2 Korɛntɛ̀n anmàn-bɔ̀ 4:1 - Ɛmɛẅi ankà ankrànkràn 2003

¹ Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

2 Korɛntɛ̀n anmàn-bɔ̀ 4:1 Iomraidhean Croise

Lükɛ̀n 18:1

Zhezü kɛ dɔ́ yɔ nyandrɛn ndɔ lɔ mɛ̀n ankà, ô kè yé yɔ le, ke ji le yɛ sɛ́n Ɔwɔ, edùyiemɛ̀n ɛnvra lɔ fɛn, ô edù ke bɩ́ ká yɔ mrìmrì.

1 Korɛntɛ̀n anmàn-bɔ̀ 3:5

Annanwɔrɛ mɛ̀n lɔ, antɔnwrɔn dú Apolɔsɛ̀n hàn? Kɩ antɔnwrɔn dú Pɔlɛ̀n hàn? Bɔ́ dú Ɔwɔ ci-bɩ̀tan-bɔ̀ kora-sà hɔ̀n léyi y'ɛwú lɔ nyɛ́n cɔ́ ankaẅì-bùtan nɔn. Bɔ́ ɛmɛ̀n lɔ ɔwrɔnwrɔn kɛ hán ɔkɔhɔ̀n léyi Ɛẅɛnwrɔn wá tán nɛ̀n nɔn:

1 Korɛntɛ̀n anmàn-bɔ̀ 7:25

Hɩ le kɛ crɛ-nyan anwrɔn hɔ̀n léyi kè sɩ̀ wà eyiri-mùan nɔn, Ɛẅɛnwrɔn kè sɩ̀ tán mɛ̀n ɛnyànmàn; tɛ́n mɛ dɔ́ mɛ́n dùku m'ɛnkruemɛ̀n ankà, mɛ̀n léyi Ɛẅɛnwrɔn bɔrɛ wɔwɔ lɔ mɛ̀n, mɛ̀n ẅɛn n'esɛ̀ kɔrɛ̀levri nɔn.

2 Korɛntɛ̀n anmàn-bɔ̀ 3:12

Ɔmuhi bɔ̀ ẅɛn esɛ́ ɔmu lɔ de esɛ́ yɩ́ bɔ̀ ɛmɛ̀n nɔn.

2 Korɛntɛ̀n anmàn-bɔ̀ 3:6

nɛ́n de nɛ̀n tán bɔ̀ ecüì bɔ̀ srɔ mìrɛ̀n wrù ci-bɩ̀tan-bɔ̀ léyi kè sɩ̀ dù ɛnyànmàn léyi ye merɛ́n nɔn n'ɔkɔrɛ̀-levri wú, tɛ́n Ɛnhɛ́n Prɔnprɔn kɔrɛ̀levri wú. Ɛnyànmàn léyi ye merɛ́n nɔn, ke sɩ́ owúemɛ̀n, tɛ́n Ɛnhɛ́n Prɔnprɔn ke sɩ́ ɔkɔrɛ mɛ̀n.

2 Korɛntɛ̀n anmàn-bɔ̀ 4:16

Hɩ le kruhú de bɔ̀ dú edùyiemɛ̀n ɛnvra lɔ fɛn nɔn. Tɛ́n ke dú kɛ b'ɔwrɔnẅì dùwrú ke dú ɛjrɛ́ mɛ̀n janjan hô, bɔ́ ɛnhɛ́n dùwrú kɛ sán srɔ owrù ɛnbì ɛnbì.

2 Korɛntɛ̀n anmàn-bɔ̀ 5:18

Eci ndɔ lɔ fɛn dú Ɔwɔ yri và, nɛ́n léyi nɛ̀n wɔ bɔ́ mán nɛ́n mɛhi angranmɛ̀n Krisì mɛ̀n, kɩ nɛ̀n tán bɔ̀ ɔkɔ̀hɔ̀n ndɔ lɔ, ô bɔ̀ wɔ nɛ́n mán anwrɔn nyàntɛn hɔ̀n mɛhi angranmɛ̀n nɔn.

Galasi anmàn-bɔ̀ 6:9

Edù ke bɩ́ ká bɔ̀ anvrɛn-hán mɛ̀n; ɔmuhi ke dú kɛ edù ke sɩ̀ wú bɔ̀ hô, bɔ́ lɛ cɔ́ bɔ́ antɛ̀-ẅì ɛnvra léyi n'ɛküɛ vra kɛ lɛ cɔ̀ nɔn.

Efɛzɛ̀n anmàn-bɔ̀ 3:13

Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.

Filipɛ̀n anmàn-bɔ̀ 4:13

Mɛ lɛ kɛ́n ankà-jüedì lɔ fɛn ezì tɛ̀, Krisì léyi kɛ tán mɛ̀n ecüì nɔn, n'ɛkɔrɛ̀levri mɛ̀n.

2 Tesalonikɛ̀n anmàn-bɔ̀ 3:13

Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n.

Kpàkpà timote 1:13

kɩ nɛ̀n sɩ̀ crɛ̀ nyan ɛnbìɛhɛ́n ci gbàngbàn léyi mɛ̀n hán nɛ̀n, mán ɔwra léyi mɛ̀n ku nɛ̀n ɛwú nɔn. Tɛ́n Ɔwɔ nyri mɛ̀n ɛnhyɔ̀bɔ̀, ɔmuhi mɛ̀n sɩ̀ ẅɛ̀n ankaẅìbùtan, kɩ mɛ́n sɩ́ nyri eci léyi mɛ hán nɔn.

Ebre-bɔ̀ 12:3

Nyɛ́n tro n'ankà, kɛ̀ hán ɔmu le nɛ́n shrì nɛ̀n bɩ́ ezì léyi ɛgbàn-hán-bɔ̀ kɛ́n nɛ̀n nɔn. Kɩ ɔmu lɔ de nyɛ́n sɩ̀ cɔ́ ɛjɛ̀, edù ke sɩ̀ wú nyɛ̀n.

1 Piɛrɛ̀n 2:10

Ɛnbiɛhɛ́n vra lɔ nyɛ́n sɩ̀ dù Ɔwɔ fɛcüè-bɔ̀ tɛ́n, tɛ́n zɛtɛ̀ lɔ nyɛ́n dú nɛ́n fɛcüè; ɛnbiɛhɛ́n vra lɔ nyɛ́n sɩ̀ cɔ̀ Ɔwɔ-yɔ̀bɔ̀-nyrì, tɛ́n zɛtɛ̀ lɔ nyɛ́n cɔ́ Ɔwɔ-yɔ̀bɔ̀-nyrì.

Ɔwɔ-mɛ̀n-yrikàn 2:3

Ɛ̀ ẅɛn ɛnbɔrɛ-ẅɛ̀n-hɛ́n-sɛ́, ɛ̀ kán ɛgbàn m'ɛkruhú, kɩ è sɩ̀ wù v'edomɛ̀n edù.