ankà ndɔ lɔ: ɛnvra léyi Krisì kɛ lɛ srɔ nɔn, bɔ́ le dù kɛ lɛ cá nɛ̀n. Ɔmuhi bɔ́ lɛ kán ɔmu le nɛ̀n hán nɛ́n dù nɔn.

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.