2 Korɛntɛ̀n anmàn-bɔ̀ 3:2 - Ɛmɛẅi ankà ankrànkràn 2003

² Nyɛ́n dùku de nyɛ́n dú b'owrú léyi ye merén bɔ́ ɛnbɔrɛ hɔ̀n lɔ mɛ̀n hɩ anwrɔn lɔ fɛn ke le nyrì, ô kɛ̀ krɛ̀ nɔn.

2 Korɛntɛ̀n anmàn-bɔ̀ 3:2 Iomraidhean Croise

Rɔmɛ̀n-anmàn-bɔ̀ 1:8

Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn.

1 Korɛntɛ̀n anmàn-bɔ̀ 3:10

M'ankà-nyrì léyi Ɔwɔ tán mɛ̀n nɔn, mɛ́n bɩ mɛ̀n hán ɔkɔhɔ̀n hán ɔwɔn-kú-wrɔn anvrɛnvrɛn tɔ̀n hɔ́, kɩ mɛ̀n wá ɔwɔn-bù ɛnhibɩ́. Zɛtɛ̀ lɔ, ɔwrɔn tɔ̀n ke ku ɔwɔn ɔwɔn-hi-nan lɔ ɛwú. Tɛ́n ke ji le ɔwrɔnwrɔn kɛ̀ wá esùva n'ɔwɔnkuemɛ̀n.

2 Korɛntɛ̀n anmàn-bɔ̀ 11:11

Cɛci kruhú kɛ mɛ̀n dɔ́ ankà ndɔ lɔa? Ke le dù tán le mɛ́n sɩ́ cüɛ̀n nyɛ̀n hàn? Ɔwɔ nyri anvrɛnvrɛn le mɛ cüɛn nyɛ̀n!

2 Korɛntɛ̀n anmàn-bɔ̀ 12:15

Mɛ tɛn tɛ́n, me le dú ɛnbɔrɛ-bruemɛ̀n ke dú kɛ mɛ jrɛ́ eci lɔ fɛn léyi mɛ́n ẅɛ̀n mán mɛ́n mumù mɛhi ny'ɛkruhú. Nyɛ lɛ cüɛn mɛ̀n ɛẅiɛ tɛ̀kɩ, ke dú kɛ mɛ ẅɛn ny'ɛcüɛ̀n vri ɔmu lɔa?

2 Korɛntɛ̀n anmàn-bɔ̀ 3:1

Bɔ́ le vru bɔ̀ ji ɛyri bɔ̀ bɩ́ bɔ́ edomɛ̀n bɔ̀ wá bɔ́ dùku b'antamɛ̀n hàn? Kale bɔ́ ji, hán anwrɔn janbɔ̀ hɔ́, yɛ tán nyɛ̀n esùva-wá wrú, ɛnvra tɔ̀n hô, yɛ sán nyɛ̀n esùva-wá hà?

2 Korɛntɛ̀n anmàn-bɔ̀ 7:3

Mɛ́n sɩ́ dɔ́ ɔmu lɔ, ô mɛ̀n bó nyɛ̀n nwù. Annanwɔrɛ mɛ̀n lɔ, hán ɔmu le mɛ́n gɔ̀ dɔ́ nyɛ̀n nɔn hɔ́, nyɛ́n dú bɔ́ ɛvɛ̀-cüɛn-bɔ̀, hán tán kɩ bɔ̀ dú ɔbɔ̀sɔ mɛ̀n, ɛwúvà mɛ̀n mán owúemɛ̀n.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

1 Tesalonikɛ̀n anmàn-bɔ̀ 1:8

Annanwɔrɛ mɛ̀n lɔ, kè sɩ̀ dù Maseduhanɛ̀n mán Akahi kpɔsɔ wú tɛ̀kɩ Ɛẅɛnwrɔn ankà-dɔ̀ lɔ kè bonyì hɛ̀n, tɛ́n ɛyri lɔ fɛn de ny'Ɔwɔ mɛ̀n ankaẅì-bùtan lɔ bonyì nɔn. Bɔ́ sɩ̀ ẅɛ̀n ankà b'á dɔ́ hɩ wú lɔ.