Biblia Todo Logo
Bìoball air-loidhne

- Sanasan -




2 Korɛntɛ̀n anmàn-bɔ̀ 4:5 - Ɛmɛẅi ankà ankrànkràn 2003

5 Annànwɔrɛ mɛ̀n, b'ankà-dɔ́ mɛ̀n lɔ, kè sɩ̀ dù bɔ́ dùku de bɔ́ dɔ́ bɔ́ edomɛ̀n ankà, tɛ́n Zhezü Krisì léyi dú Ɛẅɛnwrɔn, n'ankà de bɔ́ dɔ̀ nɔn; bɔ́ tɛn tɛ́n, bɔ́ dɔ̀ le, bɔ̀ dú ny'eci-bɩ̀tan-bɔ̀ Zhezü kruhú.

Faic an caibideil Dèan lethbhreac




2 Korɛntɛ̀n anmàn-bɔ̀ 4:5
39 Iomraidhean Croise  

Tɛ́n nyɛ́n, nyɛ́n bɩ́ hán ye bi nyɛ̀n ‘Ankà-yé-wrɔn’, ɔmuhi nyɛ́n dú nyɛ lɛ fɛn lɔ, anwrɔn-nɛ́n-muan-ẅì hɔ̀n kɩ nyɛ́n ẅɛn Ankà-yé-wrɔn zri.


Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.


Ɔwrɔn léyi kɛ dɔ́ ankà nɛ́n zrí n'ɛkɔrɛ̀-levriemɛ̀n nɔn, ne ji n'eci-zrɔ. Tɛ́n ɔwrɔn léyi kɛ hán eci-zrɔ kɔ̀hɔ̀n tán ɔwrɔn léyi wá nɛ̀n ɔkɔ̀hɔ̀n nɔn, kɛ dɔ́ ankà annanwɔrɛ, kɩ ɛyɔ̀n ankà zriɛmɛ́n badà nɛ̀n ɛmɛ̀n.


Nɛ̀n yüre Izraɛlɛ̀n fɛcüè Zhezü krisì mɛẅi ankà wɔwɔ, Krisì léyi dú anwrɔn lɔ fɛn Ẅɛnwrɔn nɔn.


Ke ji le Izraɛlɛ̀n fɛcüè lɔ fɛn kè nyri annanwɔrɛ mɛ̀n le: Zhezü ndɔ léyi nyɛ́n gɔ̀n brɛ́ ɛgbàn-hán-tɛ̀ domɛ̀n nɔn, nɛ́n de Ɔwɔ srɔ nɛ̀n Ɛẅɛnwrɔn mán Ebɩ̀die-wrɔn nɔn!”


Ɔwɔ bɩ́ nɛ̀n hɛ́n n'ezì-kɔrɛ̀ kɔrɛ̀a kɩ wá nɛ̀n ecüìcüì mán Ebɩ̀die-wrɔn, ô kɛ̀ tán Izraɛlɛ̀n fɛcüè kɛ̀ crɔn y'eci-hán-ci, ô kɛ̀ cɔ́ ɛgbàn-bɩce.


Bɔ́ tɛn, bɔ́ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà: ndɔ lɔ dú anvɛvrà-ankà tán Zhüifɛ̀n-bɔ̀ kɩ vru dú nmù ankà tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn;


Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.


Hɩ le kruhú de mɛ wá mɛ̀n dɔ́ nyɛ̀n le: Ɔwrɔn zriɛmɛ́n bàdà nɛ́n léyi Ɔwɔ Hɛ́n kɛ nyrɔn nɔn, nɛ̀n sɩ́ ɔmùan ɛwú nɛ̀n dɔ̀ le: “Muzhie dú Zhezü tɛn!” kɩ ɔwrɔn zriɛmɛ́n ke sɩ̀ dɔ̀ rɔ́ le: “Zhezü dú Ɛẅɛnwrɔn!” ke dú kɛ Ɛnhɛ́n Prɔnprɔn kè sɩ̀ nyrɔn nɛ̀n.


Kpàkpà Adamɛ̀n yɛ hán antà-hiwɔ̀n mɛ̀n; anhyrɛmɛ̀n Adamɛ̀n dú anhobɩ́ nvà.


Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn.


Ɔmuhi ke dú kɛ nyɛ ẅɛn ɛnyrɔn-bɔ̀ tɛ̀bru-kru-ɛvà ny'ɛwúvà lɔ mɛ̀n, nyɛ́n mán Krisì mɛhi, nyɛ́n zi zri kɩ nyɛ lɛ ẅɛ̀n: annànwɔrɛ mɛ̀n lɔ, ɛnvra léyi mɛ́n và sɩ́ nyɛ̀n Ɛmɛẅi ankà ankrànkràn lɔ nɔn, mɛ̀n de mɛ̀n srɔ nyɛ́n zi ny'ɛwúvà lɔ mɛ̀n, nyɛ́n mán Krisì mɛhi.


annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.


Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:


Bɔ́ sɩ́ ji bɔ̀ wá ankaẅì-bùtan ankà bɔ̀ tán nyɛ̀n, ɔmuhi nyɛ́n dú ɛshishiemɛ̀n ankaẅì-bùtan ẅɛn mɛ̀n; tɛ́n bɔ́ ji bɔ̀ srɛ́n nyɛ̀n ny'ɛnbɔrɛbru lɔ mɛ̀n.


Tɛ́n, nyɛ tɛn, anwrɔn-nɛ́n-muan-ẅì hɔ̀n, ye bi nyɛ̀n ô nyɛ́n ẅɛn ny'edomɛ̀n. Tɛ́n nyɛ́n bɩ bɩ́ ny'edomɛ̀n-ẅɛ̀n ndɔ lɔ nyɛ́n srɔ ɛkɔrɛ̀-levri ci, ô nyɛ́n hán ny'ɛnkruemɛ̀n ci léyi ny'ɛwúvà mumù lɔ ke ji nɔn. Tɛ́n nyɛ́n teze ny'edomɛ̀n nyɛ́n tán ɛcüɛ̀n, ô nyɛ́n dú nyɛ́n dùku ny'eci-bɩ̀tan kɔhɔ̀n mɛ̀n.


Annanwɔrɛ mɛ̀n y'ɛmɛ̀n lɔ, ndɔ hɔ̀n kɛ dɔ́ Krisì ankà ecüì-hi-kɔ́n mɛ̀n, kɩ yɔ ẅɛn ankà-tro drɛ̀-hán m'ɛwú; tɛ́n ɛnjanbɔ̀ kɛ dɔ́ Krisì ankà ankà-tro ankrankran ẅɛn mɛ̀n.


ô yɔ lɔ fɛn yɔ dɔ́ Ɔwɔ Zi ci-zrɔ lɔ mɛ̀n le: “Zhezü dú Ɛẅɛnwrɔn!”


Hɩ le kruhú de mɛ̀n shri fɛn mɛ́n bɩ, kè dú anwrɔn hɔ̀n léyi Ɔwɔ mrɛ́n bɩ nɔn, y'anvrɛn, ô yɔ mán yɔ cɔ́ ɛnkru-kɔrɛ̀ léyi dú Zhezü Krisì yri nvà, hɩ mán ecizrɔ léyi ke sɩ́ trɔa nɔn.


Ke ji le yɔ kɛ́n yɔ ankà-dɔ̀ anmùan mɛ̀n yɔ hɛ́n, ɔmuhi yɔ jrɛ́ ɛmɛ̀n bobrebe ɛnkruemɛ̀n kɩ yɔ yé ankà léyi ke sɩ́ ji le yɔ yé nɔn, kɩ yɔ hán ndɔ lɔ ɔkùa-yerɛ kɔ̀hɔ̀n kruhú.


Ɔkua cüɛ̀n kruhú ɛyɔ̀n ankà-yé-bɔ̀ ndɔ hɔ̀n lɔ kɛ lɛ frɛ́n nyɛ̀n y'ɛyɔ̀n ankà dɔ́ mɛ̀n. Tɛ́n ɛnvra sheshe mɛ̀n de yɔ nwù-bɔ̀ krɔn kpehɛ́n hɛ́n, kɩ y'ɛjrɛ́ mán ke sɩ̀ mɔ̀ɛn!


Lean sinn:

Sanasan


Sanasan