2 Korɛntɛ̀n anmàn-bɔ̀ 4:16 - Ɛmɛẅi ankà ankrànkràn 2003

¹⁶ Hɩ le kruhú de bɔ̀ dú edùyiemɛ̀n ɛnvra lɔ fɛn nɔn. Tɛ́n ke dú kɛ b'ɔwrɔnẅì dùwrú ke dú ɛjrɛ́ mɛ̀n janjan hô, bɔ́ ɛnhɛ́n dùwrú kɛ sán srɔ owrù ɛnbì ɛnbì.

2 Korɛntɛ̀n anmàn-bɔ̀ 4:16 Iomraidhean Croise

Lükɛ̀n 11:3

Ɛ̀ tán bɔ̀ ɛnbì ɛnbì ci-zî.

Rɔmɛ̀n-anmàn-bɔ̀ 12:2

Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.

Rɔmɛ̀n-anmàn-bɔ̀ 7:22

M'ɛnbɔrɛ mɛ̀n lɔ mɛ ẅɛn Ɔwɔ nyànmàn cüɛ̀n.

1 Korɛntɛ̀n anmàn-bɔ̀ 15:58

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

2 Korɛntɛ̀n anmàn-bɔ̀ 12:15

Mɛ tɛn tɛ́n, me le dú ɛnbɔrɛ-bruemɛ̀n ke dú kɛ mɛ jrɛ́ eci lɔ fɛn léyi mɛ́n ẅɛ̀n mán mɛ́n mumù mɛhi ny'ɛkruhú. Nyɛ lɛ cüɛn mɛ̀n ɛẅiɛ tɛ̀kɩ, ke dú kɛ mɛ ẅɛn ny'ɛcüɛ̀n vri ɔmu lɔa?

2 Korɛntɛ̀n anmàn-bɔ̀ 4:1

Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

Efɛzɛ̀n anmàn-bɔ̀ 3:16

Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

Efɛzɛ̀n anmàn-bɔ̀ 4:23

Ke ji le nyɛ́n teze ny'edomɛ̀n kokroho yɛ crɔn nyɛ̀n owrù, ɛnbɔrɛ mɛ̀n mán ɛnhɛ́n mɛ̀n.

Kɔlɔsèn anmàn-bɔ̀ 3:10

kɩ nyɛ́n bɩ́ edù-ci wrù nyɛ́n ẅɛn edomɛ̀n: nyɛ́n dú ɛci wrù hɔ̀n léyi Ɔwɔ, bɔ́ ɛnhibù-hán-wrɔn, kɛ crɔn ɛnvra lɔ fɛn nɛ́n picɛ̀ mɛ̀n, ô nyɛ́n nyri nɛ̀n kokroho nɔn.

Titɛ̀n 3:5

nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn.

1 Piɛrɛ̀n 3:4

Nyɛ́n ji ɛnhɛ́n mɛ̀n fì nyɛ́n wá edomɛ̀n, ɛnhɛ́n-mɛ̀n-fi-ci léyi ke sɩ́ wúɛ, dú sɔ̀hɔ̀ mán anwɔwɔ, kɩ ẅɛn vɔ̀nshɛ́ vri Ɔwɔ zìwú nɔn.

1 Piɛrɛ̀n 4:14

Ke dú kɛ yɛ wora nyɛ̀n ɔmuhi nyɛ́n dú Krisì sɛ̀nkɛn-bɔ̀ nɔn, nyɛ́n dú ɛnbɔrɛbruemɛ̀n, ɔmuhi Ɔwɔ ci-zrɔ Hɛ́n dú nyɛ̀n ɛwú nɔn.