2 Korɛntɛ̀n anmàn-bɔ̀ 4:8 - Ɛmɛẅi ankà ankrànkràn 2003

⁸ Ɛgbànkàn mɛ̀ntɛ mɛ̀ntɛ kɛ mian bɔ̀, tɛ́n ke sɩ́ boyɛ bɔ̀ wá; bɔ́ dú ɛnkrɛ̀ta kuemɛ̀n, tɛ́n esɛ́ dú bɔ̀ ɛmɛ̀n;

2 Korɛntɛ̀n anmàn-bɔ̀ 4:8 Iomraidhean Croise

Zhan 14:18

Mɛ́n sɩ̀ teze nyɛ́n zriɛ kɛ̀ hán ezhe-ẅì hɔ̀n hɔ́; me le vru mɛ̀n vá nyɛ̀n ɛmɛ̀n.

1 Korɛntɛ̀n anmàn-bɔ̀ 10:13

Ɔwɔ̀ɛn-nyan hɔ̀n léyi nyɛ́n nyrì nɔn, dú yɔ hɔ̀n léyi anwrɔnẅì kɛ kán ɛnbì lɔ fɛn nɔn. Ɔwɔ dú ɔmùan-zri-di-wrɔn n'ɔmùan-wá hɔ̀n lɔ mɛ̀n, kɩ nɛ́n sɩ̀ tán ɛkɔrɛ̀levri, ô ɔwɔ̀ɛn-nyan cüì kɛ̀ ká nyɛ̀n; tɛ́n, ɛnvra léyi ɔwɔ̀ɛn-nyan kɛ lɛ và nɔn, nɛ lɛ tán nyɛ̀n ecüì, ô nyɛ́n kɛ́n nɛ̀n hɛ́n, kɩ ɔmu lɔ, nyɛ́n cɔ́ ɛyri nyɛ́n dú nɛ̀n ɛmɛ̀n nyɛ́n srɔ ɛntrɛ.

2 Korɛntɛ̀n anmàn-bɔ̀ 12:10

Hɩ le kruhú de mɛ brá pɔpüɛ̀ tán m'ɛjɛ̀, ɔwɔra, ɛgbànkàn-jüedì, owú-gbànkàn mán ankà-tro hɔ̀n léyi mɛ srɔ́n ɛsù Krisì kruhú; ɔmuhi ɛnvra léyi me dú ɛjɛ mɛ̀n nɔn, hɩ lɔ de zɛtɛn mɛ ẅɛn ecüì nɔn.

2 Korɛntɛ̀n anmàn-bɔ̀ 6:12

Bɔ́ sɩ̀ krɔ nyɛ̀n bɔ́ ɛcüɛn-bɔrɛ lɔ, tɛ́n nyɛ́n de nyɛ́n sɛ́n ny'ɛnbɔrɛ lɔ esù nɔn.

2 Korɛntɛ̀n anmàn-bɔ̀ 6:4

Tɛ́n, bɔ́ ji eci lɔ fɛn mɛ̀n bɔ́ yé bɔ́ edomɛ̀n kɛ̀ hán le bɔ̀ dú Ɔwɔ-ci-bɩ̀tan-bɔ̀ annanwɔrɛ: bɔ́ ẅɛn ɛnbɔrɛ bobrebe hɛ́n ɛgbànkan mɛ̀n, obòtò mán ankà-tro mɛ̀n.

2 Korɛntɛ̀n anmàn-bɔ̀ 7:5

Ɔmu lɔ mán, ɛnvra léyi bɔ̀ cɔ́ Maseduanɛ̀n kpɔsɔ wú nɔn, bɔ̀ sɩ̀ cɔ̀ ɔwrɔncüe ẅiɛ mán. Bɔ̀ srɔ́n ejüedì mɛ̀ntɛ mɛ̀ntɛ ɛsù: annannkran gbrɛ́nkɛn bɔ̀ ɔmùan, ɛnjansù dú bɔ̀ ɛnbɔrɛ mɛ̀n.

Galasi anmàn-bɔ̀ 4:20

Andɛ̀n ɛbɛ de mɛ cüɛn ɔmu le mɛ̀n dú nyɛ̀n ɛmɛ̀n ɛnvra ndɔ lɔ mɛ̀n, ô mɛ̀n cɔ́ ɛyri mɛ̀n dɔ́ nyɛ̀n ankà nyàntɛn. Mɛ̀n dú ekpùsuemɛ̀n ny'ɛkruhú!