Biblia Todo Logo
Bìoball air-loidhne

- Sanasan -




2 Korɛntɛ̀n anmàn-bɔ̀ 3:6 - Ɛmɛẅi ankà ankrànkràn 2003

6 nɛ́n de nɛ̀n tán bɔ̀ ecüì bɔ̀ srɔ mìrɛ̀n wrù ci-bɩ̀tan-bɔ̀ léyi kè sɩ̀ dù ɛnyànmàn léyi ye merɛ́n nɔn n'ɔkɔrɛ̀-levri wú, tɛ́n Ɛnhɛ́n Prɔnprɔn kɔrɛ̀levri wú. Ɛnyànmàn léyi ye merɛ́n nɔn, ke sɩ́ owúemɛ̀n, tɛ́n Ɛnhɛ́n Prɔnprɔn ke sɩ́ ɔkɔrɛ mɛ̀n.

Faic an caibideil Dèan lethbhreac




2 Korɛntɛ̀n anmàn-bɔ̀ 3:6
45 Iomraidhean Croise  

Zɛtɛn Zhezü kɛ dɔ́ yɔ le: “Ɔmu lɔ de, Ɛnyànmàn-gbànvri-ankà-yé-wrɔn tɔ̀n léyi kɛ srɔ Anhobɩ́ nɛ̀ncüì-dúyri sɛ̀nkɛn-wrɔn nɔn, kɛ lɛ dù kɛ̀ cá ɔwrɔn léyi kɛ cɔ́ ɛci wrù mán ɛci gbànvri n'ɛnnɛ̀ncüì-di-ci lɔ mɛ̀n nɔn.”


ɔmuhi ndɔ lɔ dú m'ɛnkrɛ̀, ɛnkrɛ̀ léyi ke di Ɔwɔ mìrɛ̀n lɔ dalɛfuɛ, hɩ cüe anwrɔn bobrebe gbàn-wɔɛ̀n-dì kruhú nɔn.


Zhezü kɛ dɔ́ yɔ le: “Ndɔ lɔ dú m'ɛnkrɛ̀, ɛnkrɛ̀ léyi dú mìrɛ̀n wrù krɛ̀, hɩ ke le cüe anwrɔn bobrebe kruhú nɔn.


Nɛ̀n tán yɔ ɛntàn glashɛ̀n lɔ ɛci-zî trɔmɛ̀n, kɩ nɛ dɔ̀ le: “Ɛntàn glashɛ̀n ndɔ lɔ dú Ɔwɔ mìrɛ̀n wrù léyi m'ɛnkrɛ̀ lɔ cüe ny'ɛkruhú, ô kè di nyɛ̀n dalɛfuɛ Ɔwɔ zìwú nɔn.


Ɔmuhi, ɔmu zri léyi Ɛnẅì-nɛ́n-zi kɛ hán owú-bɔ̀ kɛ vá ɔkɔrɛ-bɔ̀ mɛ̀n nɔn, hɩ zri lɔ Ɛnẅì mán kɛ tán ɔkɔrɛ̀ anwrɔn hɔ̀n léyi ne ji nɛ̀n tán nɔn.


Ɛnhɛ́n Prɔnprɔn de kɛ tán ɔkɔrɛ̀; ɔwrɔnẅì zri ke sɩ̀ srɔ eci kru mù. Ankà-dɔ̀ hɔ̀n léyi mɛ̀n tán nyɛ̀n nɔn dú Ɛnhɛ̀n mán Ɔkɔrɛ̀.


N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.


Ɔmuhi ɔwrɔn zriɛmɛ́n ke sɩ́ dú ɛnyrɔnnan-wrɔn Ɔwɔ-zìwú, ɔmuhi nɛ̀n hán ɛnyànmàn kɔrɛ̀-zì-ci nɔn; ɛnyànmàn kɛ wá ɛkɔrɛ̀, ô ye nyri ɛgbàn.


Annanwɔrɛ mɛ̀n lɔ ɛnyànmàn kɛ tán Ɔwɔ ɛmɛ̀nhyì-bɩ̀; tɛ́n ɛyri léyi ɛnyànmàn bàdà nɔn, ɛnyànmàn-fɔndɔ̀n mán bàdà nanvrɛn.


hán ɔmu le Owrú kɛ dɔ̀ nɔn: “Mɛ̀n bɩ́ mɛ́n mɛ̀n srɔ ɛnhi wú anmàn hɔ̀n fɛcüè, yɔ nancüì.” Abrahamɛ̀n dú bo zi, Ɔwɔ zìwú, nɛ̀n léyi nɛ̀n ẅɛn yi ankaẅì-bùtan nɔn, Ɔwɔ léyi kɛ tán owú-bɔ̀ ɔkɔrɛ̀, kɩ kɛ hán eci léyi bàdà nɔn, ke dù.


Tɛ́n zɛtɛ̀ lɔ, bɔ̀ sɩ̀ vrù dù ɛnyànmàn kɔrɛ̀-levri wúɛ, ɔmuhi bɔ̀ wú eci léyi kɛ ẅɛn bɔ̀ hɛ́n ɛgbàn tamɛ̀n nɔn, n'ɛmɛ̀n. Ɛkɔrɛ̀levri dù bɔ́ lɛ hán Ɔwɔ ci-bɩtan-kɔ̀hɔ̀n eci-hán wrù mɛ̀n, Ɛnhɛ́n Prɔnprɔn kɔrɛ̀levriemɛ̀n, kɩ kè sɩ̀ vrù dù eci-hán gbànvri ndɔ léyi ɛnyànmàn merɛ́n nɔn n'ɛkɔrɛ̀levri mɛ̀n.


Ɔmuhi Ɛnhɛ́n Prɔnprɔn nyànmàn léyi kɛ tán ɛwúvà-kɔrɛ̀ Zhezü Krisì bɩmɛ̀n nɔn, bɩ́ mɛ́n sɔhɔ́ ɛgbàn nyànmàn mán owù tamɛ̀n.


Ɔmu zri lɔ, ɛci-zî trɔ mɛ̀n lɔ, nɛ̀n bɩ́ ɛntàn grashɛ̀n lɔ kɩ nɛ dɔ̀ le: “Grashɛ̀n ndɔ lɔ dú Ɔwɔ mìrɛ̀n wrù léyi m'ɛnkrɛ̀ di nɛ́n dalɛfuɛ nɔn. Ɛnvra totɔtɔ̀n léyi nye le mi nɛ̀n nɔn, nyɛ́n hán nɛ̀n m'ankà-tro mɛ̀n.”


Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.


Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Kpàkpà-wrɔn, Adamɛ̀n srɔ ɔwrɔnẅì kɔrɛkɔrɛ”; tɛ́n ɛmɛẅitrɔ Adamɛ̀n dú Ɛnhɛ́n léyi kɛ tán ɛwúvà nɔn.


M'ankà-nyrì léyi Ɔwɔ tán mɛ̀n nɔn, mɛ́n bɩ mɛ̀n hán ɔkɔhɔ̀n hán ɔwɔn-kú-wrɔn anvrɛnvrɛn tɔ̀n hɔ́, kɩ mɛ̀n wá ɔwɔn-bù ɛnhibɩ́. Zɛtɛ̀ lɔ, ɔwrɔn tɔ̀n ke ku ɔwɔn ɔwɔn-hi-nan lɔ ɛwú. Tɛ́n ke ji le ɔwrɔnwrɔn kɛ̀ wá esùva n'ɔwɔnkuemɛ̀n.


Annanwɔrɛ mɛ̀n lɔ, antɔnwrɔn dú Apolɔsɛ̀n hàn? Kɩ antɔnwrɔn dú Pɔlɛ̀n hàn? Bɔ́ dú Ɔwɔ ci-bɩ̀tan-bɔ̀ kora-sà hɔ̀n léyi y'ɛwú lɔ nyɛ́n cɔ́ ankaẅì-bùtan nɔn. Bɔ́ ɛmɛ̀n lɔ ɔwrɔnwrɔn kɛ hán ɔkɔhɔ̀n léyi Ɛẅɛnwrɔn wá tán nɛ̀n nɔn:


Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.


Tɛ́n y'ɛnkruemɛ̀n-ẅɛ̀n dú ɛyri yɔwɔ mɛ̀n; hàn kɩ cɔ́ zɛtɛ̀ léyi, eci vru vá nɛ̀n ezì ɛnvra léyi yɔ krɛ́ mìrɛ̀n gbànvri wrú hɔ̀n lɔ nɔn. Ezì-sɛ́n-ci ndɔ lɔ kɛ zrɛ́n Krisì yri-kàn zìwú kɩ.


Hɛ̀ɛ̀, dú annanwɔrɛ le nyɛ́n dú owrú léyi Krisì merɛ́n hɩ bɔ̀ yüre nɔn. Ye sɩ̀ bɩ owrú shi ye merɛ́n nɛ̀n, tɛ́n Ɔwɔ Hɛ́n kɔrɛkɔrɛ mɛ̀n; ye sɩ̀ merɛ́n nɛ̀n obù wrú wú, tɛ́n anwrɔnẅì bɔrɛ mɛ̀n.


Ye merɛ́n ɛnyànmàn owrú-ẅì zrizri obù wrú wú kɩ Ɔwɔ ci-zrɔ gbrɛ́n ɛnvra ndɔ lɔ mɛ̀n. Mohizì zì lɔ dú ɛgbrɛ́n vriemɛ̀n, hán tán kɩ Izraɛlɛ̀n ẅì hɔ̀n ke sɩ́ nyan nɛ̀n rɔ́a, tɛ́n ɛgbrɛ́n ndɔ lɔ dú eburi-mán-eburi mɛ̀n. Ke dú kɛ ɛnyànmàn ci hán dú owúemɛ̀n sɩ́, kɩ nɛ̀n ẅɛn ɛgbrɛ́n-ci-zrɔ ɔmu lɔ n'ɛsrɔ mɛ̀n,


Eci-hán léyi ke sɩ́ anwrɔnẅì nwù-bɔ́ mɛ̀n dú eci-zrɔ mɛ̀n; andɛ̀n ɛbɛ de eci-hán léyi kɛ srɔ anwrɔnẅì ɛnnyrɔnnan-bɔ̀ Ɔwɔ zìwú ke sɩ̀ dú eci-zrɔ mɛ̀n!


Ndɔ lɔ n'ɛmɛ̀n kɛ dɔ̀ le ɛnyànmàn kɛ kɛ́n Ɔwɔ mùan-wá ci-hán ezìɛ? Annanwɔrɛ mɛ̀n lɔ hɔ̂! Ke dú kɛ yɛ wá ɛnyànmàn tɔ̀n, ô kɛ̀ tán anwrɔnẅì annanwɔrɛ wúvà, hɩ lɔ mɛ̀n, ɔwrɔnẅì kɛ lɛ srɔ ɛnyrɔnnan-wrɔn tɛ̀ Ɔwɔ zìwú ɛnyànmàn kɔrɛ̀-levriemɛ̀n.


Ɛnbiɛhɛ́n lɔ, nyɛ́n wú ɛnhɛ́n mɛ̀n, ny'ɛfɔ̀ndɔ̀n mán ny'ɛgbàn hɔ̀n lɔ kruhú.


kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.


Mɛ̀n srɔ Ɛmɛẅi ankà Ankrankran dɔ̀ ci-bɩ̀tan-wrɔn, ecice tɔ̀n léyi Ɔwɔ kɔrɛ̀-levriemɛ̀n, mán n'ɛzrɔ mɛ̀n tán mɛ̀n, n'ɛkɔrɛ̀-srɔn ci-hán mɛ̀n.


Ke dú kɛ e yé anwrɔn nɛ́n muan-ẅì hɔ̀n ankà ndɔ hɔ̀n lɔ hô, e le dú Zhezü Krisì ci-bɩ̀tan-wrɔn ankrankran tɔ̀n, e le yé tán le ankaẅìbùtan ankà-dɔ̀ mán ankà-yé annanwɔrɛ léyi ɛ kɛ́n ɛsɛ̀n nɔn, dú v'ɛcizî.


Ɔwɔ wá tán mɛ̀n, mɛ̀n dɔ́ Ɛmɛẅi ankà Ankrankran ndɔ lɔ, ɔmuhi mɛ̀n dú n'ɔkɔhɔ̀n-wá-wrɔn mán n'eci-yé-wrɔn,


Nyɛ́n sɔ̀nba Zhezü ɛtɛ̀sɛ̀n, nɛ́n léyi nɛ̀n dú mìrɛ̀n wrù lɔ n'angranmɛ̀n nyɔnwrɔn mán n'ɛnkrɛ̀ léyi cüe, kɛ dɔ́ ankà anvrɛnvrɛn vrán Abɛlɛ̀n tɛn lɔ nɔn.


Ɔwɔ leyi dú anwɔwɔ shi-bɛ, bɩ́ bɔ́ Ɛẅɛnwrɔn Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n, Zhezü srɔ kɔ̀kɔ̀sɛ̀ kua-wrɔn, n'ɛnkrɛ̀ cice nboafɔn mɛ̀n, ɛnkrɛ̀ cice léyi kɛ tán Ɔwɔ mìrɛ̀n léyi ke sɩ́ trɔa nɔn ecüi ɛnvra lɔ fɛn nɔn.


Ɔmu lɔ de, Zhezü mán dú ɔwrɔn léyi wá bɔ̀ mìrɛ̀n ankrànkràn ɔmùan nɔn.


Mìrɛ̀n wrù tɔ̀n ankà dɔ́ mɛ̀n lɔ, Ɔwɔ bɩ́ mìrɛ̀n gbànvri lɔ srɔ kpàkpà tɛn; tɛ́n eci léyi kɛ srɔ ɛgbànvri, kɩ kɛ srɔ ɛshishi nɔn, dú eci léyi kɛ hɔ́n ɛzrɛ́n mɛ̀n nɔn.


Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.


Eci léyi dú ɛnkrubɔmɛ̀n nɔn, bɔ̀ yá n'ankà, bɔ̀ kán nɛ̀n bo dùku b'anvɛ̀ẅiemɛ̀n, kɩ b'ankɔrɛ̀ tɛ́ nɛ̀n: nɛ̀n dú Ɔwɔ mùan ankà-dɔ̀ léyi kɛ tán ɛwúvà-kɔrɛ̀ nɔn.


Lean sinn:

Sanasan


Sanasan