Biblia Todo Logo
Bìoball air-loidhne

- Sanasan -




2 Korɛntɛ̀n anmàn-bɔ̀ 4:10 - Ɛmɛẅi ankà ankrànkràn 2003

10 Ɛnvra lɔ fɛn Zhezü wù lɔ dú bɔ̀ edomɛ̀n, ô n'ɛwúvà lɔ mán kè dú bɔ́ edùwrú lɔ mɛ̀n.

Faic an caibideil Dèan lethbhreac




2 Korɛntɛ̀n anmàn-bɔ̀ 4:10
17 Iomraidhean Croise  

Ɛnvra buriemɛ̀n ɛnhibù ke sɩ̀ vru kán mɛ̀n, tɛ́n nyɛ́n, nyɛ lɛ kán mɛ̀n, ɔmuhi mɛ̀n dú ɔkɔrɛmɛ̀n kɩ nyɛ́n mán nye le dú ɔkɔrɛmɛ̀n nɔn.


Annanwɔrɛ mɛ̀n lɔ, ke dú kɛ bɔ́ mán nɛ́n mɛhi bɔ́ dú ɔbɔ̀sɔ mɛ̀n owù zri lɔ mɛ̀n hô, bɔ́ le vru bɔ́ dú ɔbɔ̀sɔ̀ zri lɔ mɛ̀n nɛ́n mán bɔ́ mɛhi n'owúemɛ̀n-dùfrɔ́ lɔ mɛ̀n.


Ke dú kɛ bɔ́ mán krisì mɛhi bɔ́ wù hô, bɔ̀ ẅɛn esɛ́ le, bɔ́ mán nɛ́n mɛhi bɔ́ lɛ kɔrɛ̀ bɔ́ le dù.


Hán ɔmu le Owrú kɛ dɔ̀ nɔn: “V'ɛkruhú de yɛ hɛ́n bɔ̀ owù-wɔ̀n mɛ̀n ɛcɛ̀n mumù lɔ fɛn, yɛ hán bɔ̀ eci kɛ cá kɔkɔsɛ̀ hɔ̀n léyi ye sɩ́ owri-yri nɔn.”


Annanwɔrɛ mɛ̀n lɔ, ɔmu zri léyi bɔ̀ dú Krisì gbànkàn lɔ mɛ̀n nɔn, ɔmu zri lɔ mán de bɔ́ cɔ́ ɛnbɔrɛ-bi-wá vri Krisi mɛ̀n nɔn.


Bɔ̀ tro le owúemɛ̀n-dì dú bɔ́ tɛn. Tɛ́n, ɔmu lɔ de dù nɔn, ô bɔ́ nyrì le ke sɩ́ ji le bɔ̀ ẅɛn esɛ́ bɔ́ dùku bɔ́ ɛwú, tɛ́n Ɔwɔ wú, nɛ́n léyi ne sɩ́ owú-bɔ̀ ɔkɔrɛ-bɔ̀ mɛ̀n nɔn.


Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.


Bɔ́ dú ɛwúvà-kɔrɛ̀ mɛ̀n, kɩ bɔ́ dú ɛnvra lɔ fɛn owù tɛ̀sɛ̀n Zhezü kruhú, ô n'ɛwúvà mán kè dú b'owú dùwrú lɔ mɛ̀n.


Ɛnbi nyantɛn, ke sɩ́ ji le ɔwrɔn zriɛmɛ́n ke vru kɛ̀ wá mɛ̀n ejüe; ɔmuhi annrɛ̀n hɔ̀n léyi cüe mɛ̀n edomɛ̀n nɔn, ke yé le mɛ̀n dú Zhezü tɛn.


Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.


Nyàn ankà-dɔ̀ léyi dú annanwɔrɛ nɔn: “Ke dú kɛ bɔ́ mán nɛ́n mɛhi bo wù hô, bɔ́ mán nɛ́n mɛhi bɔ́ lɛ kɔrɛ̀ bɔ́ le dù;


Pɔpüɛ̀ kɛ̀ hɛ́ ezì kɛ̀ brá nyɛ̀n, ɔmuhi nyɛ́n cɔ́ Krisì gbànkàn lɔ nɔn, ô pɔpüɛ̀-brà vri ke vru ke yɩ́ ny'ɛnbɔrɛ hɔ̀n lɔ mɛ̀n, ɛnvra léyi ne le yé yɔ lɛ fɛn n'eci-zrɔ lɔ nɔn.


Ke dú kɛ yɛ wora nyɛ̀n ɔmuhi nyɛ́n dú Krisì sɛ̀nkɛn-bɔ̀ nɔn, nyɛ́n dú ɛnbɔrɛbruemɛ̀n, ɔmuhi Ɔwɔ ci-zrɔ Hɛ́n dú nyɛ̀n ɛwú nɔn.


Ɛnvra léyi mɛ̀n kán nɛ̀n nɔn, mɛ̀n bore nɛ̀n annan zìwú hán owú-wrɔn hɔ́. Nɛ̀n bɩ́ n'ezì-kɔrɛ̀ kɔrɛ̀ lɔ nɛ̀n di mɛ̀n ɛwú kɩ nɛ dɔ̀ le: “Ɛnjansù ke bɩ́ ẅɛn mɛ́n! Mɛ̀n dú kpàkpà-wrɔn mán ɛmɛẅitrɔ-wrɔn.


Lean sinn:

Sanasan


Sanasan