2 Korɛntɛ̀n anmàn-bɔ̀ 4:3 - Ɛmɛẅi ankà ankrànkràn 2003

³ Tɛ́n, ke dú kɛ Ɛmɛẅi ankà Ankrankran léyi bɔ́ yé nɔn, kɛ cá ɛnzàn mɛ̀n ci hô, nɛ́n dù nɛ̀n tán anwrɔn hɔ̀n léyi kɛ zrɛ́n y'edomɛ̀n nɔn tɛn kɩ.

2 Korɛntɛ̀n anmàn-bɔ̀ 4:3 Iomraidhean Croise

Matie 11:25

Hɩ vra lɔ, Zhezü kɛ dɔ̀ le: “Ô Dade, anhobɩ́ mán ɛnhibù Ẅɛnwrɔn, mɛ tán mɛ́n ɔkùɛn ɔmuhi eci léyi ɛ̀ bán ankà-nyri-bɔ̀ mán ɛnkruemɛ̀n-ẅɛn-bɔ̀ nɔn, e bɩ è yé ɛẅì hɔ̀n.

Rɔmɛ̀n-anmàn-bɔ̀ 2:16

Nyàn eci léyi kɛ lɛ wɔɛn ɛnbì léyi Ɔwɔ kɛ lɛ hán Zhezü Krisì kè ci eci-bán-ci lɔ fɛn léyi dú anwrɔnẅì wúvà lɔ mɛ̀n nɔn ɛmrɛ̀n, hán ɔmu le Ɛmɛẅi ankà Ankrànkràn lɔ kɛ dɔ̀ nɔn.

1 Korɛntɛ̀n anmàn-bɔ̀ 1:18

Annanwɔrɛ mɛ̀n lɔ, anwrɔn hɔ̀n léyi dú ɛzrɛ́n mɛ̀n nɔn, ke tro le, yɛ dɔ́ Krisì wú ankà ɛgbàn-hán-tɛ̀ wú hô, ndɔ lɔ dú nmù ci-hán; tɛ́n bɔ́ léyi bɔ̀ dú ɛnkrukɔrɛ̀ levri wú nɔn, bɔ́ kán Ɔwɔ kɔrɛ̀srɔn owù ndɔ lɔ mɛ̀n.

1 Korɛntɛ̀n anmàn-bɔ̀ 2:6

Kɩ, Ɔwɔ ankà-nyrì de me yé Krisì-sɛ̀nkɛn-bɔ̀ léyi Ɛnhɛ́n Prɔnprɔn mɛ̀n anvɛmɛ̀n cüe nɔn. Tɛ́n kè sɩ̀ dù ɛnhibù wú ankà-nyrì mán ɛkɔrɛ̀-srɔn-bɔ̀ ankà-nyrì léyi ẅɛn ɛyri ɛnhibù ndɔ lɔ wú, hɩ dú eci-jrɛ́-ci nɔn.

2 Korɛntɛ̀n anmàn-bɔ̀ 2:12

Ɛnvra léyi mɛ̀n bru Troasɛ̀n anmàn, ô mɛ̀n dɔ́ Krisì Mɛẅi ankà Ankrankran lɔ nɔn, mɛ̀n kán ɔmu le Ɛẅɛnwrɔn tán mɛ̀n ɛnvra anvrɛnvrɛn, ô mɛ̀n hán hɩ ci lɔ.

2 Korɛntɛ̀n anmàn-bɔ̀ 3:14

Tɛ́n y'ɛnkruemɛ̀n-ẅɛ̀n dú ɛyri yɔwɔ mɛ̀n; hàn kɩ cɔ́ zɛtɛ̀ léyi, eci vru vá nɛ̀n ezì ɛnvra léyi yɔ krɛ́ mìrɛ̀n gbànvri wrú hɔ̀n lɔ nɔn. Ezì-sɛ́n-ci ndɔ lɔ kɛ zrɛ́n Krisì yri-kàn zìwú kɩ.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.