2 Korɛntɛ̀n anmàn-bɔ̀ 4:6 - Ɛmɛẅi ankà ankrànkràn 2003

⁶ Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

2 Korɛntɛ̀n anmàn-bɔ̀ 4:6 Iomraidhean Croise

Lükɛ̀n 10:22

Dade tán mɛ̀n ɛci hɔ̀n lɔ fɛn. Ɔwrɔnẅì zriɛmɛ̀n kè sì nyrì ɔwrɔn léyi dú Ɛnẅì nɔn, ke dú kɛ ke sɩ̀ dù Dade, kɩ ɔwrɔnẅì zriɛmɛ̀n kè sɩ̀ nyrì ɔwrɔn léyi dú Dade nɔn, ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ hán tán kè nyrì nɔn.”

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 11:40

Zhezü mrɛ́n nɛ̀n ɔmùan le: “Mɛ̀n sɩ̀ dɔ̀ mɛ́n le, ke dú kɛ e bútan ankaẅì hô, ɛ lɛ kán Ɔwɔ ci-zrɔ lɔa?”

Zhan 12:41

Ezahi dɔ́ ankà ndɔ lɔ, ɔmuhi nɛ́n gɔ̀ kán Zhezü ci-zrɔ lɔ, kɩ nɛ̀n dɔ́ yi ànkà.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

1 Korɛntɛ̀n anmàn-bɔ̀ 12:8

Ɛnhɛ́n Prɔnprɔn kɛ tán ɔwrɔn tɔ̀n ankà-nyri ankà-dɔ̀, kɩ ɔwrɔn nyàntɛn tɔ̀n Ɛnhɛ́n Prɔnprɔn zri lɔ kɛ tán eci-nyrì ankà-dɔ̀.

2 Korɛntɛ̀n anmàn-bɔ̀ 2:10

Ɛnvra léyi nyɛ́n bɩ́ ɛgbàn nye ce ɔwrɔn tɔ̀n, mɛ̀n mán me bɩ́ ce nɛ̀n. Kɩ ke dú kɛ me bɩ́ ɛgbàn me ce, (andɛ̀n mùan léyi ke ji le mɛ̀n bɩ ce eci tɔ̀n mɛ̀n nɔn) mɛ hán nɛ̀n ny'ɛkruhú, Krisì zìwú,

2 Korɛntɛ̀n anmàn-bɔ̀ 3:18

Bɔ́ lɛ fɛn ezì woro, bɔ́ yé Ɛẅɛnwrɔn ci-zrɔ lɔ; ɔmu lɔ, yɛ crɔn bɔ̀, ô bɔ̀ cá Ɛẅɛnwrɔn, kɩ bɔ́ dú eci-zrɔ tɔ̀n mɛ̀n, kɩ bó vru bó ci eci-zrɔ vri tɔ̀n mɛ̀n. Annanwɔrɛ mɛ̀n lɔ, nyàn eci léyi Ɛẅɛnwrɔn kɛ hán, nɛ́n léyi nɛ̀n dú Ɛnhɛ́n nɔn.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Efɛzɛ̀n anmàn-bɔ̀ 1:17

kɩ mɛ sán dɔ́ Ɛẅɛnwrɔn Zhezü Krisì Wɔ lɔ, bɔ́ Zi léyi ẅɛn eci-zrɔ nɔn, kɛ̀ tán nyɛ̀n ankà-nyrì Hɛ́n léyi ke le yé nyɛ̀n nɛ́n, ô kɛ̀ hán ye nyri nɛ̀n annanwɔrɛ mɛ̀n.

Efɛzɛ̀n anmàn-bɔ̀ 1:18

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ,

Efɛzɛ̀n anmàn-bɔ̀ 5:8

Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Filipɛ̀n anmàn-bɔ̀ 2:6

Ɛnkrubɔmɛ̀n hàn hɛ́n, nɛ̀n dú Ɔwɔ, tɛ́n nɛ̀n sɩ̀ jì ɔmu le, nɛ́n mán Ɔwɔ mɛhi ɛkɔrɛ̀ kɛ̀ krɔn yɔ.

Kɔlɔsèn anmàn-bɔ̀ 1:15

Krisì dú Ɔwɔ léyi ye sɩ́ kan nɔn nɛ́n picɛ̀ kɔrɛkɔrɛ. Nɛ̀n dú ɛnvrakpà-bî-ẅì léyi dú eci lɔ fɛn léyi yɛ hán nɔn ɛwú.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 6:4

Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

2 Piɛrɛ̀n 1:19

Ɔmu lɔ de bɔ́ esɛ́ vru dú Ɔwɔ-mùan-ankà-dɔ́-bɔ̀ ankà-dɔ̀ lɔ wú nɔn. Zrɔ tán le nyɛ́n ẅɛn nukù nyɛ́n hɛ́n n'ɛwúɛ: nɛ́n dù nɛ̀n cá kɛniɛn tɔ̀n léyi kɛ gbrɛ́n ɛyri yɔwɔ mɛ̀n hàn kɩ ɛcɛ̀n kɛ kɛ̀n, kɩ ɔsɔwɔrɔ̀ kùcànkrò kɛ wá nyɛ̀n pɔpüɛ̀ ɛnbɔrɛmɛ̀n nɔn.