2 Korɛntɛ̀n anmàn-bɔ̀ 5:1 - Ɛmɛẅi ankà ankrànkràn 2003

¹ Annanwɔrɛ mɛ̀n, bɔ́ nyri ɔmu le, ke dú kɛ ɛcàsa-wɔn leyi bɔ́ dú ɛmɛ̀n nɔn (n'ɛmɛ̀n kɛ dɔ̀ le bɔ́ ɛnu ɛnhi antà-dùwrú) kɛ jrɛ́ hô, Ɔwɔ hɛ́n bɔ̀ edúyri tɔ̀n anhobɩ́ anmàn, edúyri tɔ̀n léyi anwrɔnẅì kè sɩ̀ hàn hɩ ke le dú ɛnvra lɔ fɛn nɔn.

2 Korɛntɛ̀n anmàn-bɔ̀ 5:1 Iomraidhean Croise

Markɛ̀n 14:58

“Bɔ̀ yá nɛ̀n ɔmùan nɛ dɔ̀ le: ‘Me le gbé ɔwɔ-cice-wɔn léyi anwrɔnẅì nkù nɔn, kɩ ɛbi-anhɔ̀n granmɛ̀n me le ku ɛnyàntɛn léyi ke sɩ̀ dú ɔwrɔnẅì kɔrɛ̀-ci nɔn.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 7:48

Tɛ́n anhobɩ́ Wɔ ke sɩ́ dú anwrɔnẅì wɔn lɔ ke kù nɔn mɛ̀n. Hán ɔmu le Ɔwɔ-mùanwú-ankà-dɔ́-wrɔn ndɔ̀ nɔn:

1 Korɛntɛ̀n anmàn-bɔ̀ 3:9

Ɔmuhi bɔ̀ dú Ɔwɔ kɔrɛ̀-wá-bɔ̀, kɩ nyɛ́n dú Ɔwɔ kɛ̀tɛ̀ nɔn. Nyɛ́n vru nyɛ́n dú ɔwɔn léyi Ɔwɔ kù nɔn.

2 Korɛntɛ̀n anmàn-bɔ̀ 4:7

Tɛ́n, Ɛnhɛ́n mɛ̀n nɛ̀ncüì-di-ci ndɔ lɔ dú bɔ̀ ɛmɛ̀n, kɩ bɔ̀ ẅɛn nɛ̀n anta dú ɛnsî hɔ̀n mɛ̀n, ô ye nyri kpetemɛ̀n le ɛkɔrɛ̀-srɔn vri ndɔ lɔ, dú Ɔwɔ yri và, tɛ́n kè sɩ̀ dù bɔ́ yri.

2 Korɛntɛ̀n anmàn-bɔ̀ 5:4

Hɛ̀ɛ̀, ɛnvra lɔ fɛn léyi bɔ́ le dú ɛnu ɛnhi casa-wɔn lɔ mɛ̀n nɔn, bɔ́ le dú nwàn-srɔ́n mɛ̀n kɛ lɛ hán ɛnlowrú-wɔrɔ-bɔ̀ hɔ́. Kè sɩ̀ dù hɩ le bɔ́ ji bɔ̀ mrɛ́n bɔ́ ɛnu ɛnhi antà-dùwrú lɔ bɔ̀ sɔhɔ́, tɛ́n bɔ́ ji bɔ̀ ẅɛn anhobɩ́ dùwrú lɔ edòmɛ̀n, ô eci léyi dú owú ci nɔn, kè ci ɛwúvà mɛ̀n.

Kɔlɔsèn anmàn-bɔ̀ 2:11

Nɛ́n mán nyɛ́n mɛhi ny'ɔbɔ̀sɔ̀ lɔ mɛ̀n, ye wi nyɛ̀n wúcɔ̀-domɛ̀n, kè sɩ̀ dù wùcɔ́-domɛ̀n-wì léyi anwrɔnẅì kɛ hán nɔn, tɛ́n wúcɔ̀-domɛ̀n-wì léyi dú Krisì yri và hɩ kɛ mrɛ́n bɔ́ edomɛ̀n gbàn lɔ sɔhɔ́ nɔn.

Anhyrɛmɛ̀n timote 1:12

kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.

Ebre-bɔ̀ 11:10

Ɔmuhi Abrahamɛ̀n kɛ vrá anmàn léyi ẅɛn ɛbù-hinan shishi nɔn, anmàn léyi Ɔwɔ dú n'ɔbɔ̀sɔ-wrɔn mán n'oku-wrɔn nɔn.

Ebre-bɔ̀ 9:11

Tɛ́n Krisì nvà dú anvrɛn hɔ̀n léyi gɔ́ dù nɔn, y'Ɔwɔ-cice-wrɔn cüìcüì. Ɛcasà-wɔn tɔ̀n léyi n'ɛmɛ̀n nɛ hán n'ɔkɔ̀hɔ̀n nɔn, ẅɛn vɔ̀nshɛ́ kɩ vru sɛ́n nmu; kè sɩ̀ dù anwrɔnẅì de kè ku nɛ̀n nɔn, n'ɛmɛ̀n kɛ dɔ̀ le nɛ̀n sɩ̀ dù ɛnhibù ndɔ léyi yɛ hán nɔn tɛn.

Ebre-bɔ̀ 9:24

Ɔmuhi Krisì kè sɩ̀ brù Ɔwɔ yri prɔnprɔn léyi anwrɔnẅì nkù, hɩ dú Ɔwɔ yri prɔnprɔn lɔ nɛ́n picɛ̀ annanwɔrɛ tɔ̀n nɔn. Nɛ́n bru anhobɩ́ dùku, nanvrɛn lɔ de zɛtɛ̀ lɔ ne yé n'edomɛ̀n Ɔwɔ zìwú bɔ́ kruhú.

1 Piɛrɛ̀n 1:4

kɩ bɔ́ vrá anvrɛn hɔ̀n léyi Ɔwɔ wá hɛ́n n'anwrɔn hɔ̀n nɔn. Yɔ dú anvrɛn hɔ̀n léyi ke sɩ̀ zrɛ́n rɔ́, ke sɩ̀ cɔ́ nbrá, yɔ gbrɛ́n lɔ ke sɩ̀ wù rɔ́. Ɔwɔ hɛ́n nyɛ̀n anvrɛn hɔ̀n lɔ anhobɩ́,

2 Piɛrɛ̀n 3:11

Ɔmuhi eci lɔ fɛn kɛ lɛ zrɛ́n eci-hán-ci ndɔ lɔ mɛ̀n nɔn, nyɛ́n nyri anvrɛnvrɛn, eci léyi ke ji le nyɛ́n hán nɔn! Ke ji le ny'esùnàn kè dú prɔnprɔn, ô kè yé ny'Ɔwɔ tɛ̀sɛ̀n sɔ̀nba.

1 Zhan 3:14

Bɔ́ nyri ɔmu le bɔ̀ cɔhɔ́ owù tɛsɛ̀n, ô bɔ̀ bru ɛwúvà mɛ̀n; bɔ̀ nyri ndɔ lɔ ɔmuhi bɔ́ cüɛn bɔ́ muan-ẅì hɔ̀n nɔn. Ɔwrɔn léyi kè sɩ̀ ẅɛ̀n ɛcüɛ̀n nɔn, nɛ̀n vru nɛ̀n dú owúemɛ̀n.

1 Zhan 3:19

Nyàn ɔmu le bɔ́ le nyrì le bɔ́ dú annanwɔrɛ tɛn nɔn. Nyàn ɔmu le bɔ́ ɛnbɔrɛ lɔ ke le dú esɛ́ mɛ̀n Ɔwɔ zìwú nɔn.

1 Zhan 3:2

M'annyran anvrɛn hɔ̀n, zɛtɛ̀ lɔ bò dú Ɔwɔ ẅì hɔ̀n, tɛ́n eci léyi bɔ́ lɛ srɔ nɔn, kɛ vá yé tán bɔ̀ bò nyri kpete mɛ̀n. Tɛ́n, bò nyri ankà ndɔ lɔ: ɛnvra léyi Krisì kɛ lɛ srɔ nɔn, bɔ́ le dù kɛ lɛ cá nɛ̀n. Ɔmuhi bɔ́ lɛ kán ɔmu le nɛ̀n hán nɛ́n dù nɔn.