2 Korɛntɛ̀n anmàn-bɔ̀ 3:5 - Ɛmɛẅi ankà ankrànkràn 2003

⁵ Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và;

2 Korɛntɛ̀n anmàn-bɔ̀ 3:5 Iomraidhean Croise

Lükɛ̀n 21:15

Mɛ̀n dùku mɛ lɛ tán nyɛ̀n ankà-dɔ̀ mán ankà-nyrì léyi ny'egbri-wrɔn zriɛmɛ́n ke sɩ̀ ẅɛ̀n kè bɩ kɛ̀ kɛ́n nyɛ̀n ezì rɔ́ nɔn.

Lükɛ̀n 24:49

Kɩ mɛ́n dùku me le yüre nyɛ̀n eci léyi Dade wá ɔmùan nɔn. Tɛ́n ke ji le nyɛ́n yɛ́ anmàn, hàn kɩ kɛ cɔ́ ɛnvra léyi anhobɩ́ kɔrɛ̀srɔn lɔ kɛ lɛ kàkɛ nyɛ̀n ɛwú nɔn.”

Zhan 15:5

Mɛ̀n dú ɛtɛ̀, nyɛ́n dú antɛ̀da. Ɔwrɔn léyi kɛ cɔ́ mɛ̀n mɛhi bɔ́ bɔ́sɔ̀, hɩ mɛ̀n mán mɛ̀n dú nɛ̀n ɛmɛ̀n ɔbɔ̀sɔ mɛ̀n nɔn, ne shi ɛẅì bobrebe, ɔmuhi nyɛ́n sɩ̀ hán eci zriɛmɛ́n rɔ́ ke dú kɛ mɛ̀n sɩ̀ dù nyɛ̀n ɛmɛ̀n.

Rɔmɛ̀n-anmàn-bɔ̀ 15:18

Annanwɔrɛ mɛ̀n lɔ, ke dú kɛ mɛ dɔ́ eci tɔ̀n ankà hô, dú eci tɔ̀n léyi Krisì hán tán mɛ̀n, ô mɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ ẅɛn Ɔwɔ wá. Nɛ̀n hán eci lɔ ankà-dɔ́ mɛ̀n mán eci-hán mɛ̀n,

1 Korɛntɛ̀n anmàn-bɔ̀ 15:10

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

1 Korɛntɛ̀n anmàn-bɔ̀ 3:10

M'ankà-nyrì léyi Ɔwɔ tán mɛ̀n nɔn, mɛ́n bɩ mɛ̀n hán ɔkɔhɔ̀n hán ɔwɔn-kú-wrɔn anvrɛnvrɛn tɔ̀n hɔ́, kɩ mɛ̀n wá ɔwɔn-bù ɛnhibɩ́. Zɛtɛ̀ lɔ, ɔwrɔn tɔ̀n ke ku ɔwɔn ɔwɔn-hi-nan lɔ ɛwú. Tɛ́n ke ji le ɔwrɔnwrɔn kɛ̀ wá esùva n'ɔwɔnkuemɛ̀n.

1 Korɛntɛ̀n anmàn-bɔ̀ 3:6

Mɛ̀n wá ɛtɛ̀-ẅì ɛnhibɩ́, Apolɔsɛ̀n ku nɛ̀n ɛnshi, tɛ́n Ɔwɔ de hán nɛ̀n nɛ̀n sɔ́ nɔn.

2 Korɛntɛ̀n anmàn-bɔ̀ 12:9

Nɛ̀n mrɛ́n mɛ̀n ɔmùan le: “Mɛ́n boafɔ̀n krɔn mɛ́n. M'ɛkɔrɛ̀-srɔn ke yé n'edomɛ̀n ɛnvra léyi e dú ɛjɛ mɛ̀n nɔn.” Mɛ cüɛn ɔmu le mɛ̀n gbú ɔmùan m'ɛjɛ̀ hɔ̀n lɔ wú, ô Krisì kɔrɛ̀-srɔn lɔ, n'esùva-wá kɛ vá mɛ̀n ɛwú.

2 Korɛntɛ̀n anmàn-bɔ̀ 2:16

Anwrɔn janbɔ̀ tɛn, ndɔ̀ lɔ dú owù dɔ̀ léyi ke sɩ́ owúemɛ̀n nɔn; kɩ anwrɔn ndɔ hɔ̀n tɛn, ndɔ̀ lɔ dú ɛwúvà dɔ̀ léyi ke sɩ́ ɔkɔrɛ mɛ̀n nɔn. Antɔn de krɔn pkehɛ́n kɛ lɛ hán ɔkɔ̀hɔ̀n ɔmu lɔ nɛ́n?

2 Korɛntɛ̀n anmàn-bɔ̀ 4:7

Tɛ́n, Ɛnhɛ́n mɛ̀n nɛ̀ncüì-di-ci ndɔ lɔ dú bɔ̀ ɛmɛ̀n, kɩ bɔ̀ ẅɛn nɛ̀n anta dú ɛnsî hɔ̀n mɛ̀n, ô ye nyri kpetemɛ̀n le ɛkɔrɛ̀-srɔn vri ndɔ lɔ, dú Ɔwɔ yri và, tɛ́n kè sɩ̀ dù bɔ́ yri.

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Filipɛ̀n anmàn-bɔ̀ 4:13

Mɛ lɛ kɛ́n ankà-jüedì lɔ fɛn ezì tɛ̀, Krisì léyi kɛ tán mɛ̀n ecüì nɔn, n'ɛkɔrɛ̀levri mɛ̀n.

Anhyrɛmɛ̀n timote 2:2

Ankà léyi ɛ̀ yá mɛ̀n dɔ́ dalɛfuɛ-di-bɔ̀ bobrebe zìwú nɔn, è bɩ́ ankà lɔ ɛ̀ tán anwrɔn hɔ̀n léyi ɛ̀ ẅɛn esɛ́ y'ɛwú nɔn, kɩ yɔ mán yɔ lɛ ẅɛn ecüì yɛ lɛ dɔ̀ yé anwrɔn nyàntɛn.

Zhakɛ̀n 1:17

Ecice anvrɛnvrɛn mán ecitán ankrankran ke dú anhobɩ́ kɛ và, yɔ dú Ɔwɔ yri yɛ và, nɛ́n léyi nɛ̀n dú anhobɩ́-yri-kàn-hán-wrɔn nɔn. Kɩ Ɔwɔ ke sɩ́ crɔn hán, yakɛ nɛ́n sɩ́ hán ɛyri-yɔwɔ n'eci-hán lɔ fɛn mɛ̀n.