2 Korɛntɛ̀n anmàn-bɔ̀ 4:4 - Ɛmɛẅi ankà ankrànkràn 2003

⁴ Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 4:4 Iomraidhean Croise

Matie 13:22

Ndɔ hɔ̀n kɛ cɔ́ ɛci-ẅì lɔ ɔwi-tɛ̀ granmɛ̀n: yɔ yá ankà-dɔ̀ lɔ, tɛ́n ɛnhibù wú ankà-tro mán n'ɛfrɛ́n nɛ̀ncüì-dì kɛ kɛ́n ankà-dɔ̀ lɔ ɛndɔ̀nwrɔ̀n hɛ́n, kɩ nɛ́n sɩ́ shi ɛnẅì zriɛmɛ́n.

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 12:31

Zɛtɛ̀ lɔ ɛnvra ndɔ lɔ mɛ̀n, de ye le ci ɛnhibù ɛmrɛ̀n nɔn; zɛtɛ̀ lɔ de yɛ lɛ wrɔ́ ɛnhibù ndɔ lɔ n'ɛnnɛncüì lɔ nɔn.

Zhan 12:35

Zhezü kɛ dɔ́ yɔ le: “Ɛyri-kàn vru dú nyɛ̀n ɛmɛ̀n, tɛ́n ne le dú ɛnvra cá mɛ̀n. Nyɛ́n nán esù, ɛnvra ɔmu lɔ, hɩ nyɛ́n dú ɛyri-kán mɛ̀n nɔn, ô ɛyri yɔwɔ ke bɩ́ ẅɛn nyɛ̀n nmù, ɔmuhi ɔwrɔn léyi kɛ nán esù ɛyri yɔwɔ mɛ̀n nɔn, nɛ́n sɩ́ nyri ɛyrí léyi nɛ hɔ̀n nɔn.

Zhan 12:40

“Ɔwɔ bɔyɛ y'anvɛ̀ lɔ, kɩ nɛ̀n sɛ́n y'ɛnkruemɛ̀n-ẅɛ̀n lɔ esù, ô y'anvɛ̀ lɔ ke bɩ́ kán ɛyri, ô y'ɛnkruemɛ̀n-ẅɛ̀n lɔ ke bɩ́ cɔ́ nyriɛn. Kɩ nyàn eci le kruhú Ɔwɔ dɔ̀ le, yɔ bɩ́ crɛ ezì yɔ kɛ́n mɛ̀n ô mɛ́n kɔrɛ yɔ.”

Zhan 12:45

Ɔwrɔn léyi kɛ kán mɛ̀n nɔn, kɛ kán ɔwrɔn léyi wá mɛ̀n ɔkɔhɔ̀n nɔn mán.

Zhan 14:30

Nyɛ́n mɛhi bɔ́ sɩ̀ vru dɔ́ ankà bobrebe, ɔmuhi ɛhibù wú nɛncüì lɔ kɛ và nɔn. Nɛ̀n sɩ̀ ẅɛn ɛkɔrɛ̀srɔn zriɛmɛ́n m'ɛwú,

Zhan 15:24

Yɔ sɩ̀ cɔ́ ɛgbàn ke dú kɛ mɛ̀n sɩ̀ hán y'anwanzi lɔ ɛci hɔ̀n léyi ɔwrɔn zriɛmɛ́n kɛ vá hán nɔn. Tɛ́n zɛtɛ̀ lɔ, yɔ kán m'ɔkɔ̀hɔ̀n-hán-kɔ̀hɔ̀n, kɩ yɔ gbri mɛ̀n, mɛ̀n mán Dade mɛhi.

Zhan 16:11

yɔ zɛ́n ɛmrɛ̀n-cì-ankà wú, ɔmuhi yɔ gɔ́ ci ɛnhibù wú nɛ̀ncüì lɔ ɛmrɛ̀n hàn nɔn.”

Zhan 8:12

Zhezü vru bɩ́ ankà-dɔ̀ kɩ kɛ dɔ́ fɛcüè le: “Mɛ̀n dú ɛnhibù yri-kàn. Ɔwrɔn léyi kɛ kɛ́n mɛ̀n ɛsɛ̀n nɔn, kɛ lɛ cɔ́ ɔkɔrɛ̀ yri-kàn kɩ nɛ́n sɩ̀ nán esù ɛyri yɔwɔ mɛ̀n mrìmrì.”

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 26:23

le Ebɩdie-wrɔn lɔ kɛ lɛ kán ɛgbàn, ne le dú ɛnvrakpà-wrɔn léyi ke le dú owúemɛ̀n kɛ̀ frɔ́ kɩ nɛ lɛ dɔ́ ɛyri-kàn krukɔrɛ̀ ankà nɛ̀n tán bɔ́ fɛcüè mán ɛnhibù anmàn wú nyantɛn bɔ̀.”

1 Korɛntɛ̀n anmàn-bɔ̀ 10:20

Hɔ̂, tɛ́n mɛ dɔ́ annanwɔrɛ mɛ̀n le eci léyi anwrɔn hɔ̀n léyi kè sɩ̀ nyrì Ɔwɔ hɩ ke ce nɔn, anwá-wrɔn de yɔ ce nɔn, tɛ́n kè sɩ̀ dù Ɔwɔ. Zɛtɛn, mɛ́n sɩ́ ji le nyɛ́n mán anwá-bɔ̀ mɛhi nyɛ́n dú ɔbɔ̀sɔ mɛ̀n.

2 Korɛntɛ̀n anmàn-bɔ̀ 2:11

ô bɔ́ bí teze Anwa-wrɔn kɔrɛ̀ kɛ dɛ́ bɔ̀ ɛwúɛ; annanwɔrɛ mɛ̀n lɔ, bɔ̀ nyri n'ankà-tro hɔ̀n lɔ fɛn.

2 Korɛntɛ̀n anmàn-bɔ̀ 2:12

Ɛnvra léyi mɛ̀n bru Troasɛ̀n anmàn, ô mɛ̀n dɔ́ Krisì Mɛẅi ankà Ankrankran lɔ nɔn, mɛ̀n kán ɔmu le Ɛẅɛnwrɔn tán mɛ̀n ɛnvra anvrɛnvrɛn, ô mɛ̀n hán hɩ ci lɔ.

2 Korɛntɛ̀n anmàn-bɔ̀ 3:11

Annanwɔrɛ mɛ̀n lɔ, ke dú kɛ eci léyi dú eburi mán eburiemɛ̀n, dú eci-zrɔ mɛ̀n, andɛ̀n ɛbɛ de eci léyi dú ɛnvra lɔ fɛn nɔn ke sɩ̀ dú eci-zrɔ mɛ̀n!

2 Korɛntɛ̀n anmàn-bɔ̀ 3:14

Tɛ́n y'ɛnkruemɛ̀n-ẅɛ̀n dú ɛyri yɔwɔ mɛ̀n; hàn kɩ cɔ́ zɛtɛ̀ léyi, eci vru vá nɛ̀n ezì ɛnvra léyi yɔ krɛ́ mìrɛ̀n gbànvri wrú hɔ̀n lɔ nɔn. Ezì-sɛ́n-ci ndɔ lɔ kɛ zrɛ́n Krisì yri-kàn zìwú kɩ.

2 Korɛntɛ̀n anmàn-bɔ̀ 3:18

Bɔ́ lɛ fɛn ezì woro, bɔ́ yé Ɛẅɛnwrɔn ci-zrɔ lɔ; ɔmu lɔ, yɛ crɔn bɔ̀, ô bɔ̀ cá Ɛẅɛnwrɔn, kɩ bɔ́ dú eci-zrɔ tɔ̀n mɛ̀n, kɩ bó vru bó ci eci-zrɔ vri tɔ̀n mɛ̀n. Annanwɔrɛ mɛ̀n lɔ, nyàn eci léyi Ɛẅɛnwrɔn kɛ hán, nɛ́n léyi nɛ̀n dú Ɛnhɛ́n nɔn.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

Galasi anmàn-bɔ̀ 1:4

Krisì dùku bɩ́ n'edomɛ̀n tán, ô bɔ̀ cɔ́ ɛgbàn-bɩ̀-ce, ô nɛ̀n ẅɛn bɔ̀ ɛnhibù wú ci gbàngbàn kɔrɛ̀srɔn wú nɛ̀n sɔhɔ́, hán ɔmu le dú bɔ́ Zi Ɔwɔ kɔrɛ̀zì-ci nɔn.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Filipɛ̀n anmàn-bɔ̀ 2:6

Ɛnkrubɔmɛ̀n hàn hɛ́n, nɛ̀n dú Ɔwɔ, tɛ́n nɛ̀n sɩ̀ jì ɔmu le, nɛ́n mán Ɔwɔ mɛhi ɛkɔrɛ̀ kɛ̀ krɔn yɔ.

Kɔlɔsèn anmàn-bɔ̀ 1:15

Krisì dú Ɔwɔ léyi ye sɩ́ kan nɔn nɛ́n picɛ̀ kɔrɛkɔrɛ. Nɛ̀n dú ɛnvrakpà-bî-ẅì léyi dú eci lɔ fɛn léyi yɛ hán nɔn ɛwú.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Ebre-bɔ̀ 1:3

Ɛnẅì lɔ ke yé Ɔwɔ vrisì ci-zrɔ lɔ, nɛ́n dù nɛ̀n hán ɔmu le Ɔwɔ dù nɔn, n'ankà-dɔ̀ kɔrɛ̀srɔn mɛ̀n lɔ, nɛ̀n ẅɛn n'ɛkɔrɛ̀-ci lɔ fɛn nɛ̀n hɛ́n. Ɛnvra léyi nɛ̀n juru anwrɔnẅì hɔ̀n ɛgbàn edomɛ̀n trɔ nɔn, nɛ̀n yɛ́ anhobɩ́ ɛkɔrɛ̀srɔn Wɔ zì-kɔrɛ̀-kɔrɛa.

Ebre-bɔ̀ 6:4

Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.

2 Piɛrɛ̀n 1:19

Ɔmu lɔ de bɔ́ esɛ́ vru dú Ɔwɔ-mùan-ankà-dɔ́-bɔ̀ ankà-dɔ̀ lɔ wú nɔn. Zrɔ tán le nyɛ́n ẅɛn nukù nyɛ́n hɛ́n n'ɛwúɛ: nɛ́n dù nɛ̀n cá kɛniɛn tɔ̀n léyi kɛ gbrɛ́n ɛyri yɔwɔ mɛ̀n hàn kɩ ɛcɛ̀n kɛ kɛ̀n, kɩ ɔsɔwɔrɔ̀ kùcànkrò kɛ wá nyɛ̀n pɔpüɛ̀ ɛnbɔrɛmɛ̀n nɔn.

1 Zhan 2:11

Tɛ́n ɔwrɔn léyi ẅɛn nɛ́n muan-ẅì gbrì nɔn, nɛ̀n dú ɛyri-yɔwɔ mɛ̀n; nɛ nán esù ɛyri-yɔwɔ mɛ̀n kɩ nɛ́n sɩ́ nyri ɛyri léyi nɛ hɔ̀n nɔn, ɔmuhi ɛyri-yɔwɔ srɔ nɛ̀n anvɛ̀-boyɛ-wrɔn nɔn.

1 Zhan 2:8

Ɔmu tɛ́kɩ nɛ̀n dú ɛnyanmàn wrù tɔ̀n léyi me merɛ́n tan nyɛ̀n kɩ n'annanwɔrɛ ke yé n'edomɛ̀n Krisì mɛ̀n, kɩ nyɛ́n mán ny'ɛmɛ̀n. Annanwɔrɛ mɛ̀n lɔ, ɛyri-yɔwɔ kɛ hɔ̀n, kɩ ɛyrikàn annanwɔrɛ bukru kɛ gbrɛ́n.

1 Zhan 5:19

Bɔ̀ nyri ɔmu le bɔ̀ dú Ɔwɔ tɛn, kɩ ɛnhibù mumù dú eci gbangbàn-hán-wrɔn kɔrɛ̀srɔn wú.