2 Korɛntɛ̀n anmàn-bɔ̀ 3:7 - Ɛmɛẅi ankà ankrànkràn 2003

⁷ Ye merɛ́n ɛnyànmàn owrú-ẅì zrizri obù wrú wú kɩ Ɔwɔ ci-zrɔ gbrɛ́n ɛnvra ndɔ lɔ mɛ̀n. Mohizì zì lɔ dú ɛgbrɛ́n vriemɛ̀n, hán tán kɩ Izraɛlɛ̀n ẅì hɔ̀n ke sɩ́ nyan nɛ̀n rɔ́a, tɛ́n ɛgbrɛ́n ndɔ lɔ dú eburi-mán-eburi mɛ̀n. Ke dú kɛ ɛnyànmàn ci hán dú owúemɛ̀n sɩ́, kɩ nɛ̀n ẅɛn ɛgbrɛ́n-ci-zrɔ ɔmu lɔ n'ɛsrɔ mɛ̀n,

2 Korɛntɛ̀n anmàn-bɔ̀ 3:7 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 6:15

Anwrɔn hɔ̀n léyi yɛ́ ankà-dɔ̀-trɔ-bɔ̀-mrɛ̀ncì-wɔn lɔ mɛ̀n nɔn, crɛ y'anvɛ̀ lɔ fɛn kɛ́n Etiɛnɛ̀n kɩ yɔ kán n'ezì lɔ ndù cá Ɔwɔ-kùyüre-wrɔn tɔ̀n zì hɔ́.

Rɔmɛ̀n-anmàn-bɔ̀ 10:4

Ɔmuhi Krisì nyrɔn Mohizì nyànmàn lɔ hàn kɩ cɔ́ ɛnkru, ô anwrɔn hɔ̀n léyi ẅɛn ankaẅì-bùtan nɔn, kɛ̀ srɔ ɛnyrɔnnan-bɔ̀ Ɔwɔ zìwú.

Rɔmɛ̀n-anmàn-bɔ̀ 4:15

Annanwɔrɛ mɛ̀n lɔ ɛnyànmàn kɛ tán Ɔwɔ ɛmɛ̀nhyì-bɩ̀; tɛ́n ɛyri léyi ɛnyànmàn bàdà nɔn, ɛnyànmàn-fɔndɔ̀n mán bàdà nanvrɛn.

Rɔmɛ̀n-anmàn-bɔ̀ 5:20

Ɛnyànmàn nvà kɩ zɛtɛn ɛgbàn nvà cüɛn; tɛ́n ɛyri léyi ɛgbàn cüɛn nɔn, Ɔwɔ-boafɔ̀n vru sán cüɛ́n.

Rɔmɛ̀n-anmàn-bɔ̀ 7:10

kɩ mɛ tɛn mɛ́n wù: ɛnyànmàn léyi kɛ lɛ nyrɔn bɔ̀ ke sɩ́ ɛwúvà mɛ̀n nɔn, m'eyri lɔ, ne sɩ́ owúemɛ̀n.

Rɔmɛ̀n-anmàn-bɔ̀ 7:22

M'ɛnbɔrɛ mɛ̀n lɔ mɛ ẅɛn Ɔwɔ nyànmàn cüɛ̀n.

Rɔmɛ̀n-anmàn-bɔ̀ 7:5

Annanwɔrɛ mɛ̀n lɔ, ɛnvra léyi bɔ́ dú ɛwúvà léyi kɛ cüɛn bɔ̀ ɛvɛ̀ n'eci-gbangbàn-hán mɛ̀n nɔn, ɛnyànmàn kɛ kɛ́n bɔ́ mumù lɔ sɩ́, kɩ bɔ́ hán eci léyi ke sɩ́ owù nɔn.

1 Korɛntɛ̀n anmàn-bɔ̀ 13:10

Tɛ́n ɛnvra léyi nmù-sá ci lɔ kɛ lɛ và nɔn, eci léyi kè sɩ̀ sɛ̀n nmù nɔn kɛ lɛ zrɛ́n.

2 Korɛntɛ̀n anmàn-bɔ̀ 3:3

Hɛ̀ɛ̀, dú annanwɔrɛ le nyɛ́n dú owrú léyi Krisì merɛ́n hɩ bɔ̀ yüre nɔn. Ye sɩ̀ bɩ owrú shi ye merɛ́n nɛ̀n, tɛ́n Ɔwɔ Hɛ́n kɔrɛkɔrɛ mɛ̀n; ye sɩ̀ merɛ́n nɛ̀n obù wrú wú, tɛ́n anwrɔnẅì bɔrɛ mɛ̀n.

2 Korɛntɛ̀n anmàn-bɔ̀ 3:6

nɛ́n de nɛ̀n tán bɔ̀ ecüì bɔ̀ srɔ mìrɛ̀n wrù ci-bɩ̀tan-bɔ̀ léyi kè sɩ̀ dù ɛnyànmàn léyi ye merɛ́n nɔn n'ɔkɔrɛ̀-levri wú, tɛ́n Ɛnhɛ́n Prɔnprɔn kɔrɛ̀levri wú. Ɛnyànmàn léyi ye merɛ́n nɔn, ke sɩ́ owúemɛ̀n, tɛ́n Ɛnhɛ́n Prɔnprɔn ke sɩ́ ɔkɔrɛ mɛ̀n.

2 Korɛntɛ̀n anmàn-bɔ̀ 3:8

andɛ̀n ɛbɛ de Ɛnhɛ́n Prɔnprɔn ci-hán ke sɩ̀ dú eci-zrɔ vriemɛ̀n!

Galasi anmàn-bɔ̀ 3:10

Tɛ́n, anwrɔn hɔ̀n léyi kɛ ẅɛn ɛnyànmàn-wá nɔn, yɔ cɔ́ ɛẅìɛ̀-dà tɔ̀n. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwrɔn léyi ɛnvra lɔ fɛn ke sɩ́ ẅɛn eci lɔ fɛn léyi ye merɛ́n dú ɛnyànmàn wrú lɔ mɛ̀n kɛ hɛ́n hán nɔn, ɛẅìɛ̀-dà dú nɛ tɛn.”

Galasi anmàn-bɔ̀ 3:21

Ndɔ lɔ n'ɛmɛ̀n kɛ dɔ̀ le ɛnyànmàn kɛ kɛ́n Ɔwɔ mùan-wá ci-hán ezìɛ? Annanwɔrɛ mɛ̀n lɔ hɔ̂! Ke dú kɛ yɛ wá ɛnyànmàn tɔ̀n, ô kɛ̀ tán anwrɔnẅì annanwɔrɛ wúvà, hɩ lɔ mɛ̀n, ɔwrɔnẅì kɛ lɛ srɔ ɛnyrɔnnan-wrɔn tɛ̀ Ɔwɔ zìwú ɛnyànmàn kɔrɛ̀-levriemɛ̀n.

Ebre-bɔ̀ 12:18

Nyɛ́n sɩ̀ sɔ̀nba eci tɔ̀n léyi yɛ lɛ tɛ́ ɛkɔrɛ tɛ̀, Sinahi kpò lɔ, nɛ́n mán n'ɛnhyà léyi ke wrú ecüemɛ̀n, n'ɛyri yɔwɔ mán ɛnshi-nyran, mán n'ɛnshi vri nàn,

Ebre-bɔ̀ 3:3

Ɔwrɔn léyi ke ku ɔwɔn nɔn, nɛ̀n ẅɛn ɛmrɛ́n vrán ɔwɔn dùku lɔ. Ɔmu lɔ, Zhezü ẅɛn ecizrɔ vrán Mohizì.

Ebre-bɔ̀ 9:4

nɛ́n mán n'ansìkɛ cice-tɛbrɛ̀ mɛhi; tɛbrɛ̀ léyi n'ɛwú, yɛ biɛ anjɔsàn, kɩ nanvrɛn lɔ yɛ cɔ́ mìrɛ̀n lakà-kpò léyi ansìkɛ dú edòmɛ̀n ɛyri lɔ fɛn nɔn. Lakà lɔ mɛ̀n yɛ cɔ́ ansìkɛ kpokpo léyi anhobɩ́ cizî dú ɛmɛ̀n, Arɔn kpanmán léyi ku anhyrà mán ɛbù tɛbrɛ̀ kpòkpò hɔ̀n léyi mìrɛ̀n nyànmàn hɔ̀n lɔ dú ɛwú nɔn.