2 Korɛntɛ̀n anmàn-bɔ̀ 4:7 - Ɛmɛẅi ankà ankrànkràn 2003

⁷ Tɛ́n, Ɛnhɛ́n mɛ̀n nɛ̀ncüì-di-ci ndɔ lɔ dú bɔ̀ ɛmɛ̀n, kɩ bɔ̀ ẅɛn nɛ̀n anta dú ɛnsî hɔ̀n mɛ̀n, ô ye nyri kpetemɛ̀n le ɛkɔrɛ̀-srɔn vri ndɔ lɔ, dú Ɔwɔ yri và, tɛ́n kè sɩ̀ dù bɔ́ yri.

2 Korɛntɛ̀n anmàn-bɔ̀ 4:7 Iomraidhean Croise

Matie 13:44

“Anhobɩ́ nɛ̀ncüì-dúyri dú cá ɛnnɛ̀ncüì-di-ci léyi bán dú ɛkɛ̀tɛ̀ tɔ̀n mɛ̀n nɔn. Ɔwrɔn tɔ̀n kɛ cɔ́ ɛnnɛ̀ncüì-di-ci ndɔ lɔ kɩ ke vru kɛ bán nɛ̀n. Ɔwrɔn lɔ ke dú ɛnbɔrɛbruemɛ̀n kɩ kɛ hɔ́n hɛ́ ɛci hɔ̀n lɔ fɛn léyi nɛ́n ẅɛ̀n nɔn, kɩ ne vru ɛmɛẅi nɛ và, nɛ wɔ́ ɛkɛ̀tɛ̀ ndɔ lɔ.

Matie 13:52

Zɛtɛn Zhezü kɛ dɔ́ yɔ le: “Ɔmu lɔ de, Ɛnyànmàn-gbànvri-ankà-yé-wrɔn tɔ̀n léyi kɛ srɔ Anhobɩ́ nɛ̀ncüì-dúyri sɛ̀nkɛn-wrɔn nɔn, kɛ lɛ dù kɛ̀ cá ɔwrɔn léyi kɛ cɔ́ ɛci wrù mán ɛci gbànvri n'ɛnnɛ̀ncüì-di-ci lɔ mɛ̀n nɔn.”

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

1 Korɛntɛ̀n anmàn-bɔ̀ 1:28

nɛ̀n mrɛ́n eci léyi dú ɛnhi, dú egbri-ci, hɩ kè sɩ̀ ẅɛ̀n vɔ̀nshɛ́ ɛnhibù zìwú nɔn nɛ́n bɩ, ô kɛ̀ jrɛ́ eci léyi ẅɛn anhàn n'ezìwú nɔn.

2 Korɛntɛ̀n anmàn-bɔ̀ 10:10

Annanwɔrɛ mɛ̀n lɔ, nyàn ankà léyi yɛ dɔ̀ nɔn: “Pɔlɛ̀n wrú-merɛ́n hɔ̀n lɔ, sɔ́ kɩ dú ɛshishi; tɛ́n ɛnvra léyi nɛ́n dùku ne dú bɔ̀ ɛmɛ̀n nɔn, nɛ̀n dú ɛjɛ́mɛ̀n kɩ n'ankà-dɔ̀ ẅɛn ɛnhyɔ̀bɔ̀.”

2 Korɛntɛ̀n anmàn-bɔ̀ 13:4

Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

2 Korɛntɛ̀n anmàn-bɔ̀ 4:1

Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

2 Korɛntɛ̀n anmàn-bɔ̀ 5:1

Annanwɔrɛ mɛ̀n, bɔ́ nyri ɔmu le, ke dú kɛ ɛcàsa-wɔn leyi bɔ́ dú ɛmɛ̀n nɔn (n'ɛmɛ̀n kɛ dɔ̀ le bɔ́ ɛnu ɛnhi antà-dùwrú) kɛ jrɛ́ hô, Ɔwɔ hɛ́n bɔ̀ edúyri tɔ̀n anhobɩ́ anmàn, edúyri tɔ̀n léyi anwrɔnẅì kè sɩ̀ hàn hɩ ke le dú ɛnvra lɔ fɛn nɔn.

2 Korɛntɛ̀n anmàn-bɔ̀ 6:10

Yɛ wá bɔ̀ gbɔ̀gbɔ̀ edù, ɔmu tɛ̀kɩ bɔ́ dú ɛnvra lɔ fɛn pɔpüɛ̀-brá mɛ̀n; bɔ̀ dú ɛmian-bɔ̀, tɛ́n bɔ́ wá anwrɔn bobrebe ɛnnɛ̀ncüì; bɔ́ yé bɔ́ edomɛ̀n kɛ hán anwrɔn hɔ̀n léyi kè sɩ̀ ẅɛ̀n eci zriɛmɛ́n nɔn, bɔ́ léyi annanwɔrɛ mɛ̀n lɔ, bɔ̀ ẅɛn eci lɔ fɛn nɔn.

Efɛzɛ̀n anmàn-bɔ̀ 2:5

kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 2:12

Annanwɔrɛ mɛ̀n lɔ, ɛnvra léyi yɛ wá nyɛ̀n ɛnshi ɛnkru, nyɛ́n mán Krisì mɛhi yɛ wá nyɛ̀n ezhe-nànmàn mɛ̀n, kɩ nyɛ́n mán nɛ́n mɛhi nyɛ́n dú owúemɛ̀n nyɛ́n frɔ́, ɔmuhi nyɛ́n bú Ɔwɔ kɔrɛ̀-srɔn léyi bɩ́ nɛ̀n sɩ́ ɔkɔrɛ-bɔ̀ mɛ̀n nɔn ankà nyɛ́n tán ankaẅì nɔn.

Kɔlɔsèn anmàn-bɔ̀ 2:3

n'ɛmɛ̀n de ankà-nyri nɛ̀ncüì-dì mán Ɔwɔ-nyrì bán ndù nɔn.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 4:4

Ke ji le ɔwrɔnwrɔn kè nyrì bɩ́ ɛnnyɔnwrɔn prɔnprɔn mɛ̀n mán ɛwá mɛ̀n,

Anhyrɛmɛ̀n timote 2:20

Kè sɩ̀ dù ansìkɛ mán ɔkùa-ci kɩ, de yɛ hɛ́n ɔwɔn vriemɛ̀n, ɛci ndɔ hɔ̀n ndù dú ɛtɛ̀ mán antà ci. Kpàkpà ci lɔ, ye sɩ́ yɔ ɛntrɛ ɛnvra léyi ɔkoran vri ke dù nɔn, ndɔ lɔ dú ɛnvra lɔ fɛn ci-hán kɔ̀hɔ́n mɛ̀n.